Diuteronomi 15:6 - Edo Bible (E Baibol Ẹdo) Version 1996

⁶ e Nọyaẹnmwa gha fiangbe uwa zẹ vbene irẹn yan rẹn. Wa gha mu igho ne agbọn ẹvbo ni bun mọmọ sokpan, wa i ra miẹn ọmwa rhọkpa ẹre rhie mọmọ. Wa gha kha yan agbọn ẹvbo ni bun, sokpan agbọn ẹvbo rhọkpa ira kha yan uwa.

Diuteronomi 15:6 ပူးပေါင်းရင်းမြစ်များ

I Ọba 4:21

Otọe arriọba e Solomọn keghi ke Ẹzẹ e Yufretes vbe odọ ahọ, ya sẹ Filistia vbe odẹ orrie kevbe rhinrin yasẹ okhiẹ Igipt. Iran kegha ha igho uhunmwu gie ẹe, iran na vbe gha rre ototọ ẹre vbe ẹdẹ agbọn rẹn hia.

I Ọba 4:24

E Solomọn kegha khaemwisẹ yan otọe ni rre orrie Ẹzẹ Yufretes hia kevbe Tifsa vbe Yufretes ya sẹ ẹvbo e Gaza vbe orrie ne gbaan. Avbe ọba hia ni rre odẹ orrie ọghe Yufretes kegha ga gie ẹe, rẹn vbe ẹvbo ni lẹga ẹre hia keghi gba gha rrọ vbe ọfumwegbe.

I Krọnikol 17:27

Te I rinmwian wẹ ne u fiangbe ivbi uniẹn mwẹ, ne iran miẹn ehe na gha miẹn aro ne ọ maa ruẹn. Wẹ Nọyaẹnmwa fiangbe iran nẹ, afiangbe ruẹ gha rhuẹ yan iran ẹdẹdẹmwẹdẹ.”

II Krọnikol 9:26

Rẹn ọ re ọ gha re ọba nọkhua yan avbe ọba ni rre otọe nii hia, ke Ẹzẹ Yufretes kpao kevbe Filistia kevbe ehe ne otọe Igipt lae.

Ẹzra 4:20

Avbe ọba ni mwẹ ẹtin ka vbe rriọba vbe evba yi, iran na gha kha yan ehe ne otọe Orrie Yufretes sẹe ke ne ọ rhan mwẹ hia, iran keghi vbe gha koko igho otọ.

Nehimaia 9:27

Wẹ keghi gie eghian khọn iran, Ne iran vbe gha kha yan iran Iran na gha kha yan iran. Ọlọghọmwa ghi rre, iran keghi da tie ruẹ ne iyobọ U keghi wanniẹn iran ẹmwẹ ke ẹrinmwi rre. Vbe itohan ruẹn nọkhua, u gie olotu bu iran yo Iran keghi wọlọ iran hin obọ eghian rre.

Psalm 112:5

Afiangbe ọrọre ọghe ne ọ zẹ emwi obọ vbekpa igho ne a rhie ne emwa mọmọ, ne ọ vbe ye ai ru ero do ẹki ẹre.

Psalm 37:21

Ọmwadan mọmọ emwi, sokpan ẹ i hae, sokpan, ọmwa esi ghi gha zẹ emwi obọ.

Psalm 37:26

Ẹghẹ hia ọ re ọ ya zẹ emwi obọ, ọ ghi vbe gha rhie ne emwa mọmọ. Afiangbe ọ re ivbi ẹre khin.

Itan 22:7

Avbe ivbiogue ọrọre eviẹn enife. Mọmọ igho, ọviẹn ọmwa ne u mọmọ ẹre igho ọre u khian.

Iyẹn ne ọ Maan Ọghe Luk 6:35

Ẹ i re rriọ! Gha ho ẹmwẹ eghian ruẹn, vbe gha ru iran ẹse, rhie ne emwa mọmọ, ghẹ ghi vbe rhie aro ye odẹ khẹ emwi rhọkpa. A gha san ruẹn ẹse nọkhua, u ghi vbe gha re ovbi Osanobua Ne Ọ Yo Sẹ, rhunmwuda te irẹn maa ne emwa ẹse oghodan kevbe emwa dan.

Diuteronomi 15:5

A deghẹ wa họn ẹmwẹ nii ighẹ wa vbe ru avbe emwi hia ne I yi ẹre iyi ne uwa ẹrẹna,

Diuteronomi 28:44

Iran gha miẹn igho gha rhie ne uwa mọmọ sokpan wa i ra miẹn rhie ne iran mọmọ. Iran ọ ra gha khaemwisẹ yan uwa vbe okiekie.