Diuteronomi 16:3 - Edo Bible (E Baibol Ẹdo) Version 1996

³ Wa gha ra rri evbare na, wa ghẹ rri ebrẹd ne a ye eyist le. Wa ghi rri ebrẹd ne a ma ye eyist le la ikpẹdẹ ihinrọn, rhunmwuda ulẹ vbe okhian ọ re uwa ya lahin Igipt rre. Wa ghi rri ebrẹd na ne a gha tie ẹre evbare ọlọghọmwa, vbe ne a gha na miẹn wẹ vbe ẹdẹ agbọn uwa hia, te uwa gha ye rre, ẹdẹ ne uwa kpao vbe Igipt rre.

Diuteronomi 16:3 ပူးပေါင်းရင်းမြစ်များ

I Ọba 22:27

Tama iran ne iran fi ẹe fi uwu ẹwẹdọ, ne ọ gha ye ebrẹd vbe amẹ koko ẹe I te rre vbe egbe hẹnnẹdẹn.”

Psalm 102:9

Rhunmwuda ohu kevbe okuosu ruẹ, emuẹn ọre ọ ghi re evbare mwẹ, ameve mwẹ ghi gha kharha gua amẹ ne I wọn. U gua mwẹ rhie, u ke fi mwẹ fua.

Psalm 111:4

E Nọyaẹnmwa ma gie ima mianmian avbe iwinna ọyunnuan rẹn, ọ vuọn ne itohan kevbe ẹnina.

Psalm 127:2

Ẹi mwẹ asa ne ọ ye ne a gha miẹn ẹsọn vberriọ ba ẹmwẹ evbare unu, ne a gha kpao vbe owiẹ vbirrivbirri, vbe ne a i na vbe rherhe lovbiẹ. Rhunmwuda, e Nọyaẹnmwa ọ re ọ kpemehe ne iran ne ọ ho ẹmwẹ ọnrẹn, vbe iran he ye vbiẹ.

Ẹksọdọs 12:11

Te uwa ra mu egbe okhian ya rriọe. Wa ghi gba ukpọn uwa ukugba ginna ẹkun, wa ghi viọ ibata ye owẹ, wa ghi viọ ọkpọ utuaotọ uwa mwẹ obọ, wa ghi rriọe okhirhikhirhi, Evbare Alagberra ọghe uyi mẹ ne Nọyaẹnmwa nọ.

Ẹksọdọs 12:17

Wa ghi ru emwiukpo ọghe ebrẹd ne ọ ma hue na rhunmwuda ẹdẹ na ọrọre ẹdẹ ne I viọ ivbiyokuo rua lahin otọ Igipt rre. Ke orre ya sẹ orre, wa ghi zẹ ẹdẹ nẹrẹ kọ zẹ vbe emwiukpo.

Ẹksọdọs 12:39

Iran kegha ya irhuarhua ne iran mu ke Igipt ladian fian ebrẹd ne ọ ma hue rhunmwuda ne a na khulo iran ke Igipt ladian ẹgiẹgiẹ. Iran ma miẹn ẹghẹ ya le evbare ne egbe iran, ra ne iran fian ebrẹd ne ọ huere.

Ẹksọdọs 12:8

Vbe asọn nii, te a gha tọn ẹn vbe erhẹn, a ghi ye ebrẹd ne ọ ma huẹ kevbe oriwo rriọe.

Ẹksọdọs 34:18

“Wa ghi gha ru emwiukpo ebrẹd ne ọ ma hue, zẹ vbene I tama uwa, wa ghi ya ikpẹdẹ ihinrọn rri ebrẹd ne ọ ma hue vbe uki Abib, rhunmwuda, uki nii ọre uwa na kpa vbe Igipt.

Aizaia 52:12

Ẹghẹ na, wa i ghi ra khirhi kpao, wa i ghi ra gha hia ne uwa lẹ fua. E Nọyaẹnmwa ne Osanobua uwa gha kodaro ne uwa ọ ghi vbe degue uwa vbe igienenẹ.

Levitikọs 23:6

Vbe ikpẹdẹ ekesugie vbo, emwiukpo Alagberra ghi suẹn, vbe ikpẹdẹ ihinrọn, wa ghẹ rri ebrẹd ne a ya eyist ru.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Nọmbas 28:17

Vbe ikpẹdẹ ekesugie vbọ, emwiukpo ugamwẹ ne ọ ya ikpẹdẹ ihinrọn vbotọ ghi suẹn. Vbe uwu ẹghẹ na, ebrẹd ne a ma ya eyist gbe ọkpa ọre a re.

Nọmbas 9:11

a ghi gie iran ru ẹe ke ẹe kevbe oriwo.

Iyẹn ne ọ Maan Ọghe Luk 22:19

Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.”

I Kọrinti 5:8

Wa gie ima do ugie emwi ukpo mwa, sokpan ẹ i re ne a ya ebrẹd ne eyist nẹdẹ ni ye do, eyist orukhọ kevbe alama, sokpan ọghe ebrẹd ne ẹ i mwẹ eyist, ebrẹd uhuanmwẹ kevbe uhunmwu ẹmwẹ.

Diuteronomi 16:2

U ghi gha rrie ihe ọkpa kẹkan ne a na ga ni, u ghi gbe ohuan ruẹn ra ẹmila ruẹ ọkpa vbe vba ne u rri evbare Alagberra ya ye ọghọ ne Nọyaẹnmwa Osanobua rua.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

I Tẹsalonaika 1:6

Wa keghi gha ghe ima kevbe Nọyaẹnmwa ru emwi, egbe ne a rhe ya miẹn ighẹ wa rri oya sẹ vberriọ, wa keghi ya oghọghọ ne ọ ke obọ Orhiọn Ne Ọ Huanrẹn rre miẹn rẹn.

Jọsua 4:7

Wa ghi tama iran wẹ ẹghẹ ne Ẹkpẹti Ile ọghe Nọyaẹnmwa na fian Ẹzẹ Jọdan rra, amẹ ọnrẹn keghi dobọ ulẹmwẹ yi. Avbe okuta na ghi gha re ama ayere ne ivbi Izrẹl ẹdẹdẹmwẹdẹ.”