Diuteronomi 2:15 - Edo Bible (E Baibol Ẹdo) Version 1996

¹⁵ E Nọyaẹnmwa keghi wa mu aro da iran ọ te do fuẹn iran fo fẹẹrẹ.

Diuteronomi 2:15 ပူးပေါင်းရင်းမြစ်များ

Psalm 106:26

Rẹn keghi rhunmwuda ọnii ya obọ sekhae ne iran bu iran ude, wẹ rẹn gha gie iran wulo vbe uwu ato.

Psalm 32:4

Ke asọn kevbe avan ọ re u ya rriọmwẹ oya, Nọyaẹnmwa, orhiọn ni mwẹ fo fẹẹrẹ, zẹ vbene ovẹn uyunmwu ka evbu.

Psalm 78:33

Rhunmwuda ọnii, ọ keghi fian iran ẹdagbọn uan, zẹ vbe uhiọnrọnmwẹ, kevbe arrọ ọghe iran vbe uwu ekpainkpain.

Aizaia 66:14

Wa ghẹ ghi miẹn vbe ọna a gha sunu, wa gha ghọghọ. Ọna gha ya uwa wegbe, egbe ghi vbe rran uwa. Ẹghẹ nii wa gha na rẹn wẹ mẹ ne Nọyaẹnmwa yi avbe emwa ni họn ẹmwẹ mẹ obọ, kevbe wẹ mẹ vbe rhie ma avbe eghian mwẹ vbe ohu a mu mwẹ.”

Nọmbas 14:28

Banbanna nian, rhie ewanniẹn na ne iran. ‘Ugbẹn vbe a miẹn wẹ mẹ rrọọ, te I wa vẹn ihẹn wẹ vbene uwa nọ rẹn ọre I ra ru uwa hẹ. Mẹ ne Nọyaẹnmwa tae nẹ.

I Kọrinti 10:5

Uhin ighẹ ọ rhe ye rriọ, ẹko iran hia ma rhiẹnrhiẹn Osanobua rhunmwuda ọnii ọ keghi zagha ikun iran lele uwu ato hia.

Ebe ne Jud gbẹẹn 1:5

A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.

Giọgis 2:15

Ẹghẹ hia ne iran ya yo okuo, e Nọyaẹnmwa ghi mu aro ne ọ khọ da iran zẹ vbe ne ọ tama iran zẹ wẹ rẹn gha ru. Iran keghi do gha rre uwu ọlọghọmwa nọkhua.

I Samuẹl 5:11

Iran keghi vbe rhunmwuda onii dọlegbe tie enigie isẹn nii, iran tama iran wẹẹ, “Wa mu Ẹkpẹti Ile ọghe Izrẹl werriegbe gha rrie ihe ẹre ne ọ ghẹ do gbele ima gbele ima emọ.” Ẹvbo hia kegha hu yo hu rre rhunmwuda Osanobua rri iran oya ẹsẹse.

I Samuẹl 5:6

E Nọyaẹnmwa keghi rri emwa Asdọd oya ẹsẹse, ọ na runran iran.

I Samuẹl 5:9

Sokpan, ọ ghi sẹ evba e Nọyaẹnmwa keghi rri ẹvbo ni oya ọ keghi fian otighi fi iran egbe. Osanobua keghi ya uruvba ne ọ munọ emwa rri iran oya, ọ keghi munọ emwa hia ke ibiẹka kevbe eniwanrẹn.

I Samuẹl 7:13

Erriọ iran na khọn e Filistin muotọ, e Nọyaẹnmwa ma ghi rhie ẹghẹ ne iran ya dọlegbe mu okuo la otọe Izrẹl vbe ẹghẹ ne Samuẹl ya ẹe vbe agbọn.