Diuteronomi 13:11 - Edo Bible (E Baibol Ẹdo) Version 1996

¹¹ Ẹghẹ nii, emwa Izrẹl hia ghi họn emwi ne ọ sunu, iran ghi ya ọ nii wan, a i ghi vbe miẹn ọmwa ne ọ gha dọlegbe ru egbe emwi dan vberriọ.

Diuteronomi 13:11 ပူးပေါင်းရင်းမြစ်များ

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Itan 19:25

Ọ kere ne a rri ọmwa oya ye itengbemu, ne avbe iran ni ma vbe rẹn emwi gberra ọnii, sẹtin miẹn ọnii ya wan. Adeghẹ ọmọ ne ọ wan ọ re uwẹ khin, a gha guẹ gui, u ghi miẹn emwi ruẹ vbọ.

Itan 21:11

A gha rri ọmwa ne ọ wa ghe ẹwẹe ọre ọkpa oya, uhin ighe ọmwa ne ẹ i ro iro ghi vbe ruẹ emwi vbọ. Ọmwa ne ọ wan, emwi ne a ma ẹre re, ọ re ọ ya ruẹ emwi.

Levitikọs 20:2

ne ọ tama ivbi Izrẹl wẹẹ, “Ọmwaikọmwa vbe uwu uwa ra vbe avbe orhunmwuyẹn ni rre uwu uwa ne ọ rhirhi rhie vbe ivbi ẹre ne a ya ru ẹbọ Milkọm, emwa hia ghi filo okuta gbe ẹe rua.

Nọmbas 25:4

Ọ na tama e Mosis wẹẹ, “Viọ avbe ekaolotu ivbi Izrẹl, ne u sirra emwa hia zẹlẹ iran uhunmwu kua, vbe ogiavan ogioghogho zẹ vbene I khare ẹghẹ nii ohu avbe emwa nii i ghi ra mu mwẹ.”

Diuteronomi 13:12

“Wa gha rre ẹvbo ne Nọyaẹnmwa Osanobua rua gha mu ne uwa, wa sẹtin họn.

Diuteronomi 17:13

Emwa hia ghi họn, ohan ghi do gha mu iran, a i ghi vbe miẹn ọmwa ne ohan gha ye gie ẹe ru emwi vberriọ ọvbehe.

Diuteronomi 19:20

Emwa hia ghi họn emwi ne ọ sunu, iran ghi rhie ẹwaẹn ye uhunmwu, a ighi miẹn ọmwa ọvbehe ne ohan ghẹ ghi gie ẹe zẹ egbe iba vberriọ.

Diuteronomi 21:21

Ẹghẹ nii, avbe ekaolotu ẹvbo nii ghi filo okuta gbe ẹe rua, odẹ vberriọ ọ re u gha ya wabọ emwi dan ni uan. Emọ ni rre Izrẹl hia ghi họn, dọmwadẹ ọghọe ghi rhie ẹwaẹn ye uhunmwu.

I Timoti 5:20

Gu ọmwa ne ọ ru khọ gui vbe sirra emwa hia ne emwa nekpa miẹn ehe na gha mwẹ imuohan.

Jọsua 7:25

Ẹre Jọsua na kha wẹẹ, “Vbọzẹ ne u na hẹ orueghe na gie ima! E Nọyaẹnmwa gha mu orueghe yan ruẹn nian!” Emwa nii hia keghi filo okuta gbe Ekani uan, iran keghi giẹn ẹgbẹe ọre kevbe emwi hia ne ọ mwẹ, iran kevbe filo okuta gbe iran.