Diuteronomi 13:10 - Edo Bible (E Baibol Ẹdo) Version 1996

¹⁰ Filo okuta gbe ẹe rua, te ọ te ho ne ọ bibi ruẹ odẹ hin ehe ne Nọyaẹnmwa Osanobua ruẹ ye rre, ọmwa ne ọfan-an vbe irri vbe Igipt ne uwẹ na te re ọviẹn.

Diuteronomi 13:10 ပူးပေါင်းရင်းမြစ်များ

II Ọba 11:18

Ẹre emwa nii na gha rrie aro e Bal, iran na siẹn ẹnrẹn sẹ otọ, iran na guọghọ Ogiukpo ne ọ rrọọ kevbe avbe ukhurhẹ, iran kevbe gbe Natan ne ohẹn e Bal ye odaro Ogiukpo. E Jehoiada keghi viọ emwa yọ ne iran gha khọ Ọgua Osa.

II Krọnikol 24:21

E Joas ne ọba keghi deba emwa nii khuan khẹ e Zẹkaraia, emwa nii keghi filo okuta gbe Zẹkaraia a vbe ẹghodo Ọgua Osa zẹ vbene ọba wẹ ne iran ru ẹe.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Ẹksọdọs 32:27

Rẹn keghi tama iran wẹẹ, “Vbenian ọre Nọyaẹnmwa Osanobua ọghe Izrẹl khare, ‘Dọmwadẹ ọghọe vbe uwu uwa viọ umozo gba, wa ghi gbe agọ na dunmwu kevbe onurho na ya sẹ enọkpa, wa ghi gbele ọtẹn uwa nikpia, avbe ọse uwa kevbe emwa ẹdogbo uwa.’ ”

Levitikọs 20:2

ne ọ tama ivbi Izrẹl wẹẹ, “Ọmwaikọmwa vbe uwu uwa ra vbe avbe orhunmwuyẹn ni rre uwu uwa ne ọ rhirhi rhie vbe ivbi ẹre ne a ya ru ẹbọ Milkọm, emwa hia ghi filo okuta gbe ẹe rua.

Levitikọs 20:27

“Okpia ra okhuo ne ọ rhirhi ya gualọ otọ emwi vbe obọ orhiọn ọmwa ne ọ wu nẹ, a ghi filo okuta gbe ẹe rua. Ọmwa ne ọ rhirhi ru emwi vbenian, obọ ẹre ọre uwu ne ọ gbe ẹe ke rre.”

Levitikọs 24:23

E Mosis ghi gu ivbi Izrẹl guan nẹ, iran keghi rhie ọmwa nii hin ore agọ rre, iran keghi filo okuta gbe ẹe rua vbe odẹ vbenian, ivbi Izrẹl keghi ru vbene Nọyaẹnmwa tama e Mosis.

Diuteronomi 13:5

Sokpan deghẹ akhasẹ ra ne ọ rhan otọ imina bu ruẹ rre wẹ, u sọtẹ ghe Nọyaẹnmwa, ọmwa ne ọ fan uwa vbe irri ke otọe Igipt ne uwa na te re ọviẹn ọmwa rre, wa ghi gbe ẹe rua. Ọmwa dan ọ re egbe ọmwa vberriọ khin, ọ ho ne ọ gban uwa hin vbene Nọyaẹnmwa wẹ ne u gha ru rre, rhunmwuda ọnii, te ọ kere ne a gbe ẹe rua. Odẹ vberriọ, wa gha sẹtin gbe ukhu ọkhọ vberriọ ua.

Diuteronomi 17:5

Wa ghi rhie ọmwa nii ladian hin ore agọ rre, ne uwa filo okuta gbe ẹe rua.

Diuteronomi 17:7

Iran ni sẹ osẹe ni ọ re ọ gha ka filo okuta gbe ẹe, emwa ni dekẹe hia ghi do filo okuta gbe ẹe. Odẹ vbenian ọ re u gha ya sẹtin gbe ukhu na an.

Diuteronomi 21:21

Ẹghẹ nii, avbe ekaolotu ẹvbo nii ghi filo okuta gbe ẹe rua, odẹ vberriọ ọ re u gha ya wabọ emwi dan ni uan. Emọ ni rre Izrẹl hia ghi họn, dọmwadẹ ọghọe ghi rhie ẹwaẹn ye uhunmwu.

Diuteronomi 4:19

Wa ghẹ gie a ya ẹe danmwẹ uwa ghe ne uwa gha ga emwi ne uwa bẹghe vbe iso, owẹn, uki, kevbe orhọnmwẹ. Nọyaẹnmwa Osanobua mwa viọ ena ne emwa ọvbehe hia gha gho nẹ.

Jọsua 7:25

Ẹre Jọsua na kha wẹẹ, “Vbọzẹ ne u na hẹ orueghe na gie ima! E Nọyaẹnmwa gha mu orueghe yan ruẹn nian!” Emwa nii hia keghi filo okuta gbe Ekani uan, iran keghi giẹn ẹgbẹe ọre kevbe emwi hia ne ọ mwẹ, iran kevbe filo okuta gbe iran.