Diuteronomi 15:9 - Edo Bible (E Baibol Ẹdo) Version 1996

⁹ Ghẹ kha i ghẹ ui ghi rhie emwi ne ẹẹn mọmọ rhunmwuda ighẹ ukpo ne a na ya igho ma ọmwa i ghi rrei. Ghẹ gie iro dan vberriọ la ruẹ ekhọe. U gha he ne u rhie igho nii ne ẹẹn mọmọ, ọ gha viẹ yuẹ urhu ma e Nọyaẹnmwa, a ghi ka a ye ọmwa ne ọ rria abe.

Diuteronomi 15:9 ပူးပေါင်းရင်းမြစ်များ

Job 34:28

Iran ghi ru ovbiogue ne iran ya tu nọ Osanobua iyobọ, rẹn keghi họn utumwẹ iyobọ, ne iran tu tie ẹre.

Psalm 101:3

Mẹ i ra vbe rhie otọ ne emwi ọkhọ, I khuiwu uyinmwẹ emwa ni fi iyeke gbe Osanobua me i ra gu iran mu obọ.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 9:12

Osanobua ye iran ne usẹ sẹ rre, ẹi vbe mianmian utumwẹ iran, ọ vbe rri iran oya ighe iran ni fidọn ghe iran.

Ẹksọdọs 22:22

Wa ghẹ ru ọmọ ne ẹ i mwẹ erha ra ẹgbẹ khọ.

Ẹksọdọs 22:23

Wa gha ru iran khọ, iran na tu ma mwẹ nọ iyobọ, I gha zẹmwẹ wanniẹn iran.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Itan 14:21

U gha ho ne u gha mwẹ ẹko rhiẹnrhiẹnmwẹ, gha tohan ivbiogue; orukhọ nọ ne a gha zan ọmwaikọmwa.

Itan 21:13

U gha wẹ u i danmwehọ utumwẹ ovbiogue, a i vbe danmwehọ ruẹ vbe uwẹ a gha tu nọ iyobọ.

Itan 23:6

Ghẹ rri evbare vbe eteburu ọkhẹnemwidamwẹ ra ne u gha fifi ye evbare ne ọ rhiẹnrhiẹn ne ọ viọ ye otọ.

Itan 24:9

Emwi ne akpa a rhirhi zẹ iro ẹre rre, orukhọ nọ. Emwa hia ọ re ọ khu iwu ọmwa ne ọ zan emwa ọvbehe vbe ẹghẹ hia.

Itan 28:22

Emwa ni, rẹn ọghe egbe iran okpa wa khirhi ne iran fe sẹrriọ wẹ, iran i rẹn vbe ogue a ra fi iran emwi.

Itan 4:23

Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 34:14

ukpo ihinrọn hia, ọ re iran gha ya gha fannọ avbe eviẹn iran ni re ivbi e Hibru kua vbe iran a ghi ga iran la ukpo ehan nẹ. Sokpan, avbe erha uwa odede ma zẹyọ mwẹ re, ama ghi wẹ te iran ra danmwehọ ẹmwẹ ne I tae.

Matiu 15:19

Uwu ekhọe ọre iro nọ ya ọmwa ru emwi hia ke rre: izigha, oghẹ, uyinmwẹ ohọhọ hia, oyi, ohoghe, ọtakhọ.

Matiu 20:15

Wẹ ma yayi ighe I sẹtin lo igho mwẹ vbe ne ọ khọnmwẹ, ra te ohu mwẹ ghi mu uẹn rhunmwuda ighe I ze emwi obọ?’ ”

Diuteronomi 15:1

“Vbe ukpo ne ogihinrọn hia, wa ghi gha ya igho ne emwa rri uwa re ma iran.

Diuteronomi 24:15

U ghi gha ha osa iwinna ne ọ winnaẹn ne uẹn ẹdẹgbegbe vbe ovẹn te de ro, ọ mwẹ emwi ne ọ ya ẹe ru, ọ vbe rhie aro ye odẹ khẹ ọ re nẹ ighẹ ọ gha sẹ irẹn obọ. a deghẹ u ma ha ẹre nẹ ẹẹn, ọ gha viẹ bu e Nọyaẹnmwa gha khian, a gha bu abe gbe uẹ.

Diuteronomi 31:10

Ọ keghi tama iran wẹẹ, “Uhukpa vbe ukpo ihinrọn, ẹghẹ vbe ukpo Afanyotọ a gba nẹ, u ghi tie ena hia ladian vbe urhu ne ọ la vbe ẹghẹ Emwiukpo Irhu nii.

Jems 4:17

Rhunmwuda ọnii nian, ọmwa ne ọ rẹn emwi ne ọ kere ne irẹn ru ne ọ ma ru ẹe, ọ rri abe orukhọ.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.

Jems 5:9

Wa ghẹ gha gui ẹzọ egbe khian, etẹn mwẹ. Ne Osanobua ghẹ vbe bu ohiẹn uwa. Ne ọ bu ohiẹn sẹ emwa fo nẹ, ọ mu egbe nẹ ne ọ la owa.

I Pita 4:9

Wa gha khian ẹlẹ tuẹ egbe, vbe ne a i na gui ẹzọ egbe.