Diuteronomi 19:1 - Edo Bible (E Baibol Ẹdo) Version 1996

¹ “Nọyaẹnmwa ghẹ ghi fuẹn iran an nẹ ighẹ avbe emwa ne ọ ra mu ẹvbo iran ne uwa, ighẹ wa vbe munọ ẹvbo iran ke owa iran nẹ, wa na ghi gbe ẹkun sẹ otọ vbe evba.

Diuteronomi 19:1 ပူးပေါင်းရင်းမြစ်များ

Ẹksọdọs 21:13

Sokpan, a deghẹ emwi udomwurri nọ ighẹ ọ ma te wẹ ne irẹn gbe ẹe rua, ọ sẹtin lẹ gha rrie eke ne I gha tama uwa. Ẹ i ghi rre ẹbe vbe odọ nii.

Nọmbas 35:11

wa ghi zẹlẹ ẹvbo ne ọmwa gha a lẹfi a deghẹ ọ gbe ọmwa ran vbe nẹ i na re ẹmwẹ ọnrẹn.

Nọmbas 35:9

E Nọyaẹnmwa keghi tama e Mosis wẹ ne ọ,

Diuteronomi 12:1

“Banbanna nian, wa danmwẹ ehọ uhi ne uwa ra gha ya ru emwi vbe ẹghẹ ne uwa a rhirhi ya vbe otọe ne Nọyaẹnmwa Osanobua avbe erha uwa odede ra mu ne uwa.

Diuteronomi 12:29

“E Nọyaẹnmwa ne Osanobua rua gha fuẹn avbe ẹvbo nii hia zẹ vbene uwa ya gu iran gbinna vbe otọ iran, wa ghi mu ẹẹn, wa ghi yin ẹnrẹn.

Diuteronomi 17:14

“Wa ghẹ ghi yan otọe ne Nọyaẹnmwa Osanobua ra mu ne uwa nẹ ighẹ uwa ghi gbe ẹkun sẹ otọ nẹ, ẹghẹ nii, wa gha kha wẹ wa ho ne uwa gha mwẹ ọba zẹ vbe avbe ẹvbo ni lẹga uwa.

Diuteronomi 6:10

“E Nọyaẹnmwa Osanobua mwa tama avbe erha mwa odede ighẹ Ebraham, Aizik kevbe Jekọb wẹ rẹn gha mu otọe ne avbe okpẹvbo ni kọnkọn kevbe ne emwi ẹfe ye ne uwa ma bọ, ne uwa.

Diuteronomi 6:11

Avbe owa ni rrọọ ghi vuọn ne emwi esiesi ne uwa ma viọ yọ, avbe uhae ne uwa na fian, deba ugbo azara kevbe ọghe ọliv ne uwa ma kọ. E Nọyaẹnmwa ghẹ ghi viọ uwa sẹ otọ na nẹ ighẹ te uwa ghi miẹn emwi ne uwa a rhirhi gha ho gha re.

Jọsua 20:1

Ẹre Nọyaẹnmwa na tama e Jọsua wẹẹ,

Jọsua 24:13

I keghi mu otọ ne uwa ma miẹn ẹsọn yi ne uwa, deba ẹvbo ne uwa ma bu. Evba wa ye na, wa gha rri ọmọ erhan ne a ya ru ayọn ne ọ baa vbe erhan ẹnrẹn kevbe oliv vbe erhan ne uwa ma kọ.”