Diuteronomi 17:11 - Edo Bible (E Baibol Ẹdo) Version 1996

¹¹ Gie ẹko ohiẹn ne iran buru vuọn ọn, ne u vbe lele igiodẹ ne iran ru vbe odẹ hia fẹẹrẹ.

Diuteronomi 17:11 ပူးပေါင်းရင်းမြစ်များ

II Samuẹl 14:19

Ọ na nọ rẹn wẹẹ, “E Joab ọ re ọ kun ẹmwẹ na mu ye uẹ obọ ra?” Okhuo ni wanniẹn wẹẹ, “I ya emwi ni ghi re ni huanrẹn vẹn ihẹn Umogun, we a i miẹn ehe gọgọ ẹmwẹ ruẹn na la, ne a ghẹ rhie ewanniẹn yọ. E Joab ne ọka iwinna ruẹn ọ re ọ tama mwẹ emwi ne I gha ru kevbe ẹmwẹ ne I gha ta.

Itan 4:27

Gha lẹ ne emwi dan, ne u vbe gha la odẹ ọwara khian. Ghe zẹ ukpowẹ okpa hin urodẹ rre.

Levitikọs 10:11

Wa ghi gha ma ivbi Izrẹl hia uhi ne I rhie la obọ Mosis gie uwa.”

Diuteronomi 17:10

Iran gha bu ohiẹn nii, vbene iran tama ruẹn zẹe, ọ re uwẹ gha ru.

Diuteronomi 17:20

Ọ na gha bu ẹre ude ne ọ ghẹ ya gha ro ighẹ rẹn ma an sẹ ivbi Izrẹl ne ihua ẹre kevbe ne ọ ghẹ ya rra uhi e Nọyaẹnmwa vbe odẹikodẹ. Ẹghẹ ni ọ re irẹn vbe ivbi ẹre gha na rriọba yan ivbi Izrẹl la orre ni bun.

Diuteronomi 25:1

“Gie a kha ighẹ ivbi Izrẹl eva yo iko ne a ya bu ohiẹn iran, a na bu ase ne ọkpa, a keghi bu abe gbe nọkpa.

Diuteronomi 28:14

Sokpan, wa ghẹ fieghe uhunmwu yọ vbe odẹikodẹ ra ne uwa ya gha gho ra ne uwa ya gha ga ẹbọ ọvbehe.

Diuteronomi 5:32

“Ivbi Izrẹl, wa gie a miẹn wẹ wa ru emwi ne Nọyaẹnmwa Osanobua ruẹ tama ruẹn. Ghẹ i rra uhi ẹre rhọkpa.

Taitọs 3:1

Ye avbe emwa ruẹn ẹre rre, ne iran gha gbe uhunmwu ke otọ ne iran ni rre asẹ kevbe ọdakha, ne iran gha họn ẹmwẹ ne iran, ne iran mu egbe ne iran gha ya gha ru emwi ne ọ maa vbe ẹghẹ hia.

Jọsua 1:7

Sokpan, u ghi wegbe ne u vbe kakabọ din; ne u vbe miẹn wẹ, wẹ wa lele uhi ni hia ne Mosis ne ọguọmwadia mwẹ gbe ne uwa. Ghẹ sẹ ọkpa rae vbọ, ọ ghi gha dinna odẹ nuẹn vbe ehe ne u gha rhirhi yo.

Jọsua 23:6

Rhunmwuda ọnii, wa gia miẹn wẹ wa họn ẹmwẹ, wa keghi vbe ya emwi hia ne a gbẹnnẹ ye ebe uhi e Mosis ru emwi. Wa ghẹ zẹ kọ vbọ hiehiere.

II Pita 2:10

Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.

Ebe ne Jud gbẹẹn 1:8

Erriọ ọ vbe ye, avbe emwa na miẹn umian, ne ọ ya iran ru orukhọ ghe egbe iran, iran ghi zan asẹ Osanobua, iran ghi gha ya ukpẹ sakan emwi ni mwẹ uyi ni rre odukhunmwu.