Diuteronomi 17:20 - Edo Bible (E Baibol Ẹdo) Version 1996

²⁰ Ọ na gha bu ẹre ude ne ọ ghẹ ya gha ro ighẹ rẹn ma an sẹ ivbi Izrẹl ne ihua ẹre kevbe ne ọ ghẹ ya rra uhi e Nọyaẹnmwa vbe odẹikodẹ. Ẹghẹ ni ọ re irẹn vbe ivbi ẹre gha na rriọba yan ivbi Izrẹl la orre ni bun.

Diuteronomi 17:20 ပူးပေါင်းရင်းမြစ်များ

II Samuẹl 22:23

I mu uhi ẹre hia sẹ, I ma he uhunmwu ye ọre obọ.

I Ọba 11:34

Sokpan I i ra wa miẹn e Solomọn otọ arriọba ni hia, I gha yevbe gie ẹe gha rre ukpo vbe ẹdẹ ne ọ gha ya vbe agbọn hia, rhunmwuda e Devid, ọmwa ne imẹ hannọ zẹ kevbe ọmwa ne ọ rhie uhi kevbe ilele mwẹ mwẹ.

I Ọba 11:36

I gha sẹ ẹwae ọkpa rae ne ovbi e Solomọn ne a miẹn ehe na miẹn wẹ ẹ i mwẹ ovbi e Devid ne ọguọmwadia mwẹ ma gha khaemwisẹ vbe Jerusalẹm ne ẹvbo ne I mẹ zẹe kevbe ehe ne a na ga mwẹ.

I Ọba 15:3

Egbe orukhọ ne erha ẹe ru ọre irẹn vbe gha ru, ọ ma vbe mobọ rhie egbe lele Nọyaẹnmwa ne Osanobua ẹre zẹ vbene Devid ne erha ẹe nọkhua ru.

I Ọba 15:5

E Nọyaẹnmwa ru emwi na rhunmwuda e Devid ru emwi ne ọ yẹ ọre, ọ ma vbe rra iyi ẹre rhọkpa gberra ẹmwẹ Uraia ne ovbi ẹvbo Hiti.

I Ọba 2:3

ne u gha ru avbe emwi ne Nọyaẹnmwa ne Osanobua ruẹ tama ruẹn ne u ru. U ghi gha ya uhi ẹre kevbe ilele ẹre ru emwi zẹ vbe ne a gbẹnnẹ ọẹn ye uhi e Mosis ne emwi hia ne u ru miẹn ehe na gha dinna odẹ nuẹn vbe ehe ne u rhirhi mu uhunmwu da.

II Ọba 10:30

E Nọyaẹnmwa keghi tama e Jehu wẹẹ, “U ru ivbi Ehab emwi hia ne I ho ne u ru nẹ. Te imẹ ghi yan ma ruẹn nian wẹ ivbi uẹ gha rriọba ya sẹ ogienẹ ne ọ he re vbe Izrẹl.”

II Ọba 14:10

U ghe Amazaia, u khọn Idọm miẹn ẹre otọ nẹ, te u ghi gha gha na. Gbe ọghọ otiti ruẹ yegbe, ne u di owa ya, vbe u a ghi na ye obọ si emwi ne ọ gha miẹn uwẹ vbe emwa ruẹn uhunmwu hẹ?”

II Krọnikol 25:19

Banbanna nian Amezaia, ugha ya ẹe rhuọ wẹ u khọn ivbi Idọm muotọ, sokpan, ude ne imẹ gha bu ruẹ re ọre ne u do dia vbe owa ruẹ. Vbu a ghi ra gu ya obọ si ẹti ne ọ gha gba uwẹ vbe emwa ruẹn egbe hẹ yi?”

II Krọnikol 26:16

Sokpan, ugbẹn vbe Uzaia ne ọba ghi re ọmwa ne ọ wegbe nẹ, ọ keghi do gha hio, ọnii ọ re ọ si udemwẹ ọnrẹn. Ọ keghi yagha e Nọyaẹnmwa ne Osanobua ẹre vbene ọ na gha rrie Ọgua Osa ya gha giẹn eturari vbe Ogiukpo eturari.

II Krọnikol 33:12

Oya ghi rrio ẹ nẹ, aro ẹre keghi rriotọ, ọ na werriegbe bu e Nọyaẹnmwa ne Osanobua ẹre gha dee, ọ na rinmwian ẹn wẹ ne ọ yi irẹn obọ.

II Krọnikol 33:19

Erhunmwu ne ọba naẹn, kevbe ewanniẹn ne Osanobua rhie yọ, okha ọghe avbe orukhọ ne ọ ru ọ ke fiwerriẹ — avbe emwi dan ne ọ ru, avbe aro ẹbọ kevbe amazẹ ọghe Asiẹrra ne ẹbọ ne okhuo ne ọ mannọẹn, kevbe avbe amazẹ ne ọ gha ye uhunmwu rhanmwẹ otọ na, a gbẹnnẹ ehia ye Okha Avbe Akhasẹ.

II Krọnikol 33:23

sokpan, aro irẹn ma rriotọ vbe ẹghẹikẹghẹ ne ọ vbe fiwerriẹ bu e Nọyaẹnmwa gha dee vbene erha ẹe ru, ọ keghi kakabọ ru orukhọ erha ẹe ẹsẹse.

II Krọnikol 34:27

U keghi roiro fi uyinmwẹ werriẹ, u na mu egbe rriotọ vbe odaro mwẹ, u na sọ ukpọn ye egbe ruẹ urhu, u na vbe gha viẹ, vbe u họn vbene I wẹ I gha rri e Jerusalẹm kevbe emwa ni rrọọ oya hẹẹ, I họn erhunmwu ruẹn.

Psalm 119:102

I ma fi iyeke gbe igiodẹ ruẹ, rhunmwuda, wẹ tobọ ruẹ ọ re ọ ma mwẹ emwi.

Psalm 132:12

A deghẹ avbe ivbi uẹ lele iyi mwẹ, kevbe avbe iyi ne I yi ne iran, ivbi iran gha vbe rri ọba lele uwẹ rhinrin ẹdẹ.”

Psalm 19:11

Iran rhie irẹnmwi ne imẹ ne ọguọmwadia ruẹ, i rri ere ẹre vbe i a ya ẹe ru emwi.

Itan 10:27

Gha ya ọghọ ne Nọyaẹnmwa, u gha tọ sayọ. Emwa dan i wu uwu ẹhi.

Itan 27:24

Rhunmwuda ẹfe i re emwi etẹbitẹ. Uhunmwu ẹvbo tobọ ọre, ne ọ re etẹbitẹ i rrọ.

Asan-Ibo 8:13

Sokpan ẹ i ra dunna ne ọmwa dan. Te ẹdagbọn iran ye vbe aghọnghọn, te iran ra wulo ye isẹrre, rhunmwuda iran i họn ẹmwẹ ne Osanobua.”

Aizaia 2:12

Vbe ẹdẹ nẹdẹrriọ, e Nọyaẹnmwa ne Oghodua gha hie uhunmwu emwa ni mwẹ ẹtin hia rriotọ, iran hia ni hio, kevbe ni ya obọ rra ẹwẹe.

Habakọk 2:4

Nene uhunmwu ne a gie ọ re ọna khin: ‘Iran ni re emwa dan i ra miẹn uhunmwu, sokpan ni re ẹmwata gha di agbọn ya rhunmwuda iran mudia ke Osanobua.’ ”

II Kọrinti 12:7

Sokpan, ne ọ miẹn ehe na kie mwẹ ukpẹ ọre, ne emwi ọyunnuan ne aro mwẹ sẹe na i ghẹ ya mwẹ gha tọn ifuẹn mu, ọ keghi rhie emianmwẹ ne ọ wegbe mẹ, ne ọ gha ye vbe ukọ setan, ne ọ gha kinmwi mwẹ, nọ da mwẹ obọ uhiomwẹ yi.

Diuteronomi 12:25

A deghẹ wa họn ẹmwẹ ne ẹn ẹko gha rhiẹnrhiẹn e Nọyaẹnmwa, agbọn ghi ma uwa kevbe avbe ivbi uwa.

Diuteronomi 12:28

Wa ya ẹkoata gha ru avbe emwi ne I tama uwa na, agbọn gha ma uwa ke ivbi uwa ẹdẹdẹmwẹdẹ rhunmwuda wa gha ru emwi ne o kere kevbe emwi ne ọ yẹ e Nọyaẹnmwa ne Osanobua rua.

Diuteronomi 12:32

“Wa ru emwi hia ne I tama uwa ne uwa ru, wa ghẹ fian yọ, wa ghẹ fian hin.

Diuteronomi 17:11

Gie ẹko ohiẹn ne iran buru vuọn ọn, ne u vbe lele igiodẹ ne iran ru vbe odẹ hia fẹẹrẹ.

Diuteronomi 4:2

Wa ghẹ rhie te emwi ne I ma uwa ẹre, wa ghẹ vbe rhie hin rre. Wa gha mu uhi Nọyaẹnmwa Osanobua ne I rhie ne uwa sẹ.

Diuteronomi 5:32

“Ivbi Izrẹl, wa gie a miẹn wẹ wa ru emwi ne Nọyaẹnmwa Osanobua ruẹ tama ruẹn. Ghẹ i rra uhi ẹre rhọkpa.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”

I Samuẹl 10:25

E Samuẹl keghi rhan otọ ẹre ma emwa nii, uyi ne ọ khẹ ke ọba kevbe iwinna ne ovbe khẹ ke ẹe ne ọ gha winna, ọ keghi gbẹnnẹ ọẹn ye uwu ebe, ọ na rhie ẹre hin rre ye ehe ne ọ huanrẹn. Ọ na wẹ ne emwa hia gha rrie owa.

I Samuẹl 15:23

Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”