Diuteronomi 18:8 - Edo Bible (E Baibol Ẹdo) Version 1996

⁸ A ghi vbe ghae evbare ne ẹẹn zẹ vbe ọghe avbe nekpa, ọ sẹtin viọ emwi ne avbe etiọnrẹn a rhirhi viọ gie ẹe.

Diuteronomi 18:8 ပူးပေါင်းရင်းမြစ်များ

II Krọnikol 31:4

Ye vbe deba ọnii, ọba keghi wẹ ne avbe emwa gha viọ emwi ihaoko ne ọ khẹke avbe ohẹn kevbe Livai rre, ne iran miẹn ehe na wa rhie egbe ye ẹmwẹ emwi ne Uhi e Nọyaẹnmwa wẹ ne a gha ru.

Nehimaia 12:44

Vbe ẹghẹ nii, a keghi do viọ emwa yọ ne iran gha gbe aro ghe avbe aza ne a viọ emwi ne emwa viọ rrie Ọgua Osa yi, usun avbe aghaeyihigbe kevbe ọka ne a ka fian kevbe ọmọ erhan ne ọ ka vbọ ukpo ukpo. Iwinna iran na vbe nọ ne iran gha miẹn avbe ẹvbo ni sikẹ ugbo nii emwi ne iran viọ gie avbe ohẹn kevbe avbe Livai zẹ vbene Uhi khare. Emwa e Juda keghi gha ta ẹmwẹ avbe ohẹn kevbe Livai ne ọ maa.

Nehimaia 12:47

Vbe ẹghẹ e Zerubabẹl kevbe ẹghẹ Nehimaia, te ivbi Izrẹl hia gha zọhẹ ẹdẹgbegbe ne a miẹn ya gha gaga avbe ọsian kevbe abodẹ Ọgua Osa. Avbe emwa ni ghi gha zẹ ọhẹ iruemwi gie avbe Livai, avbe Livai ghi vbe viọ inu ne a mwamwa ẹn yi gie avbe ohẹn.

Levitikọs 27:30

A ghae ye ihe igbe ọghe emwi okọ hia, ọghe Nọyaẹnmwa nọ, ọ re ọka nọ ra avbe ọmọ erhan.

Levitikọs 7:14

Ọ ghi ya obọkpa ọghe egbe ebrẹd ughughan na, zẹ ọhẹ kpataki gie Nọyaẹnmwa. Ohẹn ne ọ mu esagiẹn rhurhẹ ku aka ọre ọ yan rẹn.

Nọmbas 18:21

E Nọyaẹnmwa keghi kha wẹẹ, “A ghae ye ihe igbe ne ivbi Izrẹl hẹ gunmwẹ, I ya ne avbe Livai. Ọ na ọrọre osa ne a ha iran re ye iwinna ne iran winna ya gbearoghe Owa Ukpọn Ile.

Iyẹn ne ọ Maan Ọghe Luk 10:7

Wa ghi di owa ọkpa ni ya, wa ghi gha re, wa ghi vbe gha da emwi ne iran rhie ne uwa, rhunmwuda ọ kere ne a gha ha osa ne ne ọ winna. Wa ghẹ gha si ke owa ọkpa la ọvbehe.

Diuteronomi 18:7

Ne ọ da ga vbe evba zẹ vbe ohẹn ọghe Nọyaẹnmwa Osanobua ẹre zẹ vbe avbe e Livai nekpa ni ga vbe evba.