Diuteronomi 12:18 - Edo Bible (E Baibol Ẹdo) Version 1996

¹⁸ Wa kevbe avbe ivbi uwa kevbe eguọmwadia uwa, kevbe avbe e Livai nii rre ẹvbo uwa, odaro Nọyaẹnmwa Osanobua uwa ọkpa ọ re uwa gha na gha rri ọe, vbe ihọkpa kẹkan ne a na ga nii, ne Nọyaẹnmwa ne Osanobua uwa zẹe re vbe evba ne u gie ẹko ruẹ vbe gha rhiẹnrhiẹn rhunmwuda emwi ọma ne Nọyaẹnmwa hẹ ne uwa.

Diuteronomi 12:18 ပူးပေါင်းရင်းမြစ်များ

Psalm 32:11

Wa gha ghọghọ, ne uwa vbe gha sọyẹnmwẹ wa ne ẹmwata rhunmwuda, iwinna ne Nọyaẹnmwa winna ẹn. Wa ni họn ẹmwẹ ne ẹẹn, wa gha we ne oghọghọ.

Psalm 68:3

Sokpan, avbe ẹmwata ghọghọ iran keghi vbe sẹ ọyẹnmwẹ vbe odaro ẹre ẹko rhiẹnrhiẹn iran, iran keghi vbe we uwemwẹ oghọghọ.

Itan 3:17

Ẹwaẹn gha sẹtin ye ẹdagbọn ruẹn khian ne ọ rhiẹnrhiẹn, ọ ghi vbe su ẹ la ẹe fo.

Asan-Ibo 3:12

Rhunmwuda ọnii, I keghi miẹn emwi ne ima gha sẹtin ru ma gberra wẹ, ne ima gha sẹ ọyẹnmwẹ, ne a vbe ru vbene ẹtin mwa sẹe vbe a he rre agbọn na.

Asan-Ibo 5:18

Emwi ne I gualọ otọ ẹre miẹn ọ re ọna khin wẹ, emwi ne ọ kei ne ọmwa sẹ ọrọre ne ọ gha re, ne ọ gha da, ne ọ ye emwi ne ọ miẹn ẹsọn yi gha zọmọ vbe ẹdagbọn kherhe ne Osanobua rhie ne ẹẹn na: uhunmwu ne ọmwa mu rre ọ re onii khin.

Aizaia 12:3

Zẹ vbene amẹ ne ọ furre, ya ẹko ọmwa ne ovbamẹ gbe rhiẹnrhiẹn erriọ emwa Osanobua ghọghọ vbe ọ gha miẹn iran fan.”

Iwinna 16:34

Rẹn keghi viọ Pọl kevbe Sailas la owa ẹre, ọ na ya rhie evbare ne iran re. Rẹn kevbe ẹgbẹe ọre keghi ghọghọ ẹsẹse rhunmwuda ne iran na do ya Osanobua yi.

Iwinna 2:46

Ẹdẹgbegbe, iran keghi ya gha mi egbe vbe uwu Ọgua Osa zẹ vbe otu ọkpa. Iran keghi gba gha rri evbare iran kugbe vbe owa, vbe ọyẹnmwẹ kevbe amu egbe rriotọ.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Diuteronomi 12:14

sokpan wa ya zọ ẹre vbe ehe ne Nọyaẹnmwa gha zẹ vbe otọe ọkpa vbe avbe ẹwae uwa. Evba nii i ọkpa wa gha na gha zọ ese uwa ne a giẹn uan kevbe ne uwa vbe gha ru avbe emwi ọvbehe hia ne I tama uwa.

Diuteronomi 12:19

Inu ẹghẹ ne uwa gha ya vbe otọe uwa, wa ghẹ mianmian avbe Livai.

Diuteronomi 12:5

E Nọyaẹnmwa gha zẹ ihe ọkpa ne emwa gha na ga irẹn vbe otọe ọkpa vbe uwu avbe ẹwae uwa.

Diuteronomi 12:7

Vbe evba nii, vbe odaro e Nọyaẹnmwa Osanobua uwa, ne ọ fiangbe uwa, wẹ kevbe ẹgbẹe ruẹ gha re, wa ghi gha ghọghọ rhunmwuda avbe emwi esi ne uwa miẹn ẹsọn yi.

Diuteronomi 14:23

U ghi gha rrie ihe ọkpa nii ne Nọyaẹnmwa zẹe wẹ a gha na gha ga irẹn ne u ya sirra ẹre rrie ọkpa vbe uwu igbe ọghe ọka ruẹ ni kevbe ayọn kevbe ofigbọn ọliv kevbe emọ ọdiọn ọghe ẹmila kevbe ohuan ruẹn. U ghi ru ọna ne u miẹn ehe na ruẹ vbene a mu ohan e Nọyaẹnmwa Osanobua ruẹ hẹ ẹghẹ hia.

Diuteronomi 15:20

Wẹ kevbe ẹgbẹe ruẹ ghi ya gha rri ọe ukpukpo vbe odaro e Nọyaẹnmwa vbe ehe ọkpa kẹkan nii ne a na ga ẹe.

I Samuẹl 1:4

Ẹghẹ ke ẹghẹ ne Ẹlkana ya zọ ese ẹre, ọ ghi ghae ne Penina kevbe ivbi ẹre, ọkpọkpa.