Diuteronomi 17:8 - Edo Bible (E Baibol Ẹdo) Version 1996

⁸ “U gha ghe a ghi miẹn ẹzọ eso ne ọ wegbe sẹ ọmwa ne ọ bu ohiẹn ọghe ẹvbo nii ẹi mwẹ emwi ne ọ re ọghe ọmwa, ra ẹmwẹ ikuan egbe ye, ẹmwẹ nii laghe vbene izigha ra izigha ọyẹvbu ye. Ọ gha ye vberriọ, wa ghi gha rrie ihe ọkpa ni ne a na ga ni ne Nọyaẹnmwa ne Osanobua uwa zẹe.

Diuteronomi 17:8 ပူးပေါင်းရင်းမြစ်များ

II Samuẹl 15:2

Ọ gha rhiọrre vbe owiẹ vbirrivbirri, ọ ghi ya mudia ye odẹ vbe ehe ne a la la ore ẹvbo. Ọmwaikọmwa gha dee ne ọ do gu ọba guan vbe ekpa ẹmwẹ ne ọ ho ne ọba guan yi, Absalọm ghi tie ẹre rrie egbe, ọ ghi nọ ehe ne ọ ke rre. Ọmwa nii gha kha wẹẹ, “Enọwanrẹn ẹgbẹe vbenian vbe Izrẹl ọ re I ke rre.”

I Krọnikol 26:29

A keghi zẹ vbe uniẹn ọghe Izia, e Kienanaia kevbe ivbi ẹre, ne iran gha wa emwa iwinna, ne iran gha gbẹnnẹ emwi ye otọ kevbe ne iran gha dọlọ ẹzọ ne ivbi Izrẹl.

Ẹksọdọs 18:15

E Mosis keghi wanniẹn wẹẹ, “Ẹ i mwẹ I ma ru ẹe vberriọ rhunmwuda te emwa nii do gha nọ emwi ne Osanobua ho.

Ẹksọdọs 18:26

Iran kegha re emwa nii bu ohiẹn ọghe emwa nii, zẹ vbe emwa ne a wa rẹn yọ, iran kegha viọ ẹzọ nii lọghọ nii rrọọ bu e Mosis rre, sokpan iran na tobọ iran gha bu ohiẹn ẹzọ ne giẹrẹ nii rrọọ.

Ẹksọdọs 21:20

“Omwa gha ya ukpokpo fi ọviẹn emwi, ọre okpia nọ ra okhuo, ighẹ ọ na wu vbe ọwarọkpa nii, a ghi rri ọmwa nii oya.

Ẹksọdọs 21:22

“Ikpia gha gbinna iran na fi ẹkpoliyẹkẹ emwi, ọ na kpannọ kua sokpan ọ ma miẹn ikuangbe ọvbehe rhọkpa, a ghi fian ọmwa ne ọ fi ẹre emwi nii, emwi ne ọdafẹn ọnrẹn a rhirhi nọ, ọ ghi ha ẹre zẹ vbene nọbuohiẹn ta ẹe yi.

Ẹksọdọs 21:28

“Ẹmila gha sua okpia ra okhuo gbe uẹ ua, a ghi filo okuta gbe ẹe rua, a ghe vbe rri aranmwẹ ọnrẹn. Sokpan a i ra rri enọyan rẹn oya.

Ẹksọdọs 22:2

Te ọ gha ha osa ẹre. A deghẹ ẹ i mwẹ emwi rhọkpa, a ghi mu irẹn khiẹn ne a ya ha osa emwi ne ọ do viọ. Emwi ne ọ do mu nii, a gha miẹn ọẹn vbe obọ ẹre vbe ọ ma he wu, ọre ẹmila nọ ra ekẹtẹkẹtẹ ra ohuan, ọ ghi ha ukhukhu eva. “A deghẹ obọ vba oyi vbe ọ wa gbe ẹkhu la owa vbe asọn a na gbe ẹe rua, ọmwa ne ọ gbe ẹe rua nii ma de izigha. Sokpan a deghẹ avan nọ, te ọ de izigha.

Ẹksọdọs 22:8

Sokpan, a deghẹ a ma mu oyi nii, a ghi mu ọmwa ne ọ yan owa nii gha die owa ugamwẹ ne ọ do vẹn ihẹn wẹ ẹ i re irẹn ọre ọ viọ emwi ọmwa nọkpa nii.

Ezikiẹl 44:24

Imuaẹmwẹ ne a tie uhi ginna gha sunu, avbe ohẹn ghi lele uhi mwẹ ya bu ẹre. Iran ghi gha ru avbe emwi ukpo iyayi zẹ vbe uhi kevbe ilele mwẹ, iran ghi vbe zẹ Ẹdẹ Ikẹtin kọ zẹ vbe emwi nọhuanrẹn.

Hagai 2:11

Ọ wẹẹ, “Tama avbe ohẹn ne iran guan ye ẹmwẹ awua vbene ọ kere ne ọ gha ye:

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Nọmbas 35:11

wa ghi zẹlẹ ẹvbo ne ọmwa gha a lẹfi a deghẹ ọ gbe ọmwa ran vbe nẹ i na re ẹmwẹ ọnrẹn.

Nọmbas 35:16

Sokpan, a deghẹ ọmwa ya emwi igbinna gbe ọmwa ran, a deghẹ ematọn nọ ra okuta ra erhan, ọ rriabe izigha, te a gha gbẹe rua.

Diuteronomi 1:17

Wa ghẹ gbe ghe obọ ọkpa vbe uwa a bu ohiẹn hiehiere. Abọkpa nii wa ya gha bu ohiẹn hia, ọmwa ne ọ khọnrẹn wẹ ne ọ gha khin. Wa ghẹ mu ohan ọmwarhọkpa, rhunmwuda obọ Osanobua ọ re ohiẹn ne uwa bu ke rre. A deghẹ wa miẹn ohiẹn ne ọ wegbe sẹ uwa, wa ghi mu ẹẹn bu mwẹ gha dee ne I bu ẹre.’

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Diuteronomi 12:14

sokpan wa ya zọ ẹre vbe ehe ne Nọyaẹnmwa gha zẹ vbe otọe ọkpa vbe avbe ẹwae uwa. Evba nii i ọkpa wa gha na gha zọ ese uwa ne a giẹn uan kevbe ne uwa vbe gha ru avbe emwi ọvbehe hia ne I tama uwa.

Diuteronomi 12:5

E Nọyaẹnmwa gha zẹ ihe ọkpa ne emwa gha na ga irẹn vbe otọe ọkpa vbe uwu avbe ẹwae uwa.

Diuteronomi 19:17

Iran eveva ghi do mudia vbe ehe ọkpa ne a na ga nii, ne avbe ohẹn kevbe ni bu ohiẹn ni mu unu ẹghẹ nii, bu ohiẹn iran.

Diuteronomi 19:4

A deghẹ ọmwa gbe ọmwa ne ẹ i re oghian rẹn rua, vbene ẹ i na re ẹmwẹ ọnrẹn, ọ sẹtin lẹ gha rrie ọkpa vbe uwu avbe ẹvbo na, ọ ghi lẹ fe.

Diuteronomi 21:5

Avbe ohẹn Livai ghi vbe gha rre evba rhunmwuda iran ọ re ọ gha bu ohiẹn uhi ne o dekan uyinmwẹ ikẹtin hia. E Nọyaẹnmwa Osanobua ọ re ọ zẹ iran ne iran gha ga irẹn, kevbe ne iran vbe gha ya eni irẹn fiangbe ọmwa.

Diuteronomi 25:1

“Gie a kha ighẹ ivbi Izrẹl eva yo iko ne a ya bu ohiẹn iran, a na bu ase ne ọkpa, a keghi bu abe gbe nọkpa.