Diuteronomi 17:2 - Edo Bible (E Baibol Ẹdo) Version 1996

² “Gie a kha ighẹ u họn wẹ ikpia ra ikhuo eso ru khọ ghe Nọyaẹnmwa vbe ọkpa vbe uwu ẹvbo ne ọ re ọwuẹ, ighẹ iran rra uhi ẹre.

Diuteronomi 17:2 ပူးပေါင်းရင်းမြစ်များ

II Ọba 18:12

E Sameria keghi de guọghọ rhunmwuda ivbi Izrẹl ma họn ẹmwẹ e Nọyaẹnmwa ne Osanobua iran, sokpan, iran rra ile ne ọ gu iran ta, iran kevbe rra uhi hia ne ọ yi ne Mosis ne ọguọmwadia e Nọyaẹnmwa. Iran ma danmwehọ, iran ma vbe ya ẹe ru emwi.

II Ọba 21:3

Ọ keghi dọlegbe bọlọ avbe aro ẹbọ Asiẹrra ne ẹbọ ne okhuo, zẹ vbene Ehab ne ọba Izrẹl vbe ru ẹe. E Manasẹ kevbe gha gho avbe orhọnmwẹ ba ẹre.

Job 31:28

Uwu ọ re ọ kere ne a ya rria ikhi egbe orukhọ vberriọ, te ọ siẹn Osanobua ne Udazi.

Ẹksọdọs 22:19

“Omwa gha gu aranmwẹ oha ru emwi, a ghi gbe ọmwa nii uan.

Ẹksọdọs 22:20

“Omwa gha zọ ese ghe osa ọvbehe vbe ọ gberra ne Nọyaẹnmwa wa ghi gbe ẹe rua.

Jerimaia 31:32

Ẹ i ra gha ye vbe ile nẹdẹ ne I gu avbe erha iran odede ta, ẹghẹ ne I na rhie iran obọ, I na viọ iran ke otọ Igipt ladian. A gha rhe miẹn wẹ te I yevbe ọdọ ne iran, iran ma ru vbene ile ni khare.

Jerimaia 34:18

Avbe ekhaẹmwẹ e Juda kevbe Jerusalẹm deba avbe ekhaẹmwẹ ẹguae, avbe ohẹn kevbe avbe ọkaolotu hia gun mwẹ taa ile, vbekpa ne iran na khian la adesẹneva ekhuia ẹmila ne iran gbe fian ye iheva gberra. Sokpan, iran rraa nene ile, iran ma vbe mu ẹmwẹ ne ọ rrọ sẹ. Rhunmwuda ọnii, vbene iran ru ẹkhuia ẹmila nii ọ re I ra ru iran.

Ezikiẹl 16:38

I gha bu ohiẹn gbe uẹ rhunmwuda ọghe kevbe izigha, ke vbe uwu ohu ne ọ mu mwẹ, I gha ya uwu rri ọ oya gbua.

Hozia 6:7

“Sokpan ọwarọkpa vbe iran ghi la otọ Adam nẹ, iran keghi wa rra iyi ne ima gba yi ne egbe.

Hozia 8:1

E Nọyaẹnmwa khare wẹẹ, “Wa kpe orhu okuo! Avbe eghian wa hẹ bu otọe mwẹ dee zẹvbe avbe oghohọn. Avbe emwa mwẹ rra ile ne imẹ vbe iran gba ta nẹ, iran keghi vbe sọtẹ ghe emwi ne I ma iran re.

Levitikọs 20:2

ne ọ tama ivbi Izrẹl wẹẹ, “Ọmwaikọmwa vbe uwu uwa ra vbe avbe orhunmwuyẹn ni rre uwu uwa ne ọ rhirhi rhie vbe ivbi ẹre ne a ya ru ẹbọ Milkọm, emwa hia ghi filo okuta gbe ẹe rua.

Levitikọs 26:15

A deghẹ wa rhie obọ gberra ile ne I gu uwa ta vbe ekpa avbe uhi mwẹ,

Levitikọs 26:25

I ghi si okuo yi uwa egbe ne I ya rri uwa oya ye ne uwa na rhie obọ gberra ile ne ima gba ta, wa na ya si egbe koko ye ẹvbo uwa ne obọ ghẹ vba uwa, I ghi gie emianmwẹ nẹ i mwẹ ukhunmwu gie uwa, ẹ i re aro sẹẹnrẹn wa gha ya de ye igue vbe odaro avbe eghian uwa.

Diuteronomi 17:5

Wa ghi rhie ọmwa nii ladian hin ore agọ rre, ne uwa filo okuta gbe ẹe rua.

Diuteronomi 29:18

Wa ghẹ gie a miẹn wẹ, ọ re okpia nọ ra okhuo nọ, ẹgbẹe ra ẹwae ni rre emwa ẹrẹna, fiwerriẹ hin ehe ne Nọyaẹnmwa Osanobua mwa ye rre, ne iran ya gha ga ẹbọ ẹvbo ọvbehe. Te ọnii ra gha yevbe inian ne ọ zọ ladian do khian erhan ne ọ rriara kevbe ne obi ye.

Diuteronomi 29:25

Ewanniẹn ọnrẹn ghi gha re wẹẹ, ‘Emwi ne ọ si ẹe ọrọre wẹ emwa e Nọyaẹnmwa keghi rra ile ne iran gu ẹe ta, rẹn ne Osanobua avbe erhan iran odede, vbe ẹghẹ ne ọ na viọ iran ke Igipt ladian.

Diuteronomi 31:20

I gha viọ iran gha rrie otọe esiesi ne ọ maa emwiokọ na, zẹ vbene I tama avbe erha iran odede. Evba nii i. iran gha miẹn dọmwadẹ evbare ne iran ho, iran gha vbe gha rrọ vbe uwu ẹkovọnmwẹ, sokpan iran gha fi iyeke gbe, iran ghi ya gha gho ẹbọ ọvbehe. Iran gha he mwẹ ye otọ, iran ghi vbe rra ile mwẹ.

Diuteronomi 4:23

Wa ghi da ẹe yi ighẹ uhi ẹre, wa ghẹ ma amazẹ rhọkpa ne egbe uwa.

Hibru 10:28

Ọmwaikọmwa ne ọ ma ru vbene Uhi e Mosis khare, a gha miẹn arhin eva ra eha ne ọ do sẹ osẹe gbe ẹe ighẹ o rri abe, a ghi gbe ẹe ua vbe ne a i na vbe tohan rẹn.

Jọsua 23:16

Sokpan, a deghẹ wa ma rhie uhi nii ne Nọyaẹnmwa Osanobua rhie ne uwa mwẹ, a deghẹ wa ya gha gho avbe ẹbọ ọvbehe, wa na gha ya uhunmwu rhanmwẹ otọ ne iran, ọ gha rri uwa oya, a te miẹn wẹ ọkpa ma ghi kẹe vbe uwu uwa vbe otọe esiesi na ne ọ mu ne uwa.”

Jọsua 7:11

Izrẹl rukhọ nẹ. Ẹmwẹ ne ima gba ta ne I wẹ ne iran rhie mwẹ, iran rra ẹre. Iran viọ eso vbe uwu emwi ne a wẹ ne a fuẹn uan. Iran duẹe viọ, iran vbe ta ohoghe yọ, iran na viọ iran ba emwi iran.

Jọsua 7:15

Ọmwa ne a miẹn avbe emwi nii vbe obọ ẹre, a ghi giẹn ọnrẹn uan kevbe ẹgbẹe ọre kevbe emwi ne ọ mwẹ hia. Emwi ne ọ mu ohan ọre ọ ru, ọ keghi rra ẹmwẹ ne imẹ vbe emwa mwẹ gba ta.”

Giọgis 2:20

Ohu Izrẹl keghi kakabọ mu e Nọyaẹnmwa, ọ na kha wẹẹ, “Avbe emwana rra uhi ne I rhie ne avbe erha iran odede ne iran ya gha ru emwi.

Giọgis 6:31

Sokpan, e Joas wanniẹn iran ni gu ẹe guan wẹẹ, “Wa ọ re ọ guan ne Bal ra? Wa ọ re ọ kha ne unu e Bal ra? Ọmwa ne ọ rhirhi guan ne ẹẹn, a gha gbe ẹe rua ọ te sẹ owiẹ. A deghẹ ẹbọ ọ re Bal gele khin, wa gie ẹe khọn ekhae ne egbe ẹre. Aka ẹre ọ re a dunmwu uan.”