Diuteronomi 13:5 - Edo Bible (E Baibol Ẹdo) Version 1996

⁵ Sokpan deghẹ akhasẹ ra ne ọ rhan otọ imina bu ruẹ rre wẹ, u sọtẹ ghe Nọyaẹnmwa, ọmwa ne ọ fan uwa vbe irri ke otọe Igipt ne uwa na te re ọviẹn ọmwa rre, wa ghi gbe ẹe rua. Ọmwa dan ọ re egbe ọmwa vberriọ khin, ọ ho ne ọ gban uwa hin vbene Nọyaẹnmwa wẹ ne u gha ru rre, rhunmwuda ọnii, te ọ kere ne a gbe ẹe rua. Odẹ vberriọ, wa gha sẹtin gbe ukhu ọkhọ vberriọ ua.

Diuteronomi 13:5 ပူးပေါင်းရင်းမြစ်များ

I Ọba 13:19

Ẹre akhasẹ ne ọ ke Juda rre nii na lele akhasẹ ne ediọnmwa nii gha rrie, ọ na ya gu ẹe rrie evbare.

I Ọba 18:40

Elaija keghi kha wẹẹ, “Wa munọ avbe akhasẹ e Bal, wa ghẹ gie ọkpa lẹfua vbọ!” Iran keghi mu nọ iran hia, Elaija keghi viọ iran gha rrie ovbi Ẹzẹ Kisiọn, ọ na gbele iran an.

II Krọnikol 34:31

Ọ keghi mudia ke orrẹ ọghe ọba, ọ keghi yan ma e Nọyaẹnmwa wẹ rẹn gha họn ẹmwẹ ne ẹẹn, rẹn rhie uhi kevbe iyi ẹre mwẹ, vbe ekhọe ẹre hia kevbe orhiọn rẹn hia kevbe ne ọ vbe gha ru vbene a tae ye ebe uhi, zẹ vbene a gbẹnnẹ ọẹn ye ebe.

Jerimaia 14:15

Mẹ ne Nọyaẹnmwa tama ruẹn emwi ne I ra ru iran re ighẹ avbe akhasẹ ne I ma gie ẹre uhunmwu, sokpan, iran ke ya gha ya eni mwẹ guan wẹ okuo kevbe ohanmwẹ i ra gbe otọe na. I gha gbele iran vbe okuo kevbe ohanmwẹ.

Jerimaia 50:6

“Avbe emwa mwẹ yevbe avbe ohuan ne ni su ẹe gie ẹ wii ye uhunmwu oke. Iran hẹ yo hẹ rre ke oke ọkpa ya sẹ ọvbehe zẹ vbe avbe ohuan, iran mianmian ehe ne owa iran ye nẹ.

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Zẹkaraia 13:3

“Ẹghẹ nii, ọmwa ikọmwa ne ọ ghi kha wẹ ẹ i mwẹ vbene ọ ye irẹn hẹ ighe ẹmwẹ akhasẹ, erha kevbe iye ne ọ biẹ ọe ghi tama rẹn te a gha gbe ẹe rua, rhunmwuda ọ khare wẹ ẹmwẹ e Nọyaẹnmwa ọ re irẹn ta, sokpan, ọ na gha ta ohoghe. Ọ gha guan vbe akhasẹ, erha kevbe iye ni biẹ ọe ghi ye agbada bi ẹre gbua.

Iwinna 13:8

Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre.

I Kọrinti 5:13

Osanobua ọre ọ ra bu ohiẹn iran sokpan wẹ ma rẹn ighẹ ọ kere ne uwa gha hu ohiẹn emwa ne uwa gba rre otu? Zẹ vbene ebe kha re, “Wa yuo ọmwa dan ni hin uwu ẹbu uwa rre.”

Diuteronomi 13:10

Filo okuta gbe ẹe rua, te ọ te ho ne ọ bibi ruẹ odẹ hin ehe ne Nọyaẹnmwa Osanobua ruẹ ye rre, ọmwa ne ọfan-an vbe irri vbe Igipt ne uwẹ na te re ọviẹn.

Diuteronomi 13:15

Wa ghi gbele emwa ni rre ẹvbo nii hia ke ẹmila iran, wa ghi wa fuẹn ẹvbo nii fo fẹẹrẹ.

Diuteronomi 13:9

Gbe ẹe rua! Wẹ gha re ọmwa okaro ne ọ gha ka fi okuta gbe ẹe, u ghi vbe gie emwa ni dekẹe hia filo okuta gbe ẹe.

Diuteronomi 17:5

Wa ghi rhie ọmwa nii ladian hin ore agọ rre, ne uwa filo okuta gbe ẹe rua.

Diuteronomi 17:7

Iran ni sẹ osẹe ni ọ re ọ gha ka filo okuta gbe ẹe, emwa ni dekẹe hia ghi do filo okuta gbe ẹe. Odẹ vbenian ọ re u gha ya sẹtin gbe ukhu na an.

Diuteronomi 18:20

Sokpan, a na miẹn akhasẹ ne ọ gha ye eni mwẹ guan vbe I ma gie ẹe ne ọ ru vberriọ, uhunmwu ọ ya khiẹ ọ re, erriọ vbe nọ ne dọmwadẹ akhasẹ ne ọ ya eni ẹbọ ọvbehe gha guan.’

Diuteronomi 19:19

A ghi rri ọ re oya ne a gha te rri ọmwa ne a mu ẹmwẹ kuan ni re. Odẹ vbe nian, wa gha gbe ukhu iba vberriọ rua.

Diuteronomi 22:21

ẹghẹ nii, a ghi rhie ẹre ladian gha rrie onurho owa erha ẹe, emwa ẹvbo ẹre ghi filo okuta gbe ẹe rua vbe evba. Emwi ekhue ọ re ọ ru vbe uwu ẹbu vbe ekpa ne ọ na rẹn okpia nẹ, ọ ke ya rọnmwẹ ọdọ, awẹ vbe ẹghẹ ne ọ na rre owa erha ẹe. Odẹ vbe nian wa gha gbe ukhu emwi dan na uan.

Diuteronomi 22:24

Wa ghi viọ iran hin ore ẹvbo rre, a ghi ya filo okuta gbele iran an. Ọ kere ne ọmọ okhuo nii wu rhunmwuda ọ ma tu wẹ ne a bu irẹn rre ugbẹn vbe a miẹn wẹ adesẹ ore ẹvbo, ehe ne emwa gha na họn ọ re ọ ye. Ọ kere ne nene okpia vbe wu rhunmwuda, ọ kegha gu ọmọ ne a ya ne ovbi Izrẹl ne ihua ẹre ru emwi. Vbe odẹ vbenian, wa ghi gbe ukhu ọkhọ na an.

Diuteronomi 24:7

“Ọmwaikọmwa ne ọ do ovbi Izrẹl ne ihua ẹre mu, ọ na ya ẹe gha do ẹki egbe ẹre, ra ọ na khiẹn ọẹn, a ghi gbe ẹe rua. Odẹ vberriọ, ọ re uwa gha ya ghe ukhu ọkhọ na rua.

Diuteronomi 26:14

I ma re vbọ vbe ẹghẹ a khiẹ, I ma vbe rhie vbọ ladian vbe owa vbe awua gue mwẹ. I ma vbe rhie vbọ ya fi ohan ne avbe orinmwi. I wa ru vbene u khare. Osanobua mwẹ I vbe ru emwi hia ne u khare vbekpa aghae ye ihigbe.

Diuteronomi 4:19

Wa ghẹ gie a ya ẹe danmwẹ uwa ghe ne uwa gha ga emwi ne uwa bẹghe vbe iso, owẹn, uki, kevbe orhọnmwẹ. Nọyaẹnmwa Osanobua mwa viọ ena ne emwa ọvbehe hia gha gho nẹ.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Diuteronomi 7:4

Rhunmwuda, iran gha ya ivbi uwa de odẹ hin ehe ne Nọyaẹnmwa ye rre, iran gha ya iran gha gho ẹbọ ọvbehe, ẹghẹ nii, e Nọyaẹnmwa ghi mu ohu uwa, ọ ghi fuẹn uwa a ọwarọkpa nii.

Jọsua 23:8

Wa rhie ekhọe lele e Nọyaẹnmwa zẹ vbene uwa ru do sẹ ẹdẹnẹrẹ na.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Giọgis 20:13

Banbanna nian, viọ emwa oya nii ni rre Gibea ladian, ne ima gbele iran an, ne a kpe ọkhọ na hin Izrẹl rre.” Sokpan ivbi e Bẹnjamin ma zẹdẹ zẹ ye ivbi Izrẹl nekpa re.

I Samuẹl 12:14

Agbọn gha ma uwa a deghẹ wa ghi vbe ga ẹe, wa miẹn ẹmwẹ ọnrẹn ye ehọ, wa keghi vbe gha ya uhi ẹre ru emwi, ne uwa vbe ọba uwa vbe gha lelẹe.