Diuteronomi 14:8 - Edo Bible (E Baibol Ẹdo) Version 1996

⁸ Wa ghẹ rrie esiebo, wa ka ẹe ye ne ọ mwẹ awua rhunmwuda iran rhe mwẹ ihiẹn ne ọ va ada, iran i hu evbare rre lue. Wa ghẹ rri avbe aranmwẹ na, a ma wẹ ne uwa ye obọ kan ikun iran vbe iran a wu nẹ.

Diuteronomi 14:8 ပူးပေါင်းရင်းမြစ်များ

Aizaia 65:4

Ẹdẹ gha mu nẹ, iran ghi gha lele avbe uvun okuta kevbe idin khian, ya gha gualotọ emwi vbe obọ orhiọn emwa ni wulo nẹ. Iran rri emiowo esiebo, iran ghi vbe rri uwọnmwẹ emiowo ne iran ni ga ẹbọ ya zọ ese.

Aizaia 66:17

E Nọyaẹnmwa khare wẹẹ, “Ufomwẹ iran sotọ fo ighẹ iran ni họnmwẹ egbe ne iran miẹn ehe na gu enigẹbọ ga kugbe, iran ni gbe usun ye ugbo ẹbọ, iran ni rri esiebo kevbe ofẹn, deba avbe evbare oya hia.

Aizaia 66:3

Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.

Levitikọs 11:3

“Wa sẹtin rri avbe aranmwẹ otọ hia, ne ihiẹn ọnrẹn va ada kevbe ne ọ vbe hu evbare rre lue vbe unu.

Levitikọs 5:2

A deghẹ ọmwa la ekpa a i gbe aro ke otọ ya ye obọ kan emwi awua zẹ vbe ne aranmwẹ ne ọ wu ye, awua gue ẹe, ọ vbe rri abe vbe ọwarọkpa nii ne ọ ya rẹn emwi ne irẹn ru.

Diuteronomi 14:7

Sokpan wa ghẹ rrie aranmwẹ rhọkpa vbe ẹ i re te ihiẹn ọnrẹn va ada ọna vba gha hu evbare rre dọlegbe lue vbe unu. Wa ghẹ rri ekẹtẹkẹtẹ, ezazako kevbe ọfiontọ, wa gha ka ena ba ni mwẹ awua. Iran hu evbare rre lue sokpan iran i mwẹ ihiẹn ne ọ va ada.

Diuteronomi 14:9

“Wa sẹtin rri ehẹn ni mwẹ ikpakpa ni bolo kevbe ifuẹn ne ọ ya khuẹ,

II Pita 2:22

Emwi ne ọ sunu vbe egbe iran, keghi rhie maa wẹ ẹmwata ọ re itan ni khin ne ọ kha re wẹ, “Ekita dọlegbe gha rri ekpa ne ọ kpae,” kevbe wẹ, “Esiebo dọlegbe ya ye egbe fuẹn ọrho vbe a khuẹ ọre nẹ.”