Diuteronomi 17:17 - Edo Bible (E Baibol Ẹdo) Version 1996

¹⁷ Ọba ghẹ viọ ikhuo ni bun, ọna gha ya ẹe fi iyeke gbe Nọyaẹnmwa, ọ ghẹ ya esiliva kevbe igoru họn ẹfe ne egbe ẹre.

Diuteronomi 17:17 ပူးပေါင်းရင်းမြစ်များ

Nehimaia 13:26

I keghi tama iran wẹẹ, “Ikhuo ẹvbo ọvbehe ọ re ọ si e Solomọn la orukhọ na ru. Ghe okpia na ne ọ te kpọlọ sẹ avbe ọba ẹvbo ọvbehe hia fẹẹrẹ. Osanobua ho ẹmwẹ ọnrẹn ọ kevbe ya ẹe rrioba yan ivbi Izrẹl, sẹ evba ọ keghi ye de ye orukhọ na.

Matiu 19:5

Ọna ọre ọ siẹ ne okpia gha na sẹ erha ẹe kevbe iye ẹe rae, ọ ghi zẹ obọ lele amwẹ ọnrẹn, iran eva ghi do khian ọkpa.’

Psalm 62:10

Ghẹ mu ẹtin yan uyimwẹ ika ghẹ rhie aro ye ere vbe oyi ne a rha, a deghẹ ẹfe ruẹ vbe muan yọ, ghẹ mu ẹtin yan rẹn.

Gẹnẹsis 2:24

Ọna ọre ọ zẹe ne okpia gha na sẹ erha ẹe kevbe iye ẹe rae, ọ ghi rhikhan mu amwẹ ọnrẹn, iran ghi gha re ọkpa.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

I Timoti 6:9

Sokpan iran ni ho ne iran fe, edanmwẹ ọre iran de yi, ifi orriarria ukọnmwẹ ne ẹbe ye ni bun ghi mu iran, emwi na ọre ọ sua emwa fi uwu ọfuan kevbe ne ọ gbe ẹro.

Iyẹn ne ọ Maan Ọghe Luk 12:15

Rẹn keghi tama iran hia wẹẹ, “Wa mwẹ ẹwaẹn ne uwa vbe gha ba egbe vbe egbe arovbẹmwẹ. Rhunmwuda, vbene ọmwa arhirhi yan fe sẹ, ẹ i re emwi ne ọ mwẹ ọrọre Orhiọn rẹn.”

Matiu 13:22

Emwiokọ ni kharha ye uwu igban keghi re iran ni họn ne ne ẹmwẹ, iran keghi vbe rhie ẹre. Sokpan orhikhan agbọn kevbe ẹmwẹ ẹfe keghi khuakhua ẹe gbua, ọ ma gie ẹe mọ.

I Ọba 10:21

Igoru ọre a ya ru ukpu hia ne Solomọn ya wọn amẹ, kevbe avbe emwi na lo ni rre Ugha Ẹgbo e Lebanọn hia. A ma lo e siliva, rhunmwuda, vbe ẹghẹ ọghe Solomọn, a ma ka ẹe ye emwi rhọkpa.

II Samuẹl 5:13

Ọ ghi si kpao vbe Hibrọn rre nẹ, e Devid keghi ye vbe zẹ egbakhian ni bun, ọ kevbe viọ ikhuo ni bun vbe Jerusalẹm, ọ na ye vbe biẹlẹ emọ ikpia kevbe emọ ikhuo ni bun.

II Samuẹl 12:11

I vbe yan ma ruẹn nian wẹ I gha ru ẹe ne ovbi uwowa ruẹ gha si ọlọghọmwa ye uẹ egbe. U gha ye aro miẹn uẹn vbe I gha viọ avbe amwẹ ọẹn ne okpia ọvbehe, ọ ghi gha gu iran ru emwi ọdọ vbe amwẹ vbe ogiavan ogioghogho.

I Ọba 10:27

Vbe ẹghẹ ọre, esiliva keghi kpọ vbe Jerusalẹm zẹ vbene okuta wa ye vbọ, erhan sida keghi kpọkua vbene erhan sikamọ ye vbe ototọ oke Juda.

II Krọnikol 1:15

Vbe ẹghẹ ọ re esiliva kevbe igoru keghi kpọkua vbe Jerusalẹm vbene okuta ye, erhan sida keghi gba ehe hia zẹ vbe erhan sikamọ vbe ototọ oke Juda.

II Krọnikol 11:21

Inu ikhuo ne Rehoboam gha mwẹ hia kegha re evairrọvbugie ọ keghi vbe zẹlẹ ọse iyeha, ọ keghi biẹlẹ emọ ikpia evairrọvbe ọgban kevbe emọ ikhuo iyeha. Ikhuo ne ọ viọ ye owa kevbe avbe ọse ne ọ zẹlẹ ye ore, Maaka ọre ọ gha re amwebọ ne ọ rrọọ.

Itan 31:3

Ghẹ lo ẹtin ruẹn hia ye okhuo ne a tie ẹre ovbe ra ne u viọ igho ruẹ hia ne ikhuo, ọba nibun ọ re ọ he ya uhunmwu khiọ ẹmwẹ iran.

I Krọnikol 14:3

Ọ ghi sẹ Jerusalẹm, ẹ Devid keghi ye viọ ikhuo ni bun, ọ kevbe biẹlẹ emọ ikpia kevbe emọ ikhuo.