Diuteronomi 18:12 - Edo Bible (E Baibol Ẹdo) Version 1996

¹² E Nọyaẹnmwa Osanobua rua i ho ẹmwẹ emwa ni ru emwi emwiekhue na, ọ ni ọ si ẹe ne ọ na khulo avbe emwa nii hin otọe nii rre vbene uwa ya nana sikẹ odaro.

Diuteronomi 18:12 ပူးပေါင်းရင်းမြစ်များ

II Ọba 23:24

Ne a miẹn ehe na mu uhi e Nọyaẹnmwa ni rre ebe ne Hilkaia ne Ogie Ohẹn miẹn vbe Ọgua Osa sẹ, e Josaia keghi viọ iran hin e Jerusalẹm kevbe otọe e Juda rre ighẹ avbe iran ni miẹn ẹrinmwi, iran ni bọ, kevbe ẹbọ edọmwadẹ owa, amazẹ kevbe emwi ne iran ni ga ẹbọ ghi gho hia.

Ezikiẹl 31:11

Rhunmwuda ọnii mẹ he ẹe nẹ, I gha vbe gie ne ọ khaemwisẹ orhunmwuyẹn mu gha khian. Ọ gha ru erhan ni emwi ne ọ ma ẹẹn ye emwi dan ne ọ ru.

Levitikọs 18:24

Wa ghẹ yin avbe uyinmwẹ na ya mu awua gie egbe uwa. Odẹ vbenian, ọre avbe ni ga ẹbọ ni ka gha rre otọe na khẹ uwa ya mu awua gie egbe iran, te Nọyaẹnmwa ghi khulo iran kua na ne uwa miẹn ehe na larọ.

Levitikọs 18:25

Uyinmwẹ iran keghi mu awua ye otọe nii, rhunmwuda ọnii, ọre Nọyaẹnmwa na rria otọe nii ikhi, vbe ne ọ na ya ẹe gha zẹ emwa ni yin ẹnrẹn owẹ.

Diuteronomi 14:27

Sokpan, wa ghẹ mianmian ivbi e Livai ni rre ẹvbo rua. Iran imwẹ emwi obọ iran.

Diuteronomi 22:5

“Ikhuo ghẹ yọ ukpọn ikpia, ikpia ghẹ yọ ukpọn ikhuo. Te Nọyaẹnmwa Osanobua uwa khuiwu emwa ni ru vberriọ.

Diuteronomi 9:4

“E Nọyaẹnmwa Osanobua uwa ghẹ ghi khulo iran ladian nẹ, wa ghẹ gha tama egbe uwa wẹ te Nọyaẹnmwa viọ uwa gha die otọe na ne uwa do yan rẹn rhunmwuda ighẹ te ọ khẹke uwa. Hiehiere, te Nọyaẹnmwa ra khulo iran ladian ne uwa, rhunmwuda ighẹ emwa dan iran khin.

Diuteronomi 9:5

Ẹ i re rhunmwuda ighẹ wa maa, ra te uwa ru emwi ne ọ kere ne ọ ra na gie uwa mu otọe iran. Ọ gha khulo iran ladian rhunmwuda, emwa dan iran khin, kevbe wẹ rẹn gha ho ne ọ mu ile ne ọ gu avbe erha uwa odede Ebraham, Aizik kevbe Jekọb ta sẹ.