Diuteronomi 15:5 - Edo Bible (E Baibol Ẹdo) Version 1996

⁵ A deghẹ wa họn ẹmwẹ nii ighẹ wa vbe ru avbe emwi hia ne I yi ẹre iyi ne uwa ẹrẹna,

Diuteronomi 15:5 ပူးပေါင်းရင်းမြစ်များ

Psalm 19:11

Iran rhie irẹnmwi ne imẹ ne ọguọmwadia ruẹ, i rri ere ẹre vbe i a ya ẹe ru emwi.

Diuteronomi 15:4

Ẹ Nọyaẹnmwa Osanobua ruẹ gha fiangbe uẹ vbe otọ ne ọ ra mu ne uwa, a i ra miẹn ovbiogue ọkpa vbe uwu emwa ruẹn.

Diuteronomi 15:6

e Nọyaẹnmwa gha fiangbe uwa zẹ vbene irẹn yan rẹn. Wa gha mu igho ne agbọn ẹvbo ni bun mọmọ sokpan, wa i ra miẹn ọmwa rhọkpa ẹre rhie mọmọ. Wa gha kha yan agbọn ẹvbo ni bun, sokpan agbọn ẹvbo rhọkpa ira kha yan uwa.

Diuteronomi 26:14

I ma re vbọ vbe ẹghẹ a khiẹ, I ma vbe rhie vbọ ladian vbe owa vbe awua gue mwẹ. I ma vbe rhie vbọ ya fi ohan ne avbe orinmwi. I wa ru vbene u khare. Osanobua mwẹ I vbe ru emwi hia ne u khare vbekpa aghae ye ihigbe.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Diuteronomi 6:2

Wa ghi gha mu ohan e Nọyaẹnmwa Osanobua uwa, ne uwa vbe gha rhie uhi ẹre ne I ma uwa re lẹre, vbe ẹdẹ agbọn uwa hia, wa kevbe avbe ivbi uwa, ne uwa miẹn ehe na tọ vbe evba.

Filipai 1:27

Banbanna nian, emwi ne a mobọ kha ọrọre ne uyinmwẹ uwa gha re vbene iyẹn ne ọ maa ho ne ọ gha ye, vbene a gha na miẹn wẹ, te I ghi sẹtin rre do miẹn uwa ra I ma sẹtin rre, I ghi gha họn wẹ, wa mudia vbene ekhọe uwa na kugbe vbe ọghe emwi ne uwa ru, wa ghi ku obọ gbe gha gbinna khian ne iyayi, kevbe iyẹn ne ọ maa.

Jọsua 1:7

Sokpan, u ghi wegbe ne u vbe kakabọ din; ne u vbe miẹn wẹ, wẹ wa lele uhi ni hia ne Mosis ne ọguọmwadia mwẹ gbe ne uwa. Ghẹ sẹ ọkpa rae vbọ, ọ ghi gha dinna odẹ nuẹn vbe ehe ne u gha rhirhi yo.