Diuteronomi 18:11 - Edo Bible (E Baibol Ẹdo) Version 1996

¹¹ Ra ẹbo, ghẹ vbe gie iran ya gha gualọ otọ emwi vbe obọ emwa ni wulo nẹ.

Diuteronomi 18:11 ပူးပေါင်းရင်းမြစ်များ

Ẹksọdọs 22:18

“Okhuo ne ọ re oso, wa ghi gbe ẹe rua.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Levitikọs 19:26

“Wa ghẹ rri emiowo ke ẹe kevbe esagiẹn. Ghẹ zẹ ọbo imamase rhọkpa.

Levitikọs 19:31

“Wa ghẹ yo ọghe iran ni gu avbe emwa ni wu nẹ guan. Wa gha ru ẹe. wa gha mu awua. Mẹ ọ re Nọyaẹnmwa Osanobua rua.

Levitikọs 20:27

“Okpia ra okhuo ne ọ rhirhi ya gualọ otọ emwi vbe obọ orhiọn ọmwa ne ọ wu nẹ, a ghi filo okuta gbe ẹe rua. Ọmwa ne ọ rhirhi ru emwi vbenian, obọ ẹre ọre uwu ne ọ gbe ẹe ke rre.”

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Iwinna 16:16

Ẹdẹ ọkpa, ma ghi rrie ehe ne a na na erhunmwu, ọvbokhan okhuo ọkpa, ne ọre ọviẹn, ne ọ vbe mwẹ orhiọn dan nọ yae miẹn aro, keghi khian vbe ima. Igho ọrhẹnrhẹn ọre ọ ye aro me ọ miẹn nii khuan ne enarẹn.

I Samuẹl 28:8

E Sọl keghi mu egbe ọmwa ọvbehe, ọ keghi viọ ukpọn ọvbehe ye egbe, ẹdẹ ghi mu nẹ, ọ keghi viọ eva vbe emwa rẹn ba egbe ne ọ ya miẹn okhuo nii. Rẹn keghi tama rẹn wẹẹ, “Nọ avbe ẹrinmwi mẹ ne u tama mwẹ emwi ne ọ ra sunu.” U ghi tie ẹhi ọmwa ne I ra ta eni ẹnrẹn ma ruẹn gun mwẹ.