Diuteronomi 12:16 - Edo Bible (E Baibol Ẹdo) Version 1996

¹⁶ Sokpan wa ghẹ rri esagiẹn iran; wa ghi hihiẹ ọe ku otọ zẹ vbe amẹ.

Diuteronomi 12:16 ပူးပေါင်းရင်းမြစ်များ

Gẹnẹsis 9:4

Emwi ọkpa kẹkan ọre ọ rrọọ ne u i khian re, ọnii ọre emiowo ne esagiẹn ye ye. I mu awua yọ rhunmwuda, esagiẹn ọre orhiọn ye.

Ezikiẹl 24:7

Iran de izigha vbe adesẹ ore ẹvbo, sokpan, iran ma gbe esagiẹn ọnrẹn ye ehe ne ebubẹ gha na degue ẹre, iran keghi wa gbe ẹe yan okuta ne ọ kpe yotọ.

Ezikiẹl 33:25

“Tama iran vbene imẹ ne Nọyaẹnmwa ne Udazi kha hẹ, wa rri emiowo ke ẹe kevbe esagiẹn. Wa gho ẹbọ. Wa de izigha. De emwi ne ọ ghi ya uwa gha ro yi ighe wa ọ re ọ yan otọ nii?

Levitikọs 19:26

“Wa ghẹ rri emiowo ke ẹe kevbe esagiẹn. Ghẹ zẹ ọbo imamase rhọkpa.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Iwinna 15:20

Emwi ne a gha ru ọrọre wẹ ne a gbẹn ebe gie iran we ne iran ghẹ rri evbare ne ọ ma huan, rhunmwuda ighẹ a yae ru ẹbọ, ne iran gha bi egbe ne alama oghẹ, ne iran ghẹ rrie aranmwẹ ne a ye obobọ kuẹn gbe ua ra esagiẹn.

Iwinna 15:29

wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”

Diuteronomi 15:22

Wa sẹtin rri egbe aranmwẹ vberriọ vbe owa. Wa hia fẹẹrẹ, kevbe ne awua gue kevbe ne ẹ i gue sẹtin re vbọ, zẹ vbe ne uwa rri ẹrhuẹ ra uzo.

Diuteronomi 15:23

Sokpan, wa ghẹ rri esagiẹn iran, wa ghi hihiẹ ọe ku otọe zẹ vbe amẹ.

I Timoti 4:4

Emwi ne Osanobua yi hia ọre ọ maa, ọkpa ne avbe rhie fua ẹ i rrọọ, sokpan, erhunmwu ekpọnmwẹ ọre ọ kere ne a ya gha miẹn iran.

I Samuẹl 14:32

Iran keghi rhunmwuda onii de rhu emwi ne iran khọn viọ vbe obọ avbe eghian iran, iran keghi viọ avbe ohuan, ẹmila kevbe ivbi ẹmila, iran keghi gbele ehia vbe evba dandaandan, iran rri emiowo ẹre ke ẹe kevbe esagiẹn.

I Samuẹl 14:33

Iran keghi ya tama e Sọl wẹẹ, “Ghe vbe avbe emwa nii gha ru khọ ghe e Nọyaẹnmwa vbe kpa ne iran na rri emiowo ke ẹe kevbe esagiẹn.” E Sọl keghi datu wẹẹ, “Etẹ wa khin, wa werriẹ okuta nọkhua ọkpa bu mwẹ gha die emwa.”