Diuteronomi 16:2 - Edo Bible (E Baibol Ẹdo) Version 1996

² U ghi gha rrie ihe ọkpa kẹkan ne a na ga ni, u ghi gbe ohuan ruẹn ra ẹmila ruẹ ọkpa vbe vba ne u rri evbare Alagberra ya ye ọghọ ne Nọyaẹnmwa Osanobua rua.

Diuteronomi 16:2 ပူးပေါင်းရင်းမြစ်များ

II Ọba 23:21

E Josaia ne ọba keghi wẹ ne emwa ru emwiukpo alagberra ya ye ọghọ ne e Nọyaẹnmwa ne Osanobua iran, zẹ vbene a gbẹnnẹ ye ebe ile.

II Krọnikol 35:7

E Josaia keghi viọ aranmwẹ ke uwu emwi irri ẹre ne emwa nii miẹn ya ru emwiukpo Alagberra, emwi ne ọ viọ rre kegha re ohuan arriaisẹn ọgban (30,000) kevbe avbe oteghe ohuan kevbe ivbi ẹwe, deba ẹkhuia ẹmila arriaisẹn eha (3,000).

Nọmbas 9:2

“Tama ivbi Izrẹl ne iran ru emwiukpo Alagberra. Iran ghi suẹn ọnrẹn vbe ovẹn a dero nẹ vbe ikpẹdẹ ne ogiwenẹ ọghe uki na, zẹ vbene a mwamwaẹn yi.”

Matiu 26:17

Vbe ikpẹdẹ ne okaro ọghe Emwiukpo Eka Ne ọ ma hue, avbe erhuanegbe bu Jesu gha dee do nọ rẹn wẹẹ, “De ehe ne u ho ne ima na mu egbe evbare ota Alagberra ye otọ khẹ ruẹ?”

Matiu 26:2

“Wa rẹnrẹn ighe irakhuẹ ọrọre ẹdẹ Emwiukpo Alagberra, a gha rhie Ovbi Ọmwa ladian ne akan rẹn mu ugbugbe.”

Iyẹn ne ọ Maan Ọghe Mak 14:12

Vbe ikpẹdẹ ne okaro ọghe Emwiukpo Eka Ne ọ ma hue, vbe ẹdẹ ne a gbele avbe ohuan Alagberra, avbe erhuanegbe Jesu nọ rẹn wẹẹ, “De ehe ne u ho ne ima na ya le evbare Alagberra ye otọ khẹ ruẹ?”

Iyẹn ne ọ Maan Ọghe Luk 22:15

Rẹn keghi tama iran wẹẹ, “Ọ te wa khọnmwẹ ẹsẹse ne I gu uwa rri evbare Alagberra na I te ya rrioya.

Iyẹn ne ọ Maan Ọghe Luk 22:8

Jesu keghi tie Pita vbe Jọn, ọ keghi gie iran uhunmwu wẹẹ, “Wa ya le evbare Alagberra ne ima gha re ye otọ khẹ ima.”

I Kọrinti 5:7

Wa rhie eyist ọwiẹyi orukhọ na hi ehe ne uwa ye rre, ne uwa miẹn ehe na huan fo. Ẹghẹ nii, wa ghi do ye vbe ẹlubọ ne a ma he rhie eyist yi, I rẹnrẹn ighẹ egbe emwi vberriọ ọre uwa khin. Rhunmwuda a le evbare Alagberra mwa nẹ nian, ugbẹn vbe a miẹn wẹ, a ya Kristi ne ọre Oteghe Ohuan Alagberra mwa, zọ ese nẹ.

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Diuteronomi 12:14

sokpan wa ya zọ ẹre vbe ehe ne Nọyaẹnmwa gha zẹ vbe otọe ọkpa vbe avbe ẹwae uwa. Evba nii i ọkpa wa gha na gha zọ ese uwa ne a giẹn uan kevbe ne uwa vbe gha ru avbe emwi ọvbehe hia ne I tama uwa.

Diuteronomi 12:18

Wa kevbe avbe ivbi uwa kevbe eguọmwadia uwa, kevbe avbe e Livai nii rre ẹvbo uwa, odaro Nọyaẹnmwa Osanobua uwa ọkpa ọ re uwa gha na gha rri ọe, vbe ihọkpa kẹkan ne a na ga nii, ne Nọyaẹnmwa ne Osanobua uwa zẹe re vbe evba ne u gie ẹko ruẹ vbe gha rhiẹnrhiẹn rhunmwuda emwi ọma ne Nọyaẹnmwa hẹ ne uwa.

Diuteronomi 12:26

Wa ghi viọ emwi ihaoko uwa kevbe izẹọhẹ ne uwa ve Nọyaẹnmwa ẹre gha rrie ihe ọkpa ne a na ga.

Diuteronomi 12:5

E Nọyaẹnmwa gha zẹ ihe ọkpa ne emwa gha na ga irẹn vbe otọe ọkpa vbe uwu avbe ẹwae uwa.

Diuteronomi 15:20

Wẹ kevbe ẹgbẹe ruẹ ghi ya gha rri ọe ukpukpo vbe odaro e Nọyaẹnmwa vbe ehe ọkpa kẹkan nii ne a na ga ẹe.

Diuteronomi 16:1

“Ye ọghọ ne Nọyaẹnmwa Osanobua rua vbe ekpa ne uwa gha na gha ru emwiukpo Alagberra vbe uki Abib; rhunmwuda asọn ọkpa vbe uwa uki ni ọre a na fan uwa vbe irri ke Igipt ladian.

Diuteronomi 16:3

Wa gha ra rri evbare na, wa ghẹ rri ebrẹd ne a ye eyist le. Wa ghi rri ebrẹd ne a ma ye eyist le la ikpẹdẹ ihinrọn, rhunmwuda ulẹ vbe okhian ọ re uwa ya lahin Igipt rre. Wa ghi rri ebrẹd na ne a gha tie ẹre evbare ọlọghọmwa, vbe ne a gha na miẹn wẹ vbe ẹdẹ agbọn uwa hia, te uwa gha ye rre, ẹdẹ ne uwa kpao vbe Igipt rre.