Diuteronomi 13:8 - Edo Bible (E Baibol Ẹdo) Version 1996

⁸ Ghẹ gie ẹe fiọ ekhọe werriẹ, ghẹ kue zẹ ye ọ re re. Ghẹ tohan rẹn ra ne u mwẹ ẹnina ẹnrẹn vbe ekhọe, ghẹ vbe tan obọ gue ẹre.

Diuteronomi 13:8 ပူးပေါင်းရင်းမြစ်များ

Ẹksọdọs 20:3

“Ohan i gie uwẹ mwẹ osa ọvbehe ba imẹ.

Itan 1:10

Ovbi mwẹ, avbe emwa orukhọ gha rẹrẹ uẹ, ghẹ kue yọ.

Ezikiẹl 5:11

Rhunmwuda ọnii, zẹ vbe Osanobua ne ọ rrọọ ne imẹ khin, vbenian ọ re e Nọyaẹnmwa ne Udazi khare, rhunmwuda ne uwa na ye avbe emwi dan ni hu ẹko ne uwa ru mu awua ye Ọgua Osa mwẹ, I gha giagia uwa gbotọ vbe ne a i na mwẹ itohan.

Diuteronomi 13:7

Ọkpa vbe uwu iran sẹtin gha kọe ye uwẹ ekhọe ne u gha gho avbe ẹbọ emwa ne uwa gba yin kegbe ra ne ọ rre urria.

Diuteronomi 19:13

“Wa ghẹ tohan rẹn, wa wabọ izigha na an vbe otọ Izrẹl ne agbọn miẹn ehe na ma uwa.

Diuteronomi 28:64

“E Nọyaẹnmwa ghi zagha uwa lele agbọn ẹvbo. hia ke obọ ọkpa vbe ufomwẹ agbọn yasẹ obọ nọkpa, evba wa ghi na ya gha ga ẹbọ ne a ya okuta kevbe erhan ru, avbe ẹbọ ne uwa, ra avbe erha uwa odede ma he ga ẹdẹ.

Diuteronomi 32:17

Iran na gha zọ ese ghe ẹbọ ne ẹ i re ọ re, ẹbọ ne Izrẹl ma he gho ẹdẹ. Ẹbọ ne avbe erha iran ma mu ohan rẹn.

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

I Jọn 5:21

Ivbi mwẹ, wa gha lẹ ne ẹbọ ohoghe.

Giọgis 10:6

Ivbi Izrẹl keghi vbe dọlegbe rukhọ ghe e Nọyaẹnmwa. Iran na gha gho e Bal kevbe Astat deba avbe ẹbọ e Siria, e Saidọn, e Moab, Amọn kevbe Filistia. Iran keghi fi iyeke gbe e Nọyaẹnmwa, iran ma gha gae.