Diuteronomi 17:14 - Edo Bible (E Baibol Ẹdo) Version 1996

¹⁴ “Wa ghẹ ghi yan otọe ne Nọyaẹnmwa Osanobua ra mu ne uwa nẹ ighẹ uwa ghi gbe ẹkun sẹ otọ nẹ, ẹghẹ nii, wa gha kha wẹ wa ho ne uwa gha mwẹ ọba zẹ vbe avbe ẹvbo ni lẹga uwa.

Diuteronomi 17:14 ပူးပေါင်းရင်းမြစ်များ

Levitikọs 14:34

“Wa gha sẹ otọ Kenan ne I ra mu ne uwa ne ọ gha re ọghe uwa, I gha si irhunrhun ne ọ vẹ ye uwa owa.” Ẹre Nọyaẹnmwa ghi na ru emwamwa na ne iran.

Nọmbas 33:53

Wa mu otọe nii ne uwa yin ẹnrẹn rhunmwuda te I ya ẹe ne uwa.

Diuteronomi 11:31

Te uwa ghi ra fian Ẹzẹ Jọdan rra na ne uwa yin otọe nii ne Nọyaẹnmwa Osanobua ra mu ne uwa. Wa ghẹ ghi mu ẹẹn nẹ ighẹ te uwa ghi gbẹkun sẹ otọ nẹ vbe evba.

Diuteronomi 18:9

“Wa gha sẹ otọe ne Nọyaẹnmwa Osanobua ra mu ne uwa, wa ghẹ mwẹ obọ vbe emwi emwiekhue ne iran ru ighẹ ẹvbo ni rre evba.

Diuteronomi 26:1

“Wa ghẹ ghi yin otọe nii ne Nọyaẹnmwa ne Osanobua rua ra mu ne uwa nẹ ighẹ ẹkun vbe sẹ uwa otọ nẹ.

Diuteronomi 26:9

Ọ keghi viọ ima gha die edinran, ọ na mu otọe esiesi ne ọ maa emwiokọ na ne ima.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Jọsua 1:13

“Wa ye ẹmwẹ ne Mosis ne ọguọmwadia e Nọyaẹnmwa tama uwa rre wẹẹ, ‘Nọyaẹnmwa Osanobua gha mu otọe na ne uwa ne ọ gha re ọghe uwa vbe asefẹn ahọ Jọdan.’

Jọsua 21:43

Erriọ ọre Nọyaẹnmwa na mu ne ivbi Izrẹl otọe ni ne irẹn wa yan ma avbe erha iran odede wẹ rẹn gha mu ne iran. Iran mu otọe nii, iran na yin evba.

I Samuẹl 10:19

Mẹ ọrọre Osanobua uwa, ne ọ viọ uwa hin uwu ukpokpo kevbe ọlọghọmwa ne uwa ye rre, sokpan banbanna nian, wa he mwẹ yotọ, wa na wẹ ne I rhie ọba ne uwa. Ọ maa khekherriọ, wa do si egbe koko ye odaro mwẹ vbe uniẹn kevbe ẹgbẹe!’ ”

I Samuẹl 10:25

E Samuẹl keghi rhan otọ ẹre ma emwa nii, uyi ne ọ khẹ ke ọba kevbe iwinna ne ovbe khẹ ke ẹe ne ọ gha winna, ọ keghi gbẹnnẹ ọẹn ye uwu ebe, ọ na rhie ẹre hin rre ye ehe ne ọ huanrẹn. Ọ na wẹ ne emwa hia gha rrie owa.

I Samuẹl 12:19

Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”

I Samuẹl 16:3

Tie Jese ye izọ ese na, I gha tama ruẹn emwi ne u gha ru. Ọmwa ne I ghi tama ruẹn, u ghi ma ẹre ọba.”

I Samuẹl 8:11

E Samuẹl keghi kha wẹẹ, “Vbene ọba uwa khian ru uwa ọ re ena khin; ọ gha ya ivbi uwa hia khian ivbiyokuo. Eso vbọ gha winna vbe ikẹkẹ okhuae ọghe okuo ẹre, eso vbe uwu iran ni ọ ra gha gbinna ne ẹẹn, eso vbọ ghi vbe gha rhulẹ vbe odaro ikẹkẹ okuo ẹre.