Diuteronomi 15:18 - Edo Bible (E Baibol Ẹdo) Version 1996

¹⁸ Ghẹ gie egbe kan an vbu a fan ọviẹn fua, wẹ miẹn ọẹn wẹ ukpo ehan ọ re ọ ya ga a ye ukhiọnmwẹ igho ne u gha te hae ne ọmwa ne u rhie vbe iwinna kẹkan. Ru ọna, e Nọyaẹnmwa ne Osanobua ruẹ gha fiangbe uẹ vbe emwi ne u ru hia.

Diuteronomi 15:18 ပူးပေါင်းရင်းမြစ်များ

Aizaia 16:14

“Vbe ukpo eha ne ọ dee zẹẹ, ẹfe ọrhẹnrhẹn ne Moab mwẹ gha khian ne a ho bẹkun. Ibozẹghẹ ọ re ọ ra kẹe rre vbe ẹvbo ọrhẹnrhẹn ne ọ mwẹ, te iran ni ra vbe ye mitan mitan.”

Aizaia 21:16

Ẹre Nọyaẹnmwa na tama mwẹ wẹẹ, “Ọ gha wa rre ukpo okpa zẹẹ ukpọlọmwẹ ọghe ẹwae e Keda gha sẹ ufomwẹ!

Diuteronomi 15:10

U ghi rhie ne ẹẹn ọghe ọhẹ kevbe ne emwi i na vbe da ọmwa, e Nọyaẹnmwa gha vbe fiangbe uẹ vbe emwi ne u ru hia.

Diuteronomi 15:17

Ẹghẹ nii, u ghi rhie ẹre gha rrie onurho owa ruẹ, u ghi ha ẹre ehọ vbe evba, ọ ghi gha re ọviẹn ruẹn vbe ẹdẹ agbọn rẹn hia. Erriọ u gha vbe ru avbe eviẹn ruẹn ne ikhuo.

Diuteronomi 15:19

“U ghi viọ emọ ọdiọn ọghe avbe ẹmila kevbe ohuan ruẹ ye efẹn ọkpa ne Nọyaẹnmwa Osanobua ruẹ. Ghẹ ye avbe ẹmila ni rrọọ winna, ghẹ gbe eto avbe ohuan ni rrọọ.