Diuteronomi 12:9 - Edo Bible (E Baibol Ẹdo) Version 1996

⁹ Rhunmwuda wa ma he la otọ ne Nọyaẹnmwa Osanobua ra mu ne uwa, ehe ne uwa gha na gha rrọọ vbe ọfumwegbe.

Diuteronomi 12:9 ပူးပေါင်းရင်းမြစ်များ

I Ọba 8:56

“Rho e Nọyaẹnmwa, ọmwa ne ọ rhie ọfumwegbe ne emwa rẹn, zẹ vbene ọ khare zẹ wẹ rẹn gha ru ẹe. Emwi ọrhẹnrhẹn ne ọ la unu e Mosis ne ọguọmwadia ẹre ve, ọ gele wa ru ehia fẹẹrẹ.

I Krọnikol 23:25

E Devid keghi kha wẹẹ, “E Nọyaẹnmwa ne Osanobua Izrẹl rhie ọfumwegbe ne emwa rẹn nẹ, rẹn tobọ ẹre gha vbe gha rre Jerusalẹm rhinrin ẹdẹ.

Psalm 95:11

Ohu keghi mu mwẹ ọre I na yan wẹẹ, ‘Wa i ra la otọe nii ne I gha na te rriẹ ikẹtin ne uwa.’ ”

Jerimaia 31:2

I tohan iran ni miẹn uhunmwu vbe obọ uwu vbe ato. Ugbẹn vbe ivbi Izrẹl ghi wẹ iran gualọ ikẹtin.

Maika 2:10

Wa kpaegbe ne uwa kpao, egbe rọkhọmwẹ i ghi rre emwa ọvbehe. Orukhọ ne uwa ru zẹ emwa na ye ne a ra fuan nẹ.

Diuteronomi 12:8

“Ọ gha sẹ ẹghẹ nii nẹ, wa ghẹ ghi ru vbene uwa ka ru de yi do sẹ wanwan nian, dọmwadẹ ọghe ọe ọ re ọ ho vbene ọ khọnrẹn.

Diuteronomi 25:19

Rhunmwuda ọnii, ugbẹn vbe Nọyaẹnmwa Osanobua rua a ghi mu otọe nii ne uwa ọ na degue uwa hin obọ ẹbe ọghe eghian uwa hia ni yin lẹga uwa nẹ, wa ghẹ mwẹ wa ma gbele ivbi Amalẹk hia vbe ne a gha na miẹn wẹ a i ghi miẹn ọmwa ne ọ gha ye iran rre ẹdẹdẹmwẹdẹ. Wa ghẹ mianmian!”

Diuteronomi 3:20

Wa ru iyobọ ne ivbi Izrẹl ne ihua uwa, iran te do gbe ẹkun sẹ otọ vbe avbe otọe nii ne Nọyaẹnmwa gha mu ne iran vbe odẹ orrie Jọdan, kevbe wẹ e Nọyaẹnmwa te do gie iran gha rre ọfumwegbe zẹ vbene ọ vbe ru ne uwa. Iyeke onii dọmwadẹ ọghọe vbe uwu uwa sẹtin dọlegbe gha die otọ ne I mu ne uwa.’

Diuteronomi 4:21

Rhunmwuda uwa na, ọ re Nọyaẹnmwa na mu ohu ghe mwẹ, ọ na wa ta ẹe wẹ mẹ i ra fian Ẹzẹ Jọdan gberra la otọ esiesi nii ne ọ ra mu ne uwa.

Jọsua 11:23

E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.