Diuteronomi 18:18 - Edo Bible (E Baibol Ẹdo) Version 1996

¹⁸ I gha gie akhasẹ vbe ruẹ ke uwu emwa iran gie iran; I gha tama rẹn ẹmwẹ ne ọ gha ta, irẹn ghi vbe rhie iyi ne I yi hia ma iran.

Diuteronomi 18:18 ပူးပေါင်းရင်းမြစ်များ

Psalm 110:4

E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Ẹksọdọs 4:12

Banbanna nian, gha khian, I gha ru iyobọ nuẹn ne u sẹtin gha guan, I gha vbe tama ruẹn ẹmwẹ ne u gha ta.”

Ẹksọdọs 4:15

U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Aizaia 51:16

Mẹ ọ re ọ tan iso yotọ, I keghi vbe gbe ẹyotọ agbọn I tama Jerusalẹm wẹẹ, ‘Emwa mwẹ wa khin I maa uwa emwi ọghomwẹ nẹ, obọ mwẹ ọ re i ya degue uwa.’ ”

Aizaia 51:4

“Wa danmwehọ mwẹ wa ne emwa mwẹ wa danmwehọ vbene I khare mẹ ọ re ọ ma avbe uhunmwu ẹvbo emwi. Uhi mwẹ gha rhie uwanmwẹ gie iran.

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Hozia 12:14

Ivbi Izrẹl wa ya ẹko e Nọyaẹnmwa kakabọ rhia, te ọ kere ne iran wulo ye orukhọ ne iran ru. E Nọyaẹnmwa ghi rri iran oya ye ne iran na si efa ye ọre egbe.

Emọs 2:11

I hannọ eso vbe ivbi uwa zẹ, ne iran gha re akhasẹ, kevbe eso vbe avbe igbama uwa, ne iran do gha re Nazarait. Ohoghe nọ ra ivbi Izrẹl? Mẹ ne Nọyaẹnmwa guan nẹ.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Nọmbas 12:13

Ẹre Mosis na datu tie Nọyaẹnmwa wẹẹ, “Osanobua, mu ẹre egbe rran.”

Nọmbas 23:16

E Nọyaẹnmwa keghi do vba e Balam, ọ na tama rẹn ẹmwẹ ne ọ gha ta, ọ na gie ẹe werriegbe bu e Balak ne ọ ya tama rẹn uhunmwu ne irẹn gie.

Nọmbas 23:5

E Nọyaẹnmwa keghi gie Balam werriegbe bu e Balak gha khian ne ọ ya tama rẹn uhunmwu ne irẹn gie.

Iyẹn ne ọ Maan Ọghe Luk 24:19

Ọ nọ rẹn wẹẹ, “Vbọ khun emwi?” Iran wanniẹn wẹẹ, “Avbe emwi ni sunu vbe egbe Jesu ne ovbi e Nazarẹt nọ vbe gha re akhasẹ, ne Osanobua kevbe emwa ne agbọn ka ye ọmwa nọkhua vbe ẹmwẹ ne a guan kevbe emwi ne a ru.

Iyẹn ne ọ Maan Ọghe Jọn 1:21

Iran nọ rẹn wẹẹ, “De ọmwa ne uwẹ ghi khin khekherriọ? Elaija ore u khin ra?” Jọn wanniẹn wẹẹ, “Ẹn ọ, I i re ọre.” Iran dọlegbe nọ rẹn wẹẹ, “Wẹ ọrọre nene Akhasẹ ra?” Ọ wanniẹn wẹẹ, “Ẹn o.”

Iyẹn ne ọ Maan Ọghe Jọn 1:25

Iran nọ rẹn wẹẹ, “Deghẹ wẹ i re nene Mẹzaia, ra Elaija ra akhasẹ, vbọzẹ ne u ghi na same ne emwa khekherriọ?”

Iyẹn ne ọ Maan Ọghe Jọn 1:45

Filip keghi miẹn Nataniẹl, ọ tama rẹn wẹẹ, “Ma miẹn ọmwa ne Mosis ta ẹmwẹ ọnrẹn ye uwu ebe Uhi, ne avbe akhasẹ vbe gbẹnnẹ ẹmwẹ ye otọ vbe ekpa ẹre. Ọmwa na ọrọre Jesu ne ovbi e Josẹf ne ovbi e Nazarẹt.” Nataniẹl keghi nọ wẹẹ,

Iyẹn ne ọ Maan Ọghe Jọn 12:48

Ọmwa ne ọ ma rhan obọ miẹn mwẹ kevbe ne ọ ma vbe ya ẹmwẹ mwẹ yi, ọmwa ne ọ gha bu ohiẹn ọnrẹn rrọọ. Ẹmwẹ ne I guanrẹn ọre ọ ra bu ohiẹn ọnrẹn vbe ẹdẹ okiekie.

Iyẹn ne ọ Maan Ọghe Jọn 15:15

I ma ghi tie uwa eguọmwadia nian rhunmwuda ọguọmwadia i rẹn emwi ne arowa ẹre ru. Ọse mwẹ ọre I ghi tie uwa ẹre rhunmwuda emwi hia ne I họẹn vbe unu Erha mwẹ, I vbe talọ ehia ma uwa.

Iyẹn ne ọ Maan Ọghe Jọn 17:18

Zẹ vbene uwẹ gie mwẹ gha die agbọn, erriọ mẹ vbe gie iran gha rrie agbọn.

Iyẹn ne ọ Maan Ọghe Jọn 17:8

Rhunmwuda uhunmwu ne u gie mwẹ re, I tama iran nẹ, iran vbe miẹn rẹn nẹ, iran rẹnrẹn wẹ ọghuẹ mẹ ke gha dee vbe ẹmwata, iran vbe yayi nẹ ighẹ wẹ ọre ọ gele gie mwẹ.

Iyẹn ne ọ Maan Ọghe Jọn 4:25

Okhuo ni tama rẹn wẹẹ, “Mẹ rẹnrẹn ighe Mẹzaia ne a tie ẹre Kristi dee. Ọ gha ghi rre, ọ gha rhan otọ emwi hia ma ima.”

Iyẹn ne ọ Maan Ọghe Jọn 8:28

Rhunmwuda ọnii Jesu tama iran wẹẹ, “Wa ghẹ ghi tọn Ovbi Ọmwa mu nẹ, wa gha rẹn ighẹ ‘Mẹ ọrọre imẹ.’ Wa ghi vbe do rẹn wẹ, mẹ i da ru emwikemwi sokpan ẹmwẹ ne Erha ma mwẹ re ọre I ta.

Iwinna 3:22

Rhunmwuda Mosis ta ẹe wẹẹ, ‘Nọyaẹnmwa Osanobua rua gha gie akhasẹ ọkpa gie uwa, zẹ vbene ọ vbe gie mwẹ, ovbi uwa khian vbe gha nọ. Wa ghi gbe ehọ kotọ họn ẹmwẹ hia ne ọ gha tama uwa.

Iwinna 7:37

Mosis na ọre ọ tama ivbi Izrẹl wẹẹ, ‘Osanobua gha gie akhasẹ gie uwa zẹ vbene ọ vbe gie mwẹ, ovbi uwa ọre irẹn khian gha khin.’

Diuteronomi 18:15

Ye ihe ọnii, ọ gha gie avbe akhasẹ vbe mwẹ ke uwu uwa gie uwa, wa ghi gha rhie ẹmwẹ ọnrẹn.

Diuteronomi 33:5

E Nọyaẹnmwa kegha re ọba emwa rẹn Izrẹl, vbe a ghi si avbe ẹwae kevbe ọkaolotu iran si koko.

Diuteronomi 34:10

Ke ẹghẹ nii gha dee, a ma he miẹn akhasẹ ne ọ yevbe Mosis vbe Izrẹl, ọmwa ne Nọyaẹnmwa wa gu guan vbe ghe aro mwẹ ghe aro uẹ.

Diuteronomi 5:5

Ẹghẹ nii, mẹ keghi mudia ye ẹkpo Nọyaẹnmwa kevbe uwa ne I miẹn ehe na gha tama uwa hia vbene ọ kha hẹ, rhunmwuda ohan erhẹn nii mu uwa, wa ma vbe ho ne uwa hin uhunmwu oke nii. “E Nọyaẹnmwa keghi kha wẹẹ,

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.

Hibru 7:22

Alughaẹn ne ọ rrọ na, keghi rhie maa nian wẹ, Jesu ọrọre ama ne aro ya dae wẹ, ile ne ọ maa sẹ ọre ọ na khin.