Diuteronomi 19:4 - Edo Bible (E Baibol Ẹdo) Version 1996

⁴ A deghẹ ọmwa gbe ọmwa ne ẹ i re oghian rẹn rua, vbene ẹ i na re ẹmwẹ ọnrẹn, ọ sẹtin lẹ gha rrie ọkpa vbe uwu avbe ẹvbo na, ọ ghi lẹ fe.

Diuteronomi 19:4 ပူးပေါင်းရင်းမြစ်များ

Gẹnẹsis 31:2

Rẹn kevbe miẹn wẹ ekhọe Leban fiwerriẹ ghe irẹn lahin vbene ọ te ka ye de yi.

II Samuẹl 14:11

Okhuo nii keghi kha wẹẹ, “Umogun, lahọ, na erhunmwu ghe e Nọyaẹnmwa Osanobua ruẹ wẹ ne avbe etẹn mwẹ, ni wẹ iran ra rria ikhi ye uwu ovbi mwẹ, ghẹ vbe ya ru orukhọ ne ọ ghi sẹẹ, vbe ne iran gha na gbe ovbi mwẹ ne ọ ghi ke ẹe.” E Devid keghi kha wẹẹ, “Eni Osanobua nọ rrọọ ọre I ya yan wẹ emwi ọkpa ne ọ ra ru ovbi uẹ, ẹ i rrọọ.”

I Krọnikol 11:2

Vbe ẹghẹ ne ọ gberra, uhin vbe Sọl he ye re ọba ima, wẹ ọ re ọ gha viọ ivbi Izrẹl ye okuo, e Nọyaẹnmwa Osanobua ruẹ keghi yan tama ruẹn wẹ u gha su emwa na, u ghi gha re ogie iran.”

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Nọmbas 35:12

Evba ọre ọ gha na miẹn uhunmwu vbe obọ etẹn ọmwa ne ọ wu nii, ni ho ne iran rria ikhi. A ghẹ ghe ọmwa ne a ba ẹre ifi ẹzọ izigha rua vbe ẹi re te a gui ẹzọ ẹre nẹ vbe sirra emwa hia.

Nọmbas 35:9

E Nọyaẹnmwa keghi tama e Mosis wẹ ne ọ,

Diuteronomi 19:5

“Vbe igiemwi, a deghẹ arhin eva gba ye uwu ẹgbo ya fian erhan, a na miẹn wẹ ọkpa ghi fian erhan vbọ, uhunmwu ughanmwa rẹn keghi vbọ hin uze rre, ọ na gbe ọmwa nọkpa a, ọ sẹtin lẹ gha rrie ọkpa vbe uwu avbe ẹvbo na, ọ ghi miẹn uhunmwu.

Diuteronomi 19:6

A deghẹ ẹvbo ọkpa kẹkan ọ re ọ rrọ, ọ gha rrei gbe, a ghi miẹn wẹ ọmwa ne ọ khẹke ne ọ rria ikhi ye izigha ne a de ni, ghi khu ọmwa ni mu, kevbe rhunmwuda ne ohu na mu ẹẹn ni, ọ ghi ya gbe ẹe rua ighẹ ọmwa ne ọ ma rri abe. vbene ọ rhirhi gha ye hẹ, te ọ gbe ọmwa ne ẹ i re oghian rẹn rua vbe ne ẹ i na re ẹmwẹ ọnrẹn.

Diuteronomi 4:42

Ehe ne emwa gha sẹtin gha lẹ yo ne ọ gha na gha miẹn uhunmwu a deghẹ ọ gbe ọmwa ne iran i gba mwẹ egbe ẹzọ vbe ne ẹ i na re ẹmwẹ ọnrẹn. Ọ gha sẹtin lẹ gha rrie ọkpa vbe uwu avbe ẹvbo na, a i ghi gbe ẹe rua.

Jọsua 3:4

Erriọ uwa gha na rẹn odẹ ne uwa gha la, vbene a na miẹn wẹ wa ma he ka sẹ edinran ẹdẹ, sokpan, wa ghẹ sikẹ nene Ẹkpẹti Ile, wa ghi rhie omwa ukhiọnmwẹ ibiriki ọkpa ye ẹkpo vbe odieke ẹre.”