Diuteronomi 18:10 - Edo Bible (E Baibol Ẹdo) Version 1996

¹⁰ Wa ghẹ ya ivbi uwa zọ ese vbe erhẹn ọghe aka uwa, wa ghẹ vbe gie emwa uwa zẹ ọbo edunna ra ne iran gha fi iha ra ne iran gha fi emwa unu.

Diuteronomi 18:10 ပူးပေါင်းရင်းမြစ်များ

Gẹnẹsis 44:5

Vbọzẹ ne uwa na do ukpu esiliva mwẹ rhie? Ukpu na ọ re arowa mwẹ ya wọn amẹ, ọ re ọ vbe ya bọ. Emwi ne uwa ru i ma hiehiere.’ ”

II Ọba 16:3

Ọ keghi lele igiemwi avbe ọba Izrẹl, uhin ighẹ te ọ mu ovbi ẹre ne okpia ya ru ẹbọ, ọ na gha lele igiemwi osọnnọ ọghe iran ne Nọyaẹnmwa khulo kua vbe otọe nii vbe ẹghẹ ne ivbi Izrẹl na gha dee.

II Ọba 17:15

Iran na vbe yangbe obọ ne ọ ya sẹ ekhae, iran na ya gha gho ẹbọ ni kẹkẹ ua, iran tobọ iran kevbe khian emwa ni kẹkẹ ua, iran keghi ru emwi uyinmwẹ ọmotọ ọghe ẹvbo ni lẹga iran, vbene iran ma na zẹ ye ẹmwẹ ne Nọyaẹnmwa khare wẹ ne iran ghẹ ye egbe ta iran.

II Ọba 17:17

Iran keghi ya ivbi iran ne ikpia kevbe ne ikhuo gha zọ ese ne a giẹn uan ne ẹbọ iran ne ni ga ẹbọ, iran keghi ya gha bọ vbe ọghe ọbiro kevbe ọfiakpẹlẹ, iran keghi mu egbe iran yọ wẹ emwi pe ọ ma gba iran khian gha ru vbe odaro e Nọyaẹnmwa, rhunmwuda ọnii, iran keghi ya ẹe mu ohu.

II Ọba 21:6

Ọ keghi ye ovbi ẹre ne okpia zọ ese ne a giẹn uan. Rẹn kegha fi iha ọ kevbe gha ru ẹbo edunna, ọ kevbe gha bọ vbe ọghe ọbo kevbe iran ni gu ẹrinmwi guan. Ọ keghi kakabọ sẹ ẹmwẹ e Nọyaẹnmwa, ọ na gie ẹe mu ohu.

II Ọba 23:24

Ne a miẹn ehe na mu uhi e Nọyaẹnmwa ni rre ebe ne Hilkaia ne Ogie Ohẹn miẹn vbe Ọgua Osa sẹ, e Josaia keghi viọ iran hin e Jerusalẹm kevbe otọe e Juda rre ighẹ avbe iran ni miẹn ẹrinmwi, iran ni bọ, kevbe ẹbọ edọmwadẹ owa, amazẹ kevbe emwi ne iran ni ga ẹbọ ghi gho hia.

I Krọnikol 10:13

E Sọl wu rhunmwuda, ọ ma ya ekhọe rhie egbe mu Osanobua. Ọ he iyi Osanobua ye otọ ọ kegha gualọ igiodẹ odẹ ne ọ gha ru emwi la vbe obọ emwa ni wulo nẹ kevbe vbe obọ orhiọn emwa ni

II Krọnikol 28:3

ọ kegha giẹn eturari vbe Iya Hinọm, uhin ighẹ te ọ ya ovbi ẹre ne okpia zọ ese ghe amazẹ, ọ kegha ya egbe ta uyinmwẹ ẹwia ọghe emwa ne Nọyaẹnmwa khulo kua vbe otọe nii vbe ivbi Izrẹl dee.

II Krọnikol 33:6

Ọ ye avbe ivbi ẹre ni ikpia zọ ẹse vbe Iya e Hinọm zẹ vbe emwi imuohan. Ọ wa fi iha, ọ kevbe gha ru ẹbọ edunna, ọ kevbe gha tie avbe ọbo kevbe iran ni mianro sẹ owa. Ọ keghi kakabọ rukhọ ghe Nọyaẹnmwa.

Ẹksọdọs 22:17

Sokpan erhae gha wẹ ne ọ ghẹ rọnmwẹ ọẹn, ọ ghi hae igho ne a ya rhie ọvbokhan uvbi nẹẹn.

Ẹksọdọs 22:18

“Okhuo ne ọ re oso, wa ghi gbe ẹe rua.

Aizaia 47:13

U i ye mwẹ ẹtin, vbene a bu ruẹ ude sẹ gie iran ni we uki ne uẹn ladian do miẹn ruẹn fan avbe iran ni ghe umian vbe orhọnmwẹ iran ni mwamwa iso ye dọmwadẹ oghae ni vbe tama ruẹn uki uki wẹ ghe emwi ne ọ gha sunu vbe egbe ruẹ.

Jerimaia 27:10

Te iran rẹrẹ uwa, iran gha gie a munọ uwa gha rrie ehe ne ọ rrei ne otọe uwa ẹsẹse I gha khulo uwa ladian, a ghi fuẹn uwa a.

Jerimaia 27:9

Wa ghẹ zẹ ye avbe akhasẹ uwa ẹre, ra ọmwaikọmwa ne ọ wẹ rẹn sẹtin rẹn emwi ne ọ gha sunu akhuẹ yotọ vbekpa imina na nọ ra vbekpa ne iran tie orhiọn ọmwa ne ọ wu ke idin ladian ra vbekpa ẹbo awan. Ehia gha tama uwa wẹ ne uwa ghẹ zẹ ye ọba e Babilọn re.

Jerimaia 32:35

Iran bọọ Ogiukpo ne Baal vbe Iya Hinọm, ne iran ya gha ya ivbi iran nikpia kevbe nikhuo zọ ese vbe evba ne ẹbọ ne a tie ẹre Molẹk. Mẹ ma tama iran ne iran ru emwi na, ọ ma vbe gha zẹdẹ rrọ mwẹ ekhọe wẹ ne iran ru emwi vberriọ, ne iran ya si emwa e Juda obọ fi orukhọ.”

Jerimaia 7:31

Iran ma Ogiukpo okpa ne iran tie ẹre Tofẹt ye Iya Hinọm, ne iran miẹn ehe na gha ya ivbi iran nikpia ke nikhuo zọ ese vbe erhẹn. I ma gie iran ru emwi na, ọ ma vbe zẹdẹ gha rrọ mwẹ ekhọe hiehiere.

Levitikọs 19:26

“Wa ghẹ rri emiowo ke ẹe kevbe esagiẹn. Ghẹ zẹ ọbo imamase rhọkpa.

Levitikọs 19:31

“Wa ghẹ yo ọghe iran ni gu avbe emwa ni wu nẹ guan. Wa gha ru ẹe. wa gha mu awua. Mẹ ọ re Nọyaẹnmwa Osanobua rua.

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Maika 5:12

“I gha rhia rua ighe avbe ẹbọ ne uwa lo, I i ra vbe sẹ ọho ne ọ miẹn aro ọkpa kẹkan rae ne uwa.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Iwinna 19:19

Ni bun vbe iran ni te ka zẹ ọbo edunna yi, keghi viọ ebe iran ladian, iran keghi sirra emwa hia giẹn ehia. Iran ghi tie igho ye avbe ebe nii, ehia keghi gha re enaira arriaisẹn igbe.

Iwinna 8:9

Okpia ọkpa ne a tie ẹre Saimọn keghi rre ẹvbo ni, ọ keghi kpẹe kherhe ne ọ kegha zẹ ọbo edunna ya runran emwa Sameria. Ọ kegha kha ighẹ ọmwa nọkhua rẹn khin.

Galatia 5:20

ẹbọ ne a gho kevbe azẹn, emwa ghi ya eghian so egbe, iran ghi gha gbinna, oya iran ghi gha da egbe, okuo kevbe oguegue. Iran ghi gha ghae egbe ye otu kevbe oka.

Diuteronomi 12:31

Wa ghẹ ga e Nọyaẹnmwa Osanobua rua vbene iran ya gho ẹbọ iran, rhunmwuda, iran gha gho ẹbọ iran, iran ghi ru emwi osọnnọ hia ne ọ sọnnọ e Nọyaẹnmwa. Uhin ighẹ te iran ya ivbi iran zọ ese vbe uhunmwu aka iran.

I Samuẹl 15:23

Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”

I Samuẹl 28:3

Vbe ẹghẹ na, e Samuẹl wu nẹ, ivbi Izrẹl ghi khiẹ ọre nẹ, iran na re ẹre ye Rama ne ẹvbo ẹre. E Sọl khulo iran ni fi iha kevbe iran ni miẹn ẹrinmwi hin otọ Izrẹl rre nẹ.

I Samuẹl 28:7

Ẹre Sọl ghi na khama emwa rẹn wẹẹ, “Wa gunmwẹ gualọ okhuo ne ọ miẹn ẹrinmwi, I gha yo ya gualọ otọ emwi vbe obọ ẹre.” Iran wanniẹn tama rẹn wẹẹ, “Ọkpa rre Ẹndọ.”

I Samuẹl 28:8

E Sọl keghi mu egbe ọmwa ọvbehe, ọ keghi viọ ukpọn ọvbehe ye egbe, ẹdẹ ghi mu nẹ, ọ keghi viọ eva vbe emwa rẹn ba egbe ne ọ ya miẹn okhuo nii. Rẹn keghi tama rẹn wẹẹ, “Nọ avbe ẹrinmwi mẹ ne u tama mwẹ emwi ne ọ ra sunu.” U ghi tie ẹhi ọmwa ne I ra ta eni ẹnrẹn ma ruẹn gun mwẹ.

I Samuẹl 28:9

Okhuo nii tama rẹn wẹẹ, “Vbe ẹmwata, wẹ rẹn emwi ne Sọl ne ọba ru wẹ ọ khulo iran ni fi iha kevbe iran ni miẹn ẹrinmwi hin otọ Izrẹl rre, vbe uwẹ ghi na khuẹn ifi na mẹ hẹ ne a miotọ na gbe mwẹ uan?”