Diuteronomi 15:10 - Edo Bible (E Baibol Ẹdo) Version 1996

¹⁰ U ghi rhie ne ẹẹn ọghe ọhẹ kevbe ne emwi i na vbe da ọmwa, e Nọyaẹnmwa gha vbe fiangbe uẹ vbe emwi ne u ru hia.

Diuteronomi 15:10 ပူးပေါင်းရင်းမြစ်များ

Itan 22:9

Gha zẹ emwi obọ ne u vbe ghae ne avbe ivbiogue vbe evbare ruẹ. Te a ra fiangbe ue yọ.

Asan-Ibo 11:1

Rhie igho ruẹ ye ẹki urria ne a do, u gha miẹn ere vbọ ẹdẹ ọkpaikhẹdọkpa.

Aizaia 32:8

Sokpan ọmwa ne ọ re adazẹ, emwi uyi ọ re ọ ru, ọ ghi vbe rhie egbe ye emwi ne ọ re ẹmwata.

Aizaia 58:10

Adeghẹ wa rhie evbare ne ọmwa ne ohanmwẹ gbe, wa na gie ẹko vuọn iran ne ẹ i mwẹ, ẹghẹ nii, ebiebi ni lẹga uwa gha khian uwanmwẹ ogiavan.

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Iwinna 20:35

Vbe uwu emwi hia, I rhie ma uwa wẹ vbe nian ọre ọ kere ne I ma kakabọ gha winna ne a miẹn ehe na ye iran ni ma wo vbe egbe obọ. Wa ye ẹmwẹ ne Nọyaẹnmwa Jesu tobọ ẹre ta ẹe rre wẹẹ, ‘Ne a gha rhie ne emwa ọvbehe ọre ọghọ ye sẹ ne a gha ghe emwa ọvbehe obọ.’ ”

Ebe ne Pọl gbẹẹn gie emwa Rom 12:8

Deghẹ ne a gha rhie igiọdu ne emwa ọvbehe nọ, gie a gha ru vberriọ, ọmwa ẹ ọ ghae ne emwa ọvbehe vbe emwi ẹnrẹn, giẹe gha ye ẹkoata ruẹe, ọmwa ne ọ mwẹ asẹ, wẹ ne ọ gha winna ẹsẹse, ọmwa ne ọ tohan emwa ọvbehe, giẹe gha ye aro ne ọ hian rẹn vbe uhunmwu ruẹe.

Diuteronomi 14:19

“Avbe atete hia, a wua, ghẹ rri iran,

Diuteronomi 14:29

Evbare na. ọghe avbe Livai nọ vbe ne a na miẹn wẹ iran imwẹ emwi obọ iran, kevbe avbe orhunmwuyẹn, emọ ne ẹ i mwẹ erha, kevbe avbe ẹgbẹ ni rre ẹvbo uwa. Iran ghi rre do gha viọ emwi ne iran imwẹ hia. Wa ghi ru ọna, e Nọyaẹnmwa Osanobua rua gha vbe fiangbe uwa vbe emwi ne uwa ru hia.

Diuteronomi 15:18

Ghẹ gie egbe kan an vbu a fan ọviẹn fua, wẹ miẹn ọẹn wẹ ukpo ehan ọ re ọ ya ga a ye ukhiọnmwẹ igho ne u gha te hae ne ọmwa ne u rhie vbe iwinna kẹkan. Ru ọna, e Nọyaẹnmwa ne Osanobua ruẹ gha fiangbe uẹ vbe emwi ne u ru hia.

Diuteronomi 15:4

Ẹ Nọyaẹnmwa Osanobua ruẹ gha fiangbe uẹ vbe otọ ne ọ ra mu ne uwa, a i ra miẹn ovbiogue ọkpa vbe uwu emwa ruẹn.

Diuteronomi 23:20

U sẹtin nọ igho isu vbe emwi ne u rhie ne orhunmwuyẹn mọmọ, sokpan ẹ i re ne u rhie ne ovbi Izrẹl ne ihua. Wa gha ya uhi na ru emwi, ẹghẹ ni, e Nọyaẹnmwa gha fiangbe emwi hia ne u rhirhi a gha ru vbe otọe nii ne uwa ra yaẹn.

Diuteronomi 24:19

“Wa gha rhọ emwiokọ uwa ighẹ wa ma viọ eso vbọ gha die owa, ighẹ ọka ne uwa fiaẹn, wa ghẹ vbe dọlegbe gha khian rhunmwuda ọnii, wa sẹ enii rae ne avbe erhunmwuyẹn, emọ ne ẹ i mwẹ erha, kevbe avbe ẹgbẹ, ne Nọyaẹnmwa Osanobua ruẹ miẹn ehe na gha fiangbe uẹ vbe emwi ne u ru hia.

Diuteronomi 28:8

“E Nọyaẹnmwa Osanobua rua gha fiangbe iwinna uwa, ọ ghi vbe ya ọka vuọn erru uwa hia. Ọ gha fiangbe uwa vbe otọ ne ọ ra mu ne uwa.

Hibru 13:16

Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.