Diuteronomi 17:16 - Edo Bible (E Baibol Ẹdo) Version 1996

¹⁶ Ọ ma kei ne ọba gha mwẹ ẹsin ni bun, ne ọ gha re ọghe ivbiyokuo ẹre, ọ ghẹ vbe gie emwa gha rrie Igipt ya dẹlẹ ẹsin rre, rhunmwuda, e Nọyaẹnmwa ta ẹe wẹ emwa irẹn i ra dọlegbe gha rrie odọ.

Diuteronomi 17:16 ပူးပေါင်းရင်းမြစ်များ

II Samuẹl 8:4

E Devid keghi khọn munọ arhin iyisẹn yan arria erẹnrẹn (1,700) vbe uwu iran ni hin ẹsin ẹnrẹn kevbe arriaisẹn ugie (20,000) vbe ivbiyokuo nii ya owẹ khian, ọ keghi vbe ya ẹsin nii si ikẹkẹ okuo ẹre khian uke, ọ na viọ ẹsin nii gha sẹtin si ikẹkẹ okuo iyisẹn (100) ye otọ vbọ.

I Ọba 1:5

Ugbẹn vbe Absalọm ghi wu nẹ, Adonaija ne ovbi e Devid kevbe Hagit, keghi do gha re ọdiọn vbe emọ ni ghi ke ẹe. Rẹn kegha re ọmwa ne ọ mose ẹsẹse, ọ keghi wa vbe rhie aro yọ wẹ rẹn gha rriọba. E Devid ma he vbe zẹ okan guẹ ẹe gui ye emwirhọkpa ẹdẹ. Ọ keghi dẹlẹ ikẹkẹ okuo kevbe ẹsin ne egbe ẹre, deba arhin ekigbe siyeha ni lele ẹe khian.

I Ọba 4:26

E Solomọn keghi mwẹ ẹsin ikẹkẹ okuo arriaisẹn iyeva (40,000) vbe ehe ne a viọ iran yi, deba emwa ni hin ẹsin arriaisẹn iweva (12,000).

I Ọba 5:6

Rhunmwuda ọnii, gie emwa ruẹn gha rrie Lebanọn, ne iran ya gbele igẹdu ye otọ mẹ. Emwa mwẹ gha deba iran winna. Emwi ne u ghi wẹ ne I ha emwa ruẹn re, I gha hae. Zẹ vbene u wẹ rẹnrẹn, emwa mwẹ i guara tọnnọ erhan vbene emwa ruẹn ye.”

II Krọnikol 1:16

Ọba kegha mwẹ emwa ni gbearoghe vbene a viọ ẹsin kevbe Musri ke Silisia rre hẹ.

II Krọnikol 9:25

E Solomọn ne ọba keghi vbe gha mwẹ owa ne a viọ ẹsin yi arriaisẹn enẹ (4,000), ne ọ viọ avbe ikẹkẹ okuọ kevbe ẹsin yi, ọ kevbe gha mwẹ ẹsin igbinna arriaisẹn iweva (12,000). Ọ keghi viọ eso vbọ ye Jerusalẹm, ọ na viọ eni dekẹe lele avbe ẹvbo ọvbehe.

Psalm 20:7

Arhin eso mu ẹtin yan ikẹkẹ okuo iran, eso vbe mu ẹtin yan ẹsin iran. Sokpan ma mu ẹtin yan ẹtin e Nọyaẹnmwa ne Osanobua ima.

Ẹksọdọs 13:17

Ugbẹn vbe ọba Igipt ghi sẹ avbe emwa nii rae nẹ ne iran kpao, Osanobua ma gie iran la odẹ ọkpẹn ẹzẹ Filistia, a gha rhe miẹn wẹ ọnii ọre ọ te ke ẹe sẹ. Osanobua ke kha wẹẹ, “I ma ho ne iran fi ekhọe werriẹ, ne iran dọlegbe gha rrie otọe Igipt vbe iran a miẹn okuo ne iran ra khọn.”

Ẹksọdọs 13:18

Ye ihe ọnii, ọ ke rhie iran la odẹ ikhinkhian la odẹ ato ne ọ rre odẹ Okun Nọbaa. Ivbi Izrẹl keghi wa gbalọ egbe okuo ọhanabe.

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Aizaia 2:7

Otọe iran vuọn ne esiliva kevbe igoru. Ẹfe iran i vbe mwẹ inu. Otọe iran vuọn ne avbe ẹsin, ikẹkẹ okuo, iran i vbe mwẹ inu.

Jerimaia 42:19

Ọre I na rhie te ẹe wẹẹ, “E Nọyaẹnmwa tama uwa na ne ọ ghi kẹe vbe Juda wẹ ne uwa ghẹ dọlegbe gha rrie Igipt. Rhunmwuda ọnii nian, I tama uwa yotọ nẹ o.

Ezikiẹl 17:15

Sokpan, Ọba Izrẹl keghi sọtẹ, ọ keghi gie gha rrie Igipt ne iran ya viọ avbe ẹsin kevbe ivbiyokuo nibun gie irẹn. Ọ gha dunna ne ẹẹn ra? Emwi hia gha wa lẹ ọre fe vberriọ ra? Rẹn i sẹtin rra ile ne ọ wa gha khian vbe ne a i na rrioya!

Hozia 11:5

“Iran he ne iran werriegbe bu mwẹ gha dee, rhunmwuda ọnii, Igipt iran gha werriegbe gha rrie, Asiria gha vbe gha khaemwisẹ yan iran.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Maika 5:10

E Nọyaẹnmwa khare wẹẹ, “Ọ gha sẹ ẹghẹ nii, I gha viọ avbe ẹsin uwa kpao, I ghi vbe guọghọ ikẹkẹ okuo uwa a.

Diuteronomi 28:68

E Nọyaẹnmwa gha ye okọ eviẹn hẹ uwa werriegbe gha rrie Igipt, a gha rhe miẹn wẹ rẹn yan rẹn wẹ wa i ghi dọlegbe rrie evba ọvbehe. Wa gha sẹ odọ, wa ghi te gha ho ne uwa khiẹnnẹ egbe uwa zẹ vbe eviẹn ne avbe eghian uwa, sokpan a i miẹn ne ọ gha kue ne ọ dẹlẹ uwa.”

I Samuẹl 8:11

E Samuẹl keghi kha wẹẹ, “Vbene ọba uwa khian ru uwa ọ re ena khin; ọ gha ya ivbi uwa hia khian ivbiyokuo. Eso vbọ gha winna vbe ikẹkẹ okhuae ọghe okuo ẹre, eso vbe uwu iran ni ọ ra gha gbinna ne ẹẹn, eso vbọ ghi vbe gha rhulẹ vbe odaro ikẹkẹ okuo ẹre.