Diuteronomi 13:9 - Edo Bible (E Baibol Ẹdo) Version 1996

⁹ Gbe ẹe rua! Wẹ gha re ọmwa okaro ne ọ gha ka fi okuta gbe ẹe, u ghi vbe gie emwa ni dekẹe hia filo okuta gbe ẹe.

Diuteronomi 13:9 ပူးပေါင်းရင်းမြစ်များ

Levitikọs 24:14

“Rhie ọmwa nii hin uwu agọ rre. Emwa ni họẹn vbe ọ tie ihẹn hia ghi viọ obọ yan ẹre uhunmwu ne iran ya sẹ osẹe wẹ ọ rrie abe, iyeke ọnii, emwa hia ghi koko filo okuta gbe ẹe rua.

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.

Iyẹn ne ọ Maan Ọghe Luk 14:26

“Ọmwa ne ọ bu mwẹ rre, ẹ i sẹtin ru ọrhuanegbe mwẹ, deghẹ i re te ọ khuiwu erha ẹe, iye ẹe, amwẹ ọnrẹn, ivbi ẹre, etiọnrẹn ne ikpia kevbe etiọnrẹn ne ikhuo.

Iyẹn ne ọ Maan Ọghe Jọn 8:7

Ugbẹn vbe iran ghi mudia vbe evba gha nọ ọta, Jesu keghi nien egbe ua, ọ tama iran wẹẹ, “Ọmwaikọmwa vbe uwu uwa ne ọ ma he ru orukhọ ẹdẹ, wẹ ne ọ ka fi okuta gbe ẹe.”

Iwinna 7:58

Iran keghi sanmwẹ ọẹn hin adesẹ ore ẹvbo rre, iran na filo okuta gbe ẹe rua. Iran ne osẹe keghi viọ agbada ẹwu iran ne igbama ọkpa viọ mwẹ, a keghi tie eni igbama nii Sọl.

Diuteronomi 13:5

Sokpan deghẹ akhasẹ ra ne ọ rhan otọ imina bu ruẹ rre wẹ, u sọtẹ ghe Nọyaẹnmwa, ọmwa ne ọ fan uwa vbe irri ke otọe Igipt ne uwa na te re ọviẹn ọmwa rre, wa ghi gbe ẹe rua. Ọmwa dan ọ re egbe ọmwa vberriọ khin, ọ ho ne ọ gban uwa hin vbene Nọyaẹnmwa wẹ ne u gha ru rre, rhunmwuda ọnii, te ọ kere ne a gbe ẹe rua. Odẹ vberriọ, wa gha sẹtin gbe ukhu ọkhọ vberriọ ua.

Diuteronomi 25:12

Wa ghẹ tohan rẹn, wa fian ẹre obọ fua.

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.