Diuteronomi 15:7 - Edo Bible (E Baibol Ẹdo) Version 1996

⁷ “A deghẹ a miẹn Izrẹl ne ihua nẹ i mwẹ vbe otọe nii ne Nọyaẹnmwa ra mu ne uẹn, ghẹ gie emwi da a ne a vbe miẹn wẹ u ma ye ọ re obọ.

Diuteronomi 15:7 ပူးပေါင်းရင်းမြစ်များ

Nehimaia 5:1

Ọ ghi kpee fua kherhe, ni bun vbe uwu avbe emwa ni, ikpia kevbe ikhuo avbe Ju ne ihua iran.

Ẹsta 9:19

Ọnii ọ sii ẹe ne avbe Ju ni re ivbi ẹvbo ne a giere na na ya ikpẹdẹ ne ogiwenẹ ọghe uki Ada hẹwẹ, iran ghi vbe gha ghọghọ ẹdẹ ne a ya re kevbe ne a ya da, kevbe ne a ya ye evbare zẹ ọhẹ gie egbe.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Ẹksọdọs 22:25

“A deghẹ wa rhie igho ne emwa mwẹ mọmọ, ne iran ne ivbiogue vbe uwu uwa, wa ghẹ ru zẹ vbe ọmwa ne ọ rhie igho isu ne ọmwa, wa ghẹ wẹ ne ọ su ẹe rre.

Itan 19:17

U gha rhie emwi ne ovbiogue, te ọ ye vbe ne a rhie emwi ne Nọyaẹnmwa mọmọ; e Nọyaẹnmwa gha ha ẹre werriegbe nuẹn.

Itan 21:13

U gha wẹ u i danmwehọ utumwẹ ovbiogue, a i vbe danmwehọ ruẹ vbe uwẹ a gha tu nọ iyobọ.

Aizaia 58:10

Adeghẹ wa rhie evbare ne ọmwa ne ohanmwẹ gbe, wa na gie ẹko vuọn iran ne ẹ i mwẹ, ẹghẹ nii, ebiebi ni lẹga uwa gha khian uwanmwẹ ogiavan.

Levitikọs 25:35

“A deghẹ ovbi Izrẹl ne ihua ne ọ yin diake uẹ khian ovbiogue ighẹ ẹ i ghi sẹtin koko egbe ẹre, u ghi gha koko ẹe zẹ vbe ne u gha koko ọmwa ne u rhie vbe iwinna ne ọ miẹn ehe na sẹtin gha yin diake uẹ.

Matiu 18:30

Sokpan, ọ ma kue. Ọ keghi ya muẹn khui ye eghan ne ọ gha rre evba ọ te do ha osa ni.

Matiu 5:42

Ọmwa gha vbuẹ emwi, rhie nẹẹn. Ọmwa gha vbe nọ emwi na mọmọ, rhie nẹẹn mọmọ.

Diuteronomi 15:11

Ẹghẹ hia ọ re a gha ya gha miẹn ivbi Izrẹl ni re ivbiogue ne ẹ i mwẹ emwi, rhunmwuda ọnii, I ye ẹre iyi ne uwa nian ne uwa gha zẹ emwi obọ ne iran.

Diuteronomi 15:9

Ghẹ kha i ghẹ ui ghi rhie emwi ne ẹẹn mọmọ rhunmwuda ighẹ ukpo ne a na ya igho ma ọmwa i ghi rrei. Ghẹ gie iro dan vberriọ la ruẹ ekhọe. U gha he ne u rhie igho nii ne ẹẹn mọmọ, ọ gha viẹ yuẹ urhu ma e Nọyaẹnmwa, a ghi ka a ye ọmwa ne ọ rria abe.

Diuteronomi 24:14

“Ghẹ mu ọguọmwadia ne ovbiogue ne u rhie vbe iwinna ru, ọ re ovbi Izrẹl nọ ra avbe orhunmwuyẹn ni rre uwa ẹvbo.