Diuteronomi 18:16 - Edo Bible (E Baibol Ẹdo) Version 1996

¹⁶ Ẹdẹ ne uwa si koko ye ọkpẹn Oke Sainai, te uwa rinmwian ẹẹn wẹ wa i ghi ho ne uwa họn urhu e Nọyaẹnmwa, ra ne uwa ye bẹghe ehe ne ọ ye ne ọ yevbe erhẹn nii, rhunmwuda wẹ, ọ gha ye rriọ, wa gha wulo.

Diuteronomi 18:16 ပူးပေါင်းရင်းမြစ်များ

Ẹksọdọs 20:18

Ugbẹn vbe emwa nii ghi họn avan ne ukhunmwu kevbe okpe ni vannọ, vbe iran ghi vbe miẹn ayan kevbe uhunmwu oke ne ọ gbe ighogho, iran kegha guọ zighazigha ne ohan, iran na mudia ye urria gban an.

Ẹksọdọs 20:19

Iran keghi tama e Mosis wẹẹ, “Wẹ gha gu ima guan ighẹ ma gha họn, sokpan afianma fian mwa wẹ, deghẹ Osanobua gu ima guan, ma gha wulo.”

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Diuteronomi 1:6

Ọ keghi kha wẹẹ, “Ẹghẹ ne ima na gha rre Oke Sainai, e Nọyaẹnmwa Osanobua ima keghi tama ima wẹẹ, ‘Wa kpẹe sẹ nẹ vbe uhunmwu oke na.

Diuteronomi 10:4

E Nọyaẹnmwa keghi vbe gbẹnnẹ emwi ne ọ ka gbẹnnẹ ye ne okaro yọ, ọnii nọ wẹ avbe uhi igbigbe ne ọ viọ ne uwa ẹghẹ ne ọ na ke uwu erhẹn gha guan rre vbe uwa si egbe koko ye ọkpẹn oke. E Nọyaẹnmwa keghi viọ avbe uhanhan nii mẹ.

Diuteronomi 9:10

Ẹre Nọyaẹnmwa na viọ uhanhan okuta eveva nii mẹ. Ọ keghi ye obọ ẹre gbẹnnẹ avbe ẹmwẹ ne ọ tama uwa ke uwu erhẹn rre vbe ẹdẹ ne uwa si koko ye ọkpẹn oke nii.

Hibru 12:19

Urhu okpe kevbe owogho uvannọmwẹ. Ugbẹn vbe iran ghi họn urhu nii, iran keghi rinmwian wẹ, ne iran ghẹ ghi dọlegbe họn ifi ẹmwẹ ọkpa sẹẹ ọnii.