Diuteronomi 16:16 - Edo Bible (E Baibol Ẹdo) Version 1996

¹⁶ “Ikpia ẹvbo ruẹ hia, igba eha vbe ukpo ọ re iran gha yo ihọkpa nii ne a na ga ẹe ya gha ga e Nọyaẹnmwa, ena ọ re Alagberra, Emwiukpo Akọrhọre kevbe Emwiukpo Irhu. Dọmwadẹ ọghe ọe ghi rhie ọhẹ gha dee.

Diuteronomi 16:16 ပူးပေါင်းရင်းမြစ်များ

I Ọba 9:25

Igba eha vbe ukpo Ọ re Solomọn ya si isara vbe Ogiukpo ne ọ bọ ne Nọyaẹnmwa, ọ kevbe gha giẹn eturari gie Nọyaẹnmwa. Erriọ o na do bọ Ọgua Osa fo.

II Krọnikol 8:13

Ọ keghi zọ ese ne a tọẹn zẹ vbene Uhi e Mosis mu ẹẹn ye otọ ne dọmwadẹ ẹdẹ ne ọ huanrẹn. Ẹdẹ Ikẹtin, Emwiukpo Uki Ọgbọn, kevbe emwiukpo eha ne a ru ukpukpo, ena ọre Emwiukpo Ebrẹd Nọmahue, Emwiorhọ kevbe Emwiukpo Irhu.

Ẹzra 3:1

Vbene ọ ghi te sẹ odẹ uki ne ogihinrọn, ivbi Izrẹl hia keghi gbe ẹkun sẹ otọ vbe dọmwadẹ ẹvbo iran. Iyeke ọnii, iran hia keghi si egbe koko vbe Jerusalẹm.

Nehimaia 8:15

Rhunmwuda ọnii, iran ke yi uhi na wẹ ne a ya tae ma emwa ni rre Jerusalẹm ke avbe okpẹvbo ke ore nekhua hia nekpa wẹẹ, “Wa gha rrie avbe oke ya giagia ewanmwẹ, ebe ẹgogo, orriema kevbe ebe ne a ya bọ owa, ne uwa do gbe irhu zẹ vbene a gbẹnnẹ ọẹn ye ebe Uhi.”

Psalm 122:4

Emwana ọ re avbe ẹwae hia dee, avbe ẹwae ivbi Izrẹl, ne iran do kpọnmwẹ e Nọyaẹnmwa zẹ vbene ọ yi ẹre iyi.

Psalm 84:7

Vbene iran ya nana sikẹ odaro, erriọ orhiọn ya la iran iwu. Iran gha miẹn Osanobua, ne ọ yan avbe osa hia, vbe uhunmwu e Zaiọn.

Psalm 84:8

Họn erhunmwu mwẹ Nọyaẹnmwa Osanobua ne Udazi. Danmwehọ, Osanobua e Jekọb.

Psalm 96:8

Wa rho eni Nọyaẹnmwa ne ọ mwẹ uyi, viọ emwi izọese rre ne uwa gha die Ọgua Osa ẹre

Ẹksọdọs 34:20

Sokpan wa ghi dẹlẹ emọ ọdiọn ọghe ekẹtẹkẹtẹ werriegbe vbe ne uwa gha na gha munọ ohuan ya rọ iran. A deghẹ wa ma dẹ ọe werriegbe, wa ghi bun ẹnrẹn ẹyaẹn, wa ghi gha dẹlẹ dọmwadẹ ọmọdiọn vbe ikpia werriegbe. “Ọmwarhọkpa ghẹ fiabọ emwi izọhẹ gha die odaro mwẹ.

Ẹksọdọs 34:24

I gha ghi khulo avbe okpẹvbo hin odaro rua rre nẹ, I na vbe rhie te ehe ne otọe rua la ẹe, a i miẹn ọmwa ne ọ gha ho ne ọ ya khọn ẹvbo uwa vbe uwu igba eha ne uwa do gha miẹn mwẹ aro nii, mẹ ne Nọyaẹnmwa ne Osanobua ruẹ.

Aizaia 23:18

A ghi ya igho ne ọ miẹn vbe ẹki fi ohan ne Nọyaẹnmwa. Ẹ i ra vbe viọ ẹre hin rre, sokpan, avbe emwa ni ga e Nọyaẹnmwa gha ya igho nii dẹlẹ evbare kevbe ukpọn ne iran gha lo.

Aizaia 33:20

Wa ghe Zaiọn ne ẹvbo ne ima na ru emwiukpo ugamwẹ mwa hia. Wa ghe Jerusalẹm. Ehe ne a dia ne ẹkun na sẹ ọmwa otọ ne a ya gie ẹre i rrọọ. Te ọ ra yevbe owa ukpọn ne ai si yo si rre, ne a i vbe vbọlọ ukeke ne a ya kan ẹnrẹn, kevbe ne irri ẹre i fian.

Ezikiẹl 36:38

Avbe ẹvbo hia ni khian itowa na, emwa gha vuọn rẹn zẹ vbene ohuan te vuọn e Jerusalẹm yi, uwu ne iran na munọ ya zẹ ese vbe ẹghẹ emwiukpo. Ẹghẹ nii iran gha rẹn wẹ mẹ ọrọre Nọyaẹnmwa.”

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

Matiu 2:11

Ugbẹn vbe iran ghi la owa, iran keghi miẹn nene ọmọ kẹe kevbe Meri ne iye ẹe. Iran keghi diguẹ ya emwi nẹẹn, igoru, eturari kevbe oziya.

Iyẹn ne ọ Maan Ọghe Mak 12:3

Iran ni gbe aro ghe ugbo ni keghi wa guae rhie, iran mama ẹn, iran keghi giee fi abọ gha rrie.

Iyẹn ne ọ Maan Ọghe Jọn 7:2

Emwiukpo Ibu agọ ọghe avbe Ju keghi sikẹ otọ.

Diuteronomi 16:15

“Wa ghi ru emwiukpo na la ikpẹdẹ ihinrọn ya ye ọghọ ne Nọyaẹnmwa vbe ihe ọkpa ne a na ga ẹe nii. U ghi gha sẹ ọyẹnmwẹ rhunmwuda ighẹ e Nọyaẹnmwa fiangbe emwiokọ ruẹ kevbe iwinna ruẹn.

Diuteronomi 16:17

Zẹ vbene obọ ọ re sẹ ọe zẹ vbene e Nọyaẹnmwa Osanobua vbe ya fiangbe ẹe.

Diuteronomi 31:11

U ghi tie ẹre ma ivbi Izrẹl vbe iran a rre do ga e Nọyaẹnmwa Osanobua uwa, vbe ehe ọkpa ne a na ga nii.

I Samuẹl 1:3

Ukpukpo ọ re Ẹlkana ya ke ẹvbo ẹre kpao gha rrie Siailo, ne ọ ya ga, kevbe ne ọ ya zọ ese ghe Nọyaẹnmwa ne Oghodua. E Hofnai kevbe Finihaz ne ivbi Elai eva, kegha re ohẹn ọghe Nọyaẹnmwa vbe evba.

I Samuẹl 6:3

Iran keghi wanniẹn wẹẹ, “A deghẹ wa mu Ẹkpẹti Ile ọghe Osanobua Izrẹl werriegbe, te uwa gha viọ emwi izẹọhẹ lele ẹe ne uwa ya ha osa orukhọ uwa. A ghẹ gie Ẹkpẹti Ile nii werriegbe vbe ne a ma na viọ emwi izẹ ọhẹ lele ẹe, vbenian ọre a gha na mu uwa egbe rran, wa ghi do rẹn emwi ne ọ si ẹe ne ọ na gha mianmwẹ uwa ke ẹghẹ ni gha dee.”