Diuteronomi 16:10 - Edo Bible (E Baibol Ẹdo) Version 1996

¹⁰ wa ghi suẹn gha ru emwiukpo Akọrhọre vbene uwa gha na viọ izẹọhẹ akekhọerre rre ya ye ọghọ ne Nọyaẹnmwa Osanobua rua zẹ vbene u vbe miẹn afiangbe rhie sẹ vbe obọ ẹre.

Diuteronomi 16:10 ပူးပေါင်းရင်းမြစ်များ

I Krọnikol 29:14

“Sokpan, levba sevba, mẹ kevbe emwa mwẹ i sẹtin gele rhie emwi kemwi nuẹn, rhunmwuda, emwi hia, wẹ ọ re ọ ya ẹe ru ọmwa ẹse, ọnii nọ wẹ emwi ne ọ re ọwuẹ nẹ ọre ima vbe dọlegbe viọ ne uẹn.

II Krọnikol 31:14

E Kore ne ovbi Imna ne ọ vbe re Livai ne ọ re ọkaolotu iran ni khẹ Onurho Odẹ Ahọ vbe Ọgua Osa, ẹre iran rhie yọ ne ọ gha koko emwi ne a ya zẹ ọhẹ gie Nọyaẹnmwa kevbe ne ọ vbe gha gha ẹre.

Ẹksọdọs 35:29

Ikpia kevbe ikhuo hia ni rre Izrẹl, ni vbe ho ne iran mwẹ obọ vbe iwinna ne Nọyaẹnmwa gie Mosis do kha wẹ ne a ru, keghi viọ emwi izọhẹ iran gie Nọyaẹnmwa.

Itan 10:22

Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Joẹl 2:14

Ughaghe, e Nọyaẹnmwa ne Osanobua rua gha fi ekhọe werriẹ, ọ ghi ye emwiokọ nibun ru uwa ẹse. Ẹghẹ nii, wa ghi vbe ha oko ọka kevbe ayọn gie ẹe.

Levitikọs 12:8

A deghẹ obọ okhuo nii ma gba ohuan, ọ ghi viọ idu eva ra elikhukhu gha dee, ọkpa ne a ya zọ ese na giẹn uan kevbe ọkpa ọghe izọ ese orukhọ. Ohẹn ghi ru emwi ne a ru yọ ne a ya kpe awua ẹre kua, ọ ghi do gha re ne ẹ i mwẹ awua.

Levitikọs 23:15

Wa ghi ka uzọla ihinrọn gbalaka ke ikpẹdẹ ne ọ lele Ẹdẹ ikẹtin ne uwa na viọ ikun ọka uwa gha de do ya zẹ ọhẹ ne Nọyaẹnmwa.

Levitikọs 25:26

“Ọmwa ne ẹ i mwẹ ọtẹn ne ọ gha dẹ ọe werriegbe, sẹtin do khian ne ọ ghi mwẹ emwi vbe okiekie, ọ ghi do miẹn ya tobọ ẹre dẹ ọe werriegbe.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.

Nọmbas 28:26

Vbe ikpẹdẹ ne okaro ọghe Emwiukpo Akọrhọre, ẹghẹ ne uwa ya viọ ọka akọrhọre gie Nọyaẹnmwa, wa ghi si egbe koko ru ugamwẹ, wa ghẹ winna iwinna rhọkpa.

Nọmbas 31:28

U ghi rhie ọkpa vbe uwu oghunmwu iyisẹn isẹn ye otọ vbe avbe ne ọ sẹ avbe ivbiyokuo obọ, zẹ vbe igho uhunmwu ne a zẹ gie Nọyaẹnmwa, erriọ u gha vbe ru avbe ẹmila, ekẹtẹkẹtẹ, ohuan kevbe ẹwe.

I Kọrinti 16:2

Vbe ikpedẹ ne okaro ọghe uzọla hia, dọmwadẹ ọghọe ghi fian igho rhie ye otọ zẹ vbene igho ne ọ khuaẹn vbe sẹ, ne a ya ẹe gbakhua hin, a i rẹn vbe I gha rre, ne a ghẹ ghi vbe gha gbẹn okhuo igho ne a koko.

II Kọrinti 8:10

Vbene nene ẹmwẹ ye hẹ vbe ekhọe mwẹ ọre ọ na khin wẹ, ọ kere ne uwa ru ẹe fo nian ighẹ iwinna ne uwa suẹn rẹn ne ukpo. Ẹ i re wẹ wa ọre emwa okaro ne ọ ka gha sobọ yọ ọkpa, wa ọrọre emwa okaro ne ọ gha ho ne a sobọ yọ.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

Diuteronomi 16:9

“Wa ghi ka uzọla ihinrọn ke ẹghẹ ne uwa ya suẹn gha rhọ ọka kpao,