Diuteronomi 12:3 - Edo Bible (E Baibol Ẹdo) Version 1996

³ Wa guọghọ aka iran sẹ otọ, ne uwa dunmwu orre okuta iruẹbọ iran rẹnkhẹnrẹnkhẹn. Wa ya erhẹn giẹn erhan iruẹbọ iran an, ne uwa wiẹn avbe amazẹ iran ye otọ sẹrriọ wẹ a i ghi dọlegbe gho iran vbe evba ẹdẹ.

Diuteronomi 12:3 ပူးပေါင်းရင်းမြစ်များ

I Ọba 14:15

E Nọyaẹnmwa gha rria Izrẹl ikhi. Ọ ghi gha mian gbẹghẹgbẹghẹ zẹ vbe ovbi erhan ne ọ zọ ye uwu ẹzẹ. Ọ gha silo ivbi Izrẹl vbọlọ hin otọe esiesi na ne ọ mu ne avbe erha iran odede. Ọ ghi zagha iran kua gberra Ẹzẹ Yufretes, rhunmwuda, iran gua izohu ẹre kpao vbekpa ne iran na ma amazẹ Asiẹrra ne ẹbọ ne okhuo.

I Ọba 15:13

Ọ keghi rhie Maka ne iye ẹe nọkhua hin ukpo iyọba rre rhunmwuda, ọ ghaa mwẹ ukhurhẹ emwiekhue ne iran ya gho Asiẹrra ne ẹbọ ne okhuo emwiokọ. Asa keghi guọghọ nene ukhurhẹ, ọ keghi giẹn ọnrẹn vbe Ẹzẹ Kidrọn.

II Ọba 11:18

Ẹre emwa nii na gha rrie aro e Bal, iran na siẹn ẹnrẹn sẹ otọ, iran na guọghọ Ogiukpo ne ọ rrọọ kevbe avbe ukhurhẹ, iran kevbe gbe Natan ne ohẹn e Bal ye odaro Ogiukpo. E Jehoiada keghi viọ emwa yọ ne iran gha khọ Ọgua Osa.

II Ọba 18:4

Ọ keghi guọghọ avbe ehe ne iran ni ga ẹbọ na gho ẹbọ iran, ọ keghi guọghọ orre okuta ni rrọọ ọ na vbe dunmwu amazẹ Asiẹrra ne ẹbọ ne okhuo sẹ otọ. Ọ kevbe guọghọe rua ighẹ ẹyẹn ne Mosis ya oze ru, ne iran gha tie ẹre Nehustan. Do sẹ ẹghẹ ne a kha na, te ivbi Izrẹl ye gha giẹn eturari vbe ya ya ọghọ ne ẹẹn.

II Ọba 23:14

E Josaia ne ọba keghi rẹnkhẹn orre okuta ne ọ rrọ, ọ na giagia amazẹ Asiẹrra ne ẹbọ ne okhuo, ọ na he ugboloko ọmwa vuọn ehe ne a te mu iran yi.

II Krọnikol 14:2

Asa keghi ru emwi ne ọ yẹ e Nọyaẹnmwa ne Osanobua ẹre, vbe ekpa ne ọ na gha yin uyinmwẹ nọgbae kevbe ne ọ maa.

II Krọnikol 14:3

Ọ keghi suẹ iran kua ighẹ avbe Ogiukpo ẹbọ ẹrrẹe kevbe avbe ehe ne iran nigẹbọ na ga, ọ na dunmwu avbe orrẹ ne a na ru ẹbo sẹ otọ, avbe amazẹ ne a ya gho Asiẹrra ne ẹbọ ne okhuo, ọ keghi dunmwu ehia a.

II Krọnikol 19:3

Sokpan ọ rhe yerriọ, emwi eso rrọ ne u na vbe maa. U viọ amazẹ Asiẹrra ne ẹbọ ne okhuo kua, u keghi hia ne u gha ru vbene Osanobua ho.”

II Krọnikol 31:1

Iran ghi ru emwiukpo na nẹ, ivbi Izrẹl hia keghi khian lele ore ẹvbo ni rre Juda hia, iran keghi ya guọghọ orre okuta ni rrọ kua, iran keghi siẹn ama Asiẹrra ne ẹbọ ne okhuo sẹ otọ, iran keghi dunmwu avbe Ogiukpo kevbe aro ẹbọ iran ni ga ẹbọ hia a. Iran keghi vbe ru ẹe vberriọ vbe ehe ni dekẹe vbe Juda, kevbe otọe Bẹnjamin, Ifreim kevbe Manasẹ, iyeke ọnii, iran hia kegha die owa.

II Krọnikol 34:3

Ọ ghi rre ukpo erẹnrẹn ne Josaia rriọba, vbe ọ he wa rre ọvbokhan, ọ keghi suẹn gha ga Osanobua ọghe Devid ne ọba ne erha ẹe odede. Ọ ghi rre ukpo ne ogienẹ, ọ keghi suẹn gha guọghọ aro ẹbọ kua, amazẹ Asiẹrra ne ẹbọ ne okhuo kevbe avbe amazẹ nekpa hia fẹẹrẹ.

Psalm 16:4

Ọlọghọmwa nibun, ọ re iran si ye egbe iran egbe ighe iran ni khirhi lele ẹbọ khian. Mẹ ira ga ẹbọ iran.

Ẹksọdọs 23:13

Wa rhie ehọ ye ẹmwẹ ne I tama uwa, wa ghẹ na erhunmwu ghe osa ọvbehe, wa ghẹ kue so eni iran.”

Ẹksọdọs 23:24

Wa ghẹ ya uhunmwu rhanmwẹ otọ ne ẹbọ iran, wa ghẹ vbe ga iran. Wẹ ghẹ gho emwi ne avbe emwa nii gho wa ghi fuẹn avbe ẹbọ iran an fẹẹrẹ, wa ghi wa dunmwu okuta ẹbọ iran an.

Ẹksọdọs 34:13

Ye ihe ọnii, u ghi rẹnkhẹn aka iran an, u ghi guọghọ okuta iruemwi iran an, u ghi tọnnọ erhan iruemwi ẹbọ ne okhuo iran ighẹ Asiẹrra kua.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Jerimaia 17:2

Ehe ne avbe Ogiukpo ye ọ re avbe emwa na ga, kevbe ne a mu gbọ ne Asiẹrra ne ẹbọ ne okhuo, vbe ehe ne erhan ne ọ mwẹ ebe ye, kevbe uhunmwu oke negiẹrẹ.

Hozia 2:17

Mẹ i ghi ra gie ẹe dọlegbe ye so unu ye eni e Baal ọvbehe.

Maika 5:14

I gha guọghọ ehia sẹ otọ ighe amazẹ Asiẹrra ne ẹbọ ne okhuo vbe otọe uwa hia, I ghi vbe dunmwu ẹvbo uwa hia a.

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Nọmbas 33:52

wa ghẹ mwẹ wa ma khulo emwa ni rre otọe nii hia hinrre. Wa ghi dunmwu amazẹ iran ne a ya okuta ra ematọn ru ruan, deba ehe ne iran na ga hia.

Diuteronomi 12:4

“Wa ghẹ ga e Nọyaẹnmwa Osanobua uwa zẹ vbene iran na ya gho ẹbọ iran.

Diuteronomi 7:25

Giẹn avbe amazẹ iran an. Ghẹ gie esiliva ra igoru ni rre iran egbe viẹn ye uwa aro, wa ghẹ vbe viọ iran ya khiẹn ọwua. Wa gha ru vberriọ, uwu ọ re ọ ke ẹre ikian rhunmwuda ẹbọ na gho wa sọnnọ e Nọyaẹnmwa.

Diuteronomi 7:5

Vbene uwa gha ru iran na hẹ ọ re ọ na khin. Wa siẹn aka iran hia sẹ otọ, wa bunnọ orre okuta iruẹbọ iran ukhiọnmwẹ. wa giagia erhan iruẹbọ ne iran baba lele otọ kua, ne uwa vbe giẹn amazẹ iran an ighẹ Asiẹrra.

Arhie Maan 13:1

Iyeke ọnii, I keghi ya bẹghe aranmwẹ oha ọkpa vbe ọ ke uwe okun ladian dee, ọ keghi mwẹ igho igbe kevbe uhunmwu ihinrọn. Ẹdẹ keghi rre ọkpọkpa vbe uwu avbe igho na, a keghi gbẹn eni uyinmwẹ dan ye ọre uhunmwu.

Giọgis 2:2

Wa ghẹ gu emwa otọ na ta ile rhọkpa, wa guọghọ aka iran sotọ.’ Sokpan wa ma he ru vbene I tama uwa. Iyeke ẹre ọ re uwa ghi ru ye ihe ẹre.