Diuteronomi 17:12 - Edo Bible (E Baibol Ẹdo) Version 1996

¹² Ọmwa ne ohan gie ẹe fieghe uhunmwu ye ẹmwẹ ne ne ọ bu ohiẹn ra ohẹn ne iruemwi sẹ ọ re egbe ẹghẹ nii ta ẹe, a ghi gbe ẹe rua, odẹ vbe nian, u gha wabọ emwi dan vberriọ hin egbe ivbi Izrẹl rre.

Diuteronomi 17:12 ပူးပေါင်းရင်းမြစ်များ

Ẹzra 10:8

A deghẹ a miẹn ọmwa ne ọ ma rre ọ te ya sẹ ikpẹdẹ eha emwi ne ọ mwẹ, hia gha khian ọghe ẹvbo, a ghi vbe kaẹn fua.

Psalm 19:13

Vbe fanmwẹ vbe obọ orukhọ ọmaru, ghẹ gie iran khaemwisẹ yan mwẹ. Ẹghẹ nii, I ghi do gha re ne ọ gbae, I gha fe vbe obọ ọkhọ orukhọ

Itan 21:11

A gha rri ọmwa ne ọ wa ghe ẹwẹe ọre ọkpa oya, uhin ighe ọmwa ne ẹ i ro iro ghi vbe ruẹ emwi vbọ. Ọmwa ne ọ wan, emwi ne a ma ẹre re, ọ re ọ ya ruẹ emwi.

Hozia 4:4

E Nọyaẹnmwa khare wẹẹ, “Ọmwa ikọmwa ghẹ ba avbe emwa nii ifi ẹzọ ra ne ọ talọ ku iran, emwa ne I gu gui ọrọre uwa ne avbe ohẹn.

Zẹkaraia 3:7

e Nọyaẹnmwa khare wẹẹ, “U gha ye uhi mwẹ ru emwi, u na vbe gha ru iwinna ne I wa ne uẹn, ẹghẹ nii, u ghi gha re ọmwa ne ọ gbearoghe Ọgua Osa mwẹ kevbe ehe ne ọ lẹga ẹre rhinrin, mẹ gha vbe họn erhunmwu ruẹn, zẹ vbene I họn erhunmwu avbe odibosa ni rre ehe ne imẹ ye.

Nọmbas 15:30

Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua.

Nọmbas 15:31

Rhunmwuda, ọ he ẹmwẹ ne Nọyaẹnmwa tae, ọ na ba rra ọkpa vbe uwu avbe uhi ẹre. Obọ ẹre ọre ọ ya si emwi ne ọ gbẹe.

Matiu 10:14

Deghẹ a miẹn ẹvbo ne ọ ma rhan obọ miẹn uwa ra iran ma rhie ehọ ne uwa ta yi, wa ghi kevba ladian, wa ghi vbe bọnmwẹ ebubẹ ni rre uwa owẹ ye otọ.

Iyẹn ne ọ Maan Ọghe Luk 10:16

Ọ keghi tama avbe erhuanegbe ẹre wẹẹ, “Ọmwa ne ọ họn ọghe uwa, họn ọghomwẹ. Ọmwa ne ọ ma miẹn uwa yi, mẹ ọre ọ ma miẹn yi, ọmwa ne ọ ma miẹn uwa yi, ọ ma miẹn ọmwa ne ọ gie mwẹ yi.”

Iyẹn ne ọ Maan Ọghe Jọn 12:48

Ọmwa ne ọ ma rhan obọ miẹn mwẹ kevbe ne ọ ma vbe ya ẹmwẹ mwẹ yi, ọmwa ne ọ gha bu ohiẹn ọnrẹn rrọọ. Ẹmwẹ ne I guanrẹn ọre ọ ra bu ohiẹn ọnrẹn vbe ẹdẹ okiekie.

Iyẹn ne ọ Maan Ọghe Jọn 20:23

Ọmwa ne uwa ya orukhọ bọ, a ya ẹe bọ ẹe, ọmwa ne uwa ma ya bọ, a ma ya ẹe bọ ẹe.”

I Kọrinti 5:13

Osanobua ọre ọ ra bu ohiẹn iran sokpan wẹ ma rẹn ighẹ ọ kere ne uwa gha hu ohiẹn emwa ne uwa gba rre otu? Zẹ vbene ebe kha re, “Wa yuo ọmwa dan ni hin uwu ẹbu uwa rre.”

Diuteronomi 1:43

I keghi vbe tama uwa vbene Nọyaẹnmwa kha hẹ, sokpan wa ma zẹ yọ, wa keghi sọtẹ ghe ẹre, wa na ye uhiomwẹ uwa khọn la avbe ẹvbo oke nii.

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.

Diuteronomi 13:11

Ẹghẹ nii, emwa Izrẹl hia ghi họn emwi ne ọ sunu, iran ghi ya ọ nii wan, a i ghi vbe miẹn ọmwa ne ọ gha dọlegbe ru egbe emwi dan vberriọ.

Diuteronomi 13:5

Sokpan deghẹ akhasẹ ra ne ọ rhan otọ imina bu ruẹ rre wẹ, u sọtẹ ghe Nọyaẹnmwa, ọmwa ne ọ fan uwa vbe irri ke otọe Igipt ne uwa na te re ọviẹn ọmwa rre, wa ghi gbe ẹe rua. Ọmwa dan ọ re egbe ọmwa vberriọ khin, ọ ho ne ọ gban uwa hin vbene Nọyaẹnmwa wẹ ne u gha ru rre, rhunmwuda ọnii, te ọ kere ne a gbe ẹe rua. Odẹ vberriọ, wa gha sẹtin gbe ukhu ọkhọ vberriọ ua.

Diuteronomi 13:6

“Uhin a sẹtin miẹn ọtuẹn ne okpia ra ovbi uẹ ne okpia ra ne okhuo ra amwẹ ọn ne u ho ẹmwẹ ọnrẹn ra ọtuẹn ne ọ sikẹ ruẹ sẹ sẹtin do gha kọe ye uwẹ ekhọe ne u ya gha gho ẹbọ ọvbehe, avbe ẹbọ ne uwẹ vbe avbe erha ẹe odede ma gho ẹdẹ.

Diuteronomi 17:13

Emwa hia ghi họn, ohan ghi do gha mu iran, a i ghi vbe miẹn ọmwa ne ohan gha ye gie ẹe ru emwi vberriọ ọvbehe.

Diuteronomi 17:7

Iran ni sẹ osẹe ni ọ re ọ gha ka filo okuta gbe ẹe, emwa ni dekẹe hia ghi do filo okuta gbe ẹe. Odẹ vbenian ọ re u gha ya sẹtin gbe ukhu na an.

Diuteronomi 18:20

Sokpan, a na miẹn akhasẹ ne ọ gha ye eni mwẹ guan vbe I ma gie ẹe ne ọ ru vberriọ, uhunmwu ọ ya khiẹ ọ re, erriọ vbe nọ ne dọmwadẹ akhasẹ ne ọ ya eni ẹbọ ọvbehe gha guan.’

Diuteronomi 18:5

Te Nọyaẹnmwa zẹ ẹwae Livai ladian vbe uwu uwa ne iran gha ga irẹn zẹ vbe ohẹn ẹdẹdẹmwẹdẹ.

Diuteronomi 18:7

Ne ọ da ga vbe evba zẹ vbe ohẹn ọghe Nọyaẹnmwa Osanobua ẹre zẹ vbe avbe e Livai nekpa ni ga vbe evba.

I Tẹsalonaika 4:2

Rhunmwuda, wa rẹn vbene ima tama uwa hẹ vbe ekpa asẹ ne ọ ke obọ Nọyaẹnmwa Jesu rre.

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.

I Timoti 5:20

Gu ọmwa ne ọ ru khọ gui vbe sirra emwa hia ne emwa nekpa miẹn ehe na gha mwẹ imuohan.

Jọsua 1:18

Ọmwa ne ọ rhirhi muan ruẹn ẹmwẹ ra ne ọ he uhunmwu yuẹ obọ, a ghi gbe ẹe rua. Sokpan wegbe ne u vbe din!”

Giọgis 20:13

Banbanna nian, viọ emwa oya nii ni rre Gibea ladian, ne ima gbele iran an, ne a kpe ọkhọ na hin Izrẹl rre.” Sokpan ivbi e Bẹnjamin ma zẹdẹ zẹ ye ivbi Izrẹl nekpa re.

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.