Diuteronomi 17:5 - Edo Bible (E Baibol Ẹdo) Version 1996

⁵ Wa ghi rhie ọmwa nii ladian hin ore agọ rre, ne uwa filo okuta gbe ẹe rua.

Diuteronomi 17:5 ပူးပေါင်းရင်းမြစ်များ

Job 31:28

Uwu ọ re ọ kere ne a ya rria ikhi egbe orukhọ vberriọ, te ọ siẹn Osanobua ne Udazi.

Ẹksọdọs 22:19

“Omwa gha gu aranmwẹ oha ru emwi, a ghi gbe ọmwa nii uan.

Levitikọs 20:2

ne ọ tama ivbi Izrẹl wẹẹ, “Ọmwaikọmwa vbe uwu uwa ra vbe avbe orhunmwuyẹn ni rre uwu uwa ne ọ rhirhi rhie vbe ivbi ẹre ne a ya ru ẹbọ Milkọm, emwa hia ghi filo okuta gbe ẹe rua.

Levitikọs 24:14

“Rhie ọmwa nii hin uwu agọ rre. Emwa ni họẹn vbe ọ tie ihẹn hia ghi viọ obọ yan ẹre uhunmwu ne iran ya sẹ osẹe wẹ ọ rrie abe, iyeke ọnii, emwa hia ghi koko filo okuta gbe ẹe rua.

Levitikọs 24:16

a ghi gbe ẹe rua. Ovbi Izrẹl ra orhunmwuyẹn ne ọ tie ihẹn ne Osa, te emwa hia gha filo okuta gbe ẹe rua.

Diuteronomi 13:5

Sokpan deghẹ akhasẹ ra ne ọ rhan otọ imina bu ruẹ rre wẹ, u sọtẹ ghe Nọyaẹnmwa, ọmwa ne ọ fan uwa vbe irri ke otọe Igipt ne uwa na te re ọviẹn ọmwa rre, wa ghi gbe ẹe rua. Ọmwa dan ọ re egbe ọmwa vberriọ khin, ọ ho ne ọ gban uwa hin vbene Nọyaẹnmwa wẹ ne u gha ru rre, rhunmwuda ọnii, te ọ kere ne a gbe ẹe rua. Odẹ vberriọ, wa gha sẹtin gbe ukhu ọkhọ vberriọ ua.

Diuteronomi 17:4

U gha họn egbe ẹmwẹ vberriọ, u ghi kakabọ gualọ otọ ẹre a deghẹ ẹmwata na sunu vbe Izrẹl.

Diuteronomi 21:21

Ẹghẹ nii, avbe ekaolotu ẹvbo nii ghi filo okuta gbe ẹe rua, odẹ vberriọ ọ re u gha ya wabọ emwi dan ni uan. Emọ ni rre Izrẹl hia ghi họn, dọmwadẹ ọghọe ghi rhie ẹwaẹn ye uhunmwu.

Diuteronomi 22:21

ẹghẹ nii, a ghi rhie ẹre ladian gha rrie onurho owa erha ẹe, emwa ẹvbo ẹre ghi filo okuta gbe ẹe rua vbe evba. Emwi ekhue ọ re ọ ru vbe uwu ẹbu vbe ekpa ne ọ na rẹn okpia nẹ, ọ ke ya rọnmwẹ ọdọ, awẹ vbe ẹghẹ ne ọ na rre owa erha ẹe. Odẹ vbe nian wa gha gbe ukhu emwi dan na uan.

Diuteronomi 22:24

Wa ghi viọ iran hin ore ẹvbo rre, a ghi ya filo okuta gbele iran an. Ọ kere ne ọmọ okhuo nii wu rhunmwuda ọ ma tu wẹ ne a bu irẹn rre ugbẹn vbe a miẹn wẹ adesẹ ore ẹvbo, ehe ne emwa gha na họn ọ re ọ ye. Ọ kere ne nene okpia vbe wu rhunmwuda, ọ kegha gu ọmọ ne a ya ne ovbi Izrẹl ne ihua ẹre ru emwi. Vbe odẹ vbenian, wa ghi gbe ukhu ọkhọ na an.

Jọsua 7:25

Ẹre Jọsua na kha wẹẹ, “Vbọzẹ ne u na hẹ orueghe na gie ima! E Nọyaẹnmwa gha mu orueghe yan ruẹn nian!” Emwa nii hia keghi filo okuta gbe Ekani uan, iran keghi giẹn ẹgbẹe ọre kevbe emwi hia ne ọ mwẹ, iran kevbe filo okuta gbe iran.

Giọgis 6:31

Sokpan, e Joas wanniẹn iran ni gu ẹe guan wẹẹ, “Wa ọ re ọ guan ne Bal ra? Wa ọ re ọ kha ne unu e Bal ra? Ọmwa ne ọ rhirhi guan ne ẹẹn, a gha gbe ẹe rua ọ te sẹ owiẹ. A deghẹ ẹbọ ọ re Bal gele khin, wa gie ẹe khọn ekhae ne egbe ẹre. Aka ẹre ọ re a dunmwu uan.”