Diuteronomi 2:21 - Edo Bible (E Baibol Ẹdo) Version 1996

²¹ Iran keghi wa vbe tan sẹ vbe avbe Anakim. Iran wa gha bun ẹsẹse. Iran keghi vbe gha re emwa ni wegbe sokpan e Nọyaẹnmwa keghi fuẹn iran an, ọ re ivbi Amọri na mu otọe iran, iran na yin ẹnrẹn.

Diuteronomi 2:21 ပူးပေါင်းရင်းမြစ်များ

Diuteronomi 1:28

Vbọzẹ ne ima gha na gha rrie evba. Ohan mu mwa. Emwa ne ima gie werriegbe rre do tama ima ighẹ emwa ni rre evba wegbe, iran kọnkọn sẹ ima. Iran wẹ ẹvbo ne a gbe ekẹn ne ọ yo sẹ iso gaa ọ re iran ye. Iran vbe miẹn avbe arhuanran vbe evba.’

Diuteronomi 2:20

(Otọe na kevbe gha re ne a vbe tie ẹre Refeim, ni re emwa ni te ka yin ẹnrẹn. Emwa Amọri kegha tie iran Zamzumim.

Diuteronomi 2:22

Erriọ zẹ ọ re e Nọyaẹnmwa vbe ru ne ivbi Idọm, emwa ni re ivbi uniẹn Isọ ni rre avbe ẹvbo oke ọghe Idọm. Ọ keghi fuẹn emwa Hori ua, ẹre ivbi Idọm ghi na mu otọ iran, iran na yin ẹnrẹn, ehe ne iran ye na.

Diuteronomi 3:11

(Ọg ne ọba kegha re ne ọ ghi kiekie vbe avbe Refeim. Okuta ọ re a ya ru ẹkpẹti orinmwi ẹnrẹn, uvbẹmwẹ ọnrẹn kegha re ibata ehan utanmwẹ ọnrẹn kegha re omwa ibata iwenẹ zẹ vbe ọmwa ne agbọn hia ya mwa emwi. Ọ ye rre ẹvbo ne a tie ẹre Raba vbe Amọri ẹre na.)

Giọgis 11:24

Te uwẹ ghi ho ne u mu ẹẹn werriegbe na? Wẹ sẹtin gba emwi ne Kemọs ne ẹbọ rua rhie nuẹn mwẹ obọ. Sokpan emwi hia ne Nọyaẹnmwa Osanobua mwẹ viọ ne ima nẹ, te ima ra gba mwẹ obọ.