Diuteronomi 16:9 - Edo Bible (E Baibol Ẹdo) Version 1996

⁹ “Wa ghi ka uzọla ihinrọn ke ẹghẹ ne uwa ya suẹn gha rhọ ọka kpao,

Diuteronomi 16:9 ပူးပေါင်းရင်းမြစ်များ

II Krọnikol 8:13

Ọ keghi zọ ese ne a tọẹn zẹ vbene Uhi e Mosis mu ẹẹn ye otọ ne dọmwadẹ ẹdẹ ne ọ huanrẹn. Ẹdẹ Ikẹtin, Emwiukpo Uki Ọgbọn, kevbe emwiukpo eha ne a ru ukpukpo, ena ọre Emwiukpo Ebrẹd Nọmahue, Emwiorhọ kevbe Emwiukpo Irhu.

Ẹksọdọs 23:16

Wa ghi vbe gha ru emwi ukpo Akọrhọre Ọka vbe uwa gha rhọ emwi okaro ne uwa kọ ye ugbo rua. Wa ghi ru emwiukpo Emwiorhọ Okaro vbe ufomwẹ ukpo vbe uwa a ghi rhọ emwiorhọ ke ugbo kevbe agọ rre.

Ẹksọdọs 34:22

“Wa ghi gha ru emwiukpo, emwiokọ okaro ọghe emwiorhọ ọka, wa ghi gha ru emwiukpo ọghe emwiorhọ ọmerhan vbe ufomwẹ ne uwa ya rhọ emwi la owa vbe ukpo.

Iwinna 2:1

Ugbẹn vbe ọ ghi sẹ ẹdẹ Pẹntikọst, iran ni yayi hia keghi si egbe koko ye ihe ọkpa.

I Kọrinti 16:8

I ho ne I gha rre Ẹfisọs rhinrin ya sẹ ẹdẹ Pẹntikọst.

Diuteronomi 16:10

wa ghi suẹn gha ru emwiukpo Akọrhọre vbene uwa gha na viọ izẹọhẹ akekhọerre rre ya ye ọghọ ne Nọyaẹnmwa Osanobua rua zẹ vbene u vbe miẹn afiangbe rhie sẹ vbe obọ ẹre.

Diuteronomi 16:16

“Ikpia ẹvbo ruẹ hia, igba eha vbe ukpo ọ re iran gha yo ihọkpa nii ne a na ga ẹe ya gha ga e Nọyaẹnmwa, ena ọ re Alagberra, Emwiukpo Akọrhọre kevbe Emwiukpo Irhu. Dọmwadẹ ọghe ọe ghi rhie ọhẹ gha dee.

Hibru 2:1

Ọnii ọ si ẹe ne ima gha na kakabọ ye obọ da ẹe yi sẹ ayọ, ighẹ ẹmwata ne ima họn nẹ ne a ghẹ ya ya ima de odẹ.

Ebe Rut 2:23

Ẹre Rut ghi na deba eguọmwadia Boaz gha winna, ọ na vbe gha rhọ ọka, iran te do rhọ avbe ọka kevbe ọka irhuarhua fo, ọ na ye gha tota ke iye ọdọ ẹre.