Diuteronomi 13:13 - Edo Bible (E Baibol Ẹdo) Version 1996

¹³ Wẹ emwa oya eso vbe ẹvbo uwa bibi emwa ẹvbo ne iran ye odẹ, ne iran ya gha gho ẹbọ ne uwa ma he gho ẹdẹ.

Diuteronomi 13:13 ပူးပေါင်းရင်းမြစ်များ

II Samuẹl 16:7

E Simẹi keghi ya ihẹn yan rẹn, ọ wẹẹ, “Ladian mwa! Ladian mwa! Izigha! Ọrhiaẹvbo!

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

II Samuẹl 23:6

Sokpan, emwa dan yevbe igban ne a hẹ kua, ọmwa rhọkpa i sẹtin ya obọ kan rẹn,

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

II Ọba 17:21

Ugbẹn vbe Nọyaẹnmwa ghi wannọ ivbi Izrẹl hin e Juda rre nẹ, ivbi Izrẹl keghi ye Jeroboam ne ovbi e Nebat rriọba ọghe iran. E Jeroboam keghi ya iran fi iyeke gbe Nọyaẹnmwa, ọ na si iran obọ la orukhọ ne ọ wegbe.

II Krọnikol 13:7

Vbe iyeke ọnii, ọ keghi si avbe emwa ne agbọn ma gie ẹe rre koko, iran na mu emwi ne iran ho yan e Rehoboam ne ovbi ọvbokhan ne ọ ma rẹn ne a ye, a ma wẹ te ọ gha sẹtin rrọ iran.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

II Kọrinti 6:15

Vbe Kristi kevbe Setan khian gba gu egbe gha rọ hẹ yi? De emwi ne nọyayi kevbe nọma yayi na re ọkpa yi.

Diuteronomi 13:12

“Wa gha rre ẹvbo ne Nọyaẹnmwa Osanobua rua gha mu ne uwa, wa sẹtin họn.

Diuteronomi 13:14

Wa gha họn egbe awẹawẹ vberriọ, wa ghi kakabọ gualọ otọ ẹre ẹsẹse, a gha miẹn we ẹmwata nọ ighẹ emwi dan na gele sunu.

Diuteronomi 13:2

Ne ọ ya rhie maa ruẹn wẹ ne u ya gha ga ke ne u ya gha gho ẹbọ ọvbehe ne uwa ma he gho ẹdẹ. Ogha khọn rẹn ne emwi ne ọ wẹ rẹn ra rhie maa gele sunu.

Diuteronomi 13:6

“Uhin a sẹtin miẹn ọtuẹn ne okpia ra ovbi uẹ ne okpia ra ne okhuo ra amwẹ ọn ne u ho ẹmwẹ ọnrẹn ra ọtuẹn ne ọ sikẹ ruẹ sẹ sẹtin do gha kọe ye uwẹ ekhọe ne u ya gha gho ẹbọ ọvbehe, avbe ẹbọ ne uwẹ vbe avbe erha ẹe odede ma gho ẹdẹ.

Diuteronomi 17:4

U gha họn egbe ẹmwẹ vberriọ, u ghi kakabọ gualọ otọ ẹre a deghẹ ẹmwata na sunu vbe Izrẹl.

Diuteronomi 4:19

Wa ghẹ gie a ya ẹe danmwẹ uwa ghe ne uwa gha ga emwi ne uwa bẹghe vbe iso, owẹn, uki, kevbe orhọnmwẹ. Nọyaẹnmwa Osanobua mwa viọ ena ne emwa ọvbehe hia gha gho nẹ.

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

Ebe ne Jud gbẹẹn 1:19

Iran na ọre ọ si iwannegbe rre, iran ne amiẹn wẹ, emwi egbe kẹkan ọkpa ọre ọ ya iran ruemwi, emwa ne Orhiọn nii i gue hiehie.

Giọgis 19:22

Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”

Giọgis 20:13

Banbanna nian, viọ emwa oya nii ni rre Gibea ladian, ne ima gbele iran an, ne a kpe ọkhọ na hin Izrẹl rre.” Sokpan ivbi e Bẹnjamin ma zẹdẹ zẹ ye ivbi Izrẹl nekpa re.

I Samuẹl 10:27

Sokpan avbe ẹwobi emwa eso kegha kha wẹẹ, “Vbe oko na ra sẹtin ru ne ima yi?” Iran keghi ye aro tila e Sọl rua. iran ma ye imuohan gie ẹe.

I Samuẹl 2:12

Ivbi Elai ne ikpia kegha re emọ ni ku ogboi. Iran i zẹdẹ zẹ ye ẹmwẹ e Nọyaẹnmwa

I Samuẹl 25:17

Ya roro ẹmwẹ na ne u rẹn vbene u gha ru ẹe hẹ. Emwi nọkhua sẹtin la ekpa ọna rre do degbe arowa ima kevbe ẹgbẹe ọre. Ọ rhia sẹrriọ wẹ ẹ i danmwehọ ọmwa rhọkpa!”

I Samuẹl 25:25

Lahọ ghẹ zẹ ye Nabal re ighẹ ẹwobi ọmwa nii. Emwi ne a ya eni ẹnrẹn kha ọre gele wa nọ — akpa! I ma miẹn emwa ne u gie rre adazẹ.