Diuteronomi 14:7 - Edo Bible (E Baibol Ẹdo) Version 1996

⁷ Sokpan wa ghẹ rrie aranmwẹ rhọkpa vbe ẹ i re te ihiẹn ọnrẹn va ada ọna vba gha hu evbare rre dọlegbe lue vbe unu. Wa ghẹ rri ekẹtẹkẹtẹ, ezazako kevbe ọfiontọ, wa gha ka ena ba ni mwẹ awua. Iran hu evbare rre lue sokpan iran i mwẹ ihiẹn ne ọ va ada.

Diuteronomi 14:7 ပူးပေါင်းရင်းမြစ်များ

Levitikọs 11:3

“Wa sẹtin rri avbe aranmwẹ otọ hia, ne ihiẹn ọnrẹn va ada kevbe ne ọ vbe hu evbare rre lue vbe unu.

Matiu 7:26

Sokpan ọmwaikọmwa ne ọ họn ẹmwẹ na ighe ọ ma yae yin, I gha yae gie ọzuọ ọkpa ne ọ bọ owa ẹre yan uzekhae.

Diuteronomi 14:6

Aranmwẹ ke aranmwẹ ne ihiẹn ọnrẹn va ada kevbe ne ọ vbe hu evbare rre dọlegbe lue vbe unu.

Diuteronomi 14:8

Wa ghẹ rrie esiebo, wa ka ẹe ye ne ọ mwẹ awua rhunmwuda iran rhe mwẹ ihiẹn ne ọ va ada, iran i hu evbare rre lue. Wa ghẹ rri avbe aranmwẹ na, a ma wẹ ne uwa ye obọ kan ikun iran vbe iran a wu nẹ.

II Timoti 3:5

Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.