Diuteronomi 15:4 - Edo Bible (E Baibol Ẹdo) Version 1996

⁴ Ẹ Nọyaẹnmwa Osanobua ruẹ gha fiangbe uẹ vbe otọ ne ọ ra mu ne uwa, a i ra miẹn ovbiogue ọkpa vbe uwu emwa ruẹn.

Diuteronomi 15:4 ပူးပေါင်းရင်းမြစ်များ

Itan 14:21

U gha ho ne u gha mwẹ ẹko rhiẹnrhiẹnmwẹ, gha tohan ivbiogue; orukhọ nọ ne a gha zan ọmwaikọmwa.

Itan 28:27

Gha rhie emwi ne avbe ivbiogue, wẹ i ra vbabọ ẹdẹ. U gha fi aro rua vbe egbe ovbiogue, emwa nibun ghi gha tie ihẹn nuẹn.

Diuteronomi 14:29

Evbare na. ọghe avbe Livai nọ vbe ne a na miẹn wẹ iran imwẹ emwi obọ iran, kevbe avbe orhunmwuyẹn, emọ ne ẹ i mwẹ erha, kevbe avbe ẹgbẹ ni rre ẹvbo uwa. Iran ghi rre do gha viọ emwi ne iran imwẹ hia. Wa ghi ru ọna, e Nọyaẹnmwa Osanobua rua gha vbe fiangbe uwa vbe emwi ne uwa ru hia.

Diuteronomi 15:5

A deghẹ wa họn ẹmwẹ nii ighẹ wa vbe ru avbe emwi hia ne I yi ẹre iyi ne uwa ẹrẹna,

Diuteronomi 28:11

E Nọyaẹnmwa gha viọ emọ ni bun ne uwa, ẹmila nibun deba emwiokọ ọrhẹnrhẹn, vbe otọe ne irẹn ve avbe erha uwa odede re wẹ rẹn gha mu ne uwa.

Diuteronomi 3:18

“Ẹghẹ ni ọ re I na vbe rhie igiodẹ na ne iran wẹẹ: ‘E Nọyaẹnmwa Osanobua mwa ọ re ọ mu otọe nii ne uwa vbe ahọ Jọdan ne uwa yin ẹnrẹn. Banbanna nian, wa gbalọ ivbi iyokuo uwa egbe okuo, ne uwa gie iran fian Jọdan rra ke odaro ẹwae ivbi Izrẹl nekpa ne iran ya yi iran obọ ya gbe ẹkun sẹ otọ yin otọe iran.

Diuteronomi 4:21

Rhunmwuda uwa na, ọ re Nọyaẹnmwa na mu ohu ghe mwẹ, ọ na wa ta ẹe wẹ mẹ i ra fian Ẹzẹ Jọdan gberra la otọ esiesi nii ne ọ ra mu ne uwa.