Diuteronomi 15:3 - Edo Bible (E Baibol Ẹdo) Version 1996

³ “U sẹtin miẹn osa ne orhunmwuyẹn rriọ ẹre werriegbe sokpan ghẹ miẹn avbe osa ne emwa ruẹn rriọ ẹre werriegbe.

Diuteronomi 15:3 ပူးပေါင်းရင်းမြစ်များ

Ẹksọdọs 22:25

“A deghẹ wa rhie igho ne emwa mwẹ mọmọ, ne iran ne ivbiogue vbe uwu uwa, wa ghẹ ru zẹ vbe ọmwa ne ọ rhie igho isu ne ọmwa, wa ghẹ wẹ ne ọ su ẹe rre.

Iyẹn ne ọ Maan Ọghe Jọn 8:35

Ọviẹn i sẹtin gha re ovbi e ogbẹ rhinrin, sokpan enọ, ovbi ogbẹ nọ rhinrin.

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

Diuteronomi 15:2

Vbene uwa gha ru ẹe hẹ ọ re ọna khin, ọmwaikọmwa ne ọ rhie igho ne ovbi Izrẹl ne ihua ẹre mọmọ. ọ ghi ya osa nii ma rẹn, ọ ghẹ vbe kha ighẹ rẹn iran miẹn igho nii rhunmwuda, e Nọyaẹnmwa tobọ ẹre ya osa nii ma rẹn nẹ.

Diuteronomi 23:20

U sẹtin nọ igho isu vbe emwi ne u rhie ne orhunmwuyẹn mọmọ, sokpan ẹ i re ne u rhie ne ovbi Izrẹl ne ihua. Wa gha ya uhi na ru emwi, ẹghẹ ni, e Nọyaẹnmwa gha fiangbe emwi hia ne u rhirhi a gha ru vbe otọe nii ne uwa ra yaẹn.

Diuteronomi 23:21

“U gha ru eyan emwi ne Nọyaẹnmwa Osanobua ruẹ, ghẹ fi iyeke gbe, vbe na i na ru emwi nii, e Nọyaẹnmwa gha ka ẹe yuẹ urhu ighẹ emwi ne u yanrẹn, orukhọ nọ a deghẹ a ma mu ẹẹn sẹ.