Diuteronomi 19:5 - Edo Bible (E Baibol Ẹdo) Version 1996

⁵ “Vbe igiemwi, a deghẹ arhin eva gba ye uwu ẹgbo ya fian erhan, a na miẹn wẹ ọkpa ghi fian erhan vbọ, uhunmwu ughanmwa rẹn keghi vbọ hin uze rre, ọ na gbe ọmwa nọkpa a, ọ sẹtin lẹ gha rrie ọkpa vbe uwu avbe ẹvbo na, ọ ghi miẹn uhunmwu.

Diuteronomi 19:5 ပူးပေါင်းရင်းမြစ်များ

II Ọba 6:4

Iran na gba gha khian. Iran ghi sẹ Jọdan, iran na suẹn gha winna.

Itan 27:12

Avbe umẹwaẹn sẹtin rẹn vbe orueghe a gha dee, iran ghi gban egbe ne ẹẹn; sokpan, ọmwa ne ẹ i ro iro ghi wa ye owẹ eveva khian la rọ, ọ ghi ya gha ghe I ma rẹn vbe okiekie.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Nọmbas 35:25

Ẹvbo ghi wọlọ ọmwa ne ọ de izigha ọyẹvbu nii hin obọ etẹn ọmwa nọwu nii rre, a ghi gie ẹre werriegbe gha rrie ẹvbo ne a lẹgbinna nii, ehe ne ọ lẹ gha rrie. Ọ ghi gha rre evba ogie ohẹn ne ọ rrọọ vbe ẹghẹ nii te do wu.

Diuteronomi 19:4

A deghẹ ọmwa gbe ọmwa ne ẹ i re oghian rẹn rua, vbene ẹ i na re ẹmwẹ ọnrẹn, ọ sẹtin lẹ gha rrie ọkpa vbe uwu avbe ẹvbo na, ọ ghi lẹ fe.

Diuteronomi 19:6

A deghẹ ẹvbo ọkpa kẹkan ọ re ọ rrọ, ọ gha rrei gbe, a ghi miẹn wẹ ọmwa ne ọ khẹke ne ọ rria ikhi ye izigha ne a de ni, ghi khu ọmwa ni mu, kevbe rhunmwuda ne ohu na mu ẹẹn ni, ọ ghi ya gbe ẹe rua ighẹ ọmwa ne ọ ma rri abe. vbene ọ rhirhi gha ye hẹ, te ọ gbe ọmwa ne ẹ i re oghian rẹn rua vbe ne ẹ i na re ẹmwẹ ọnrẹn.