Diuteronomi 14:1 - Edo Bible (E Baibol Ẹdo) Version 1996

¹ “Emwa Nọyaẹnmwa Osanobua uwa ọ re uwa khin. Rhunmwuda onii, wa gha khiẹ emwa uwa nii wulo, wa ghẹ ya emwi solo egbe uwa ra ne uwa khiokhio eto ne ọ rre uwa uharo kua.

Diuteronomi 14:1 ပူးပေါင်းရင်းမြစ်များ

Gẹnẹsis 6:2

Eso vbe avbe iran ni rre ẹrinmwi, keghi miẹn wẹ avbe ikhuo na wa mose ẹsẹse, ẹre iran na viọ ni yẹ iran vbọ rọnmwẹ.

Gẹnẹsis 6:4

Vbe ẹghẹ ne a kha na kevbe iyeke ẹghẹ nii, avbe arhuanran ne ikhuo nii kevbe avbe ẹrinmwi nii biẹlẹe kegha rre agbọn. Iran nii ọre ọ gha re avbe ọkhae ni hin usi ọghe ẹkpo nẹdẹ.

I Ọba 18:28

Rhunmwuda ọnii, avbe akhasẹ nii keghi kakabọ gha tọn urhu mu na erhunmwu, iran na gha ya abẹe vbe agbada giagia egbe iran zẹ vbene iran ru ẹe, sẹrriọ ne esagiẹn ghi na gha tue ladian.

Aizaia 63:16

Wẹ ọrọre erha mwa. Ebraham kevbe Jekọh ne avbe erha mwa odede ma ka ima yọ, sokpan, wẹ ne Nọyaẹnmwa, wẹ ọrọre erha mwa, wẹ ọ re ọmwa ne ọ wa miẹn ima fan dee ẹdẹ.

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 3:19

E Nọyaẹnmwa khare wẹẹ, “Izrẹl, te I te wẹ ne I rhan obọ miẹn ruẹn ya ye ọmọ, ne I mu otọ ne ọ mose ne uẹn, otọe ne ọ mose sẹẹ vbe otọ agbọn hia. Te I te ho ne u tie mwẹ erha, ne u ghẹghi dọlegbe fi iyeke gbe mwẹ ẹdẹdẹmwẹdẹ.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Jerimaia 41:5

Arhin iyenẹ keghi ke Siẹkẹm rre, kevbe Silo kevbe Sameria iran zẹlẹ ẹtu iran, iran keghi sọlọ ukpọn iran, iran vbe ya emwi valọ egbe iran. Iran keghi viọ ọka kevbe eturari mwẹ ne iran ya yo imuohan vbe Ọgua Osa.

Jerimaia 47:5

Ivbi e Gaza miẹn akhiẹ nọkhua, ọgbunu gbe ivbi Askẹlọn unu an vbe Filistia ra khiẹ kpee sẹ hẹ vbe otọ yi?

Hozia 1:10

Ivbi Izrẹl gha do gha yevbe ikpẹ ekhae ni rre okun, iran ghi gha re ne a i sẹtin ka ra ne a mwa rẹn. Banbanna nian Osanobua tama iran wẹẹ, “Wa i re emwa mwẹ.” Sokpan, ẹdẹ dee ne ọ gha tama iran wẹẹ, “Wa ọrọre ivbi Osanobua ne ọ rrọọ!”

Levitikọs 21:5

“Ohẹn rhọkpa ghẹ khiokhio ehe rhọkpa vbe eto ne uhunmwu ẹnrẹn ra ne ọ gia ẹtu ẹre, ra ne ọ ya emwi vinnọ egbe ẹre ne ọ ya rhie maa ighẹ te irẹn khiẹ.

Iyẹn ne ọ Maan Ọghe Jọn 1:12

Vbene ọ rhirhi gha ye hẹ, eso vbọ rhan obọ miẹn rẹn, iran keghi yaeyi, rhunmwuda ọnii, rẹn keghi rhie ẹtin ne iran ne iran khian ivbi Osanobua.

Iyẹn ne ọ Maan Ọghe Jọn 11:52

Sokpan ẹ i re ne iran ọkpa, sokpan ne ọ vbe si ivbi Osanobua ni zagha kua koko ye otu ọkpa.)

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

Ebe ne Pọl gbẹẹn gie emwa Rom 9:26

Ihe ọkpa nii ne a na tae zẹẹ wẹ, ‘Wa i re emwa mwẹ,’ ọre a gha na tie iran ivbi Osanobua ne ọ rrọọ.”

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

Ebe ne Pọl gbẹẹn gie emwa Rom 9:8

Ọna rhie maa wẹ emọ ne a biẹ ẹe zẹ vbene a biẹ ọmwa kẹkan, iran i re ivbi Osanobua, sokpan iran ne a biẹ ẹe rhunmwuda ighẹ Osanobua ọre ọ ve emwa re, ọre a ka ye ivbi eseserese.

II Kọrinti 6:18

Mẹ ghi gha re erha uwa, wa ghi gha re ivbi mwẹ ne ikpia kevbe ne ikhuo, erriọ Nọyaẹnmwa Oghodua kha re.”

Galatia 3:26

Rhunmwuda, vbe ekpa iyayi, ọre uwa hia na re ivbi Osanobua, vbe uwu a ya egbe ba Kristi Jesu.

Diuteronomi 13:18

A deghẹ wa ya uhi ẹre ne I rhie ne uwa ẹrẹna gha ru emwi, wa na vbe gha ru vbene irẹn ho.

Diuteronomi 32:6

Erriọ ọ re uwa ra ru e Nọyaẹnmwa ra, wa ne akpa ne ẹ i mwẹ ẹwaẹn? Rẹn ọrọre erha uwa, ọmwa ne ọ yi uwa, rẹn ọ re ọ ya uwa khian okpẹvbo.

I Tẹsalonaika 4:13

Etẹn mwẹ, ma ho ne uwa rẹn ẹmwata ne ọ rre ẹmwẹ emwa ni wulo nẹ, ne uwa ghẹ gha mwẹ irhiaẹko zẹ vbe emwa ne ẹ i mwẹ idaehọ.

Hibru 2:10

Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 5:2

Vbenian ọre ima na rẹn ighẹ ma ho ẹmwẹ ivbi Osanobua, vbe ekpa ne a na hoẹmwẹ ọnrẹn kevbe ne a na vbe ru vbene iyi ẹre kha re.