Diuteronomi 12:11 - Edo Bible (E Baibol Ẹdo) Version 1996

¹¹ E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Diuteronomi 12:11 ပူးပေါင်းရင်းမြစ်များ

I Ọba 8:13

Banbanna nian, I bọ Ọgua Osa ẹrẹkhẹrẹ ne uẹn nẹ ehe ne u gha sẹtin gha ye ẹdẹdẹmwẹdẹ.”

I Ọba 8:16

‘Ke ẹghẹ ne I ya viọ emwa mwẹ ke Igipt ladian gha dee, I ma he zẹ ẹvbo ọkpa vbe otọ Izrẹl hia wẹ emwana ọ re a gha bọ Ọgua Osa ne a gha na gha ga mwẹ yi, sokpan I keghi zẹ uwẹ ne Devid ne ọ gha khaemwisẹ yan emwa mwẹ.’ ”

I Ọba 8:29

Gie aro ruẹ gha ghe Ọgua Osa na asọn kevbe avan, emwana ne u wẹ zẹe wẹ ne a gha ga a vbọ. Họn ọghomwẹ, vbene I na erhunmwu vbe uwu Ọgua Osa na.

II Ọba 18:22

Avbe ekaokuo Asiria keghi ye rhie te ẹe wẹẹ, “Ra te u ghi ra tama ima ighẹ e Nọyaẹnmwa ne Osanobua uwa ọ re u mu ẹtin yan? Te Hẹzekaia dunmwu ehe ne a na gho e Nọyaẹnmwa hia a, kevbe aka ẹre hia, ọ na tama ivbi e Juda kevbe Jerusalẹm wẹ e Jerusalẹm ọkpa ọ re iran hia gha na gha ga.

I Krọnikol 22:1

Ẹre Devid na kha wẹẹ, “Emwana ọ re Ọgua Osa e Nọyaẹnmwa Osanobua ra gha ye, eke ne emwa Izrẹl gha na gha zọ ese na giẹn uan.”

II Krọnikol 6:20

Gha gbe aro ghe Ọgua Osa na asọn kevbe avan. U yan mẹ wẹ emwa na ọ re a gha na gha ga a rhunmwuda ọnii, I gha mu aro da Ọgua Osa na gha na erhunmwu, u ghi họn ọghomwẹ.

II Krọnikol 7:12

E Nọyaẹnmwa keghi rhie egbe maa rẹn vbe asọn, ọ keghi tama rẹn wẹẹ, “I Họn erhunmwu ruẹn nẹ, I vbe rhan obọ miẹn Ọgua Osa na, zẹ vbe ehe ne a gha na gha zọ ese ghe mwẹ.

Ẹzra 6:12

Te Osanobua ni ne ọ zẹẹ Jerusalẹm wẹ evba ọre a gha na gha ga irẹn, gha guọghọ ẹre arriọba a, ighẹ ọbakọba ne ọ ma zẹ ye ẹmwẹ na, ọ na gha ho ne ọ guọghọ Ọgua Osa ne ọ rre evba a. Mẹ ne Dariọs ọ re ọ ta ẹmwẹ na. Ẹmwẹ ne I tae, ta a gha mu ẹẹn sẹ.”

Psalm 100:2

Wa ya oghọghọ ga Nọyaẹnmwa wa so ihuan oghọghọ gha die odaro ẹre.

Psalm 116:17

I gha zọ ese ekpọnmwẹ ghe ruẹ I ghi vbe na erhunmwu mwẹ ghe ruẹ.

Psalm 66:13

I gha viọ ese ne a giẹn uan rriẹ owa ruẹ, I gha viọ emwi ne I ve ye urhu guẹ.

Psalm 78:68

Sokpan, ọ keghi zẹẹ ẹwae e Juda kevbe Oke Zaiọn ne ọ ho ẹmwẹ ọnrẹn ẹsẹse.

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Ẹksọdọs 29:45

I gha rre uwu ẹbu ivbi Izrẹl, I ghi gha re Osanobua iran.

Jerimaia 7:12

“Wa gha rrie Siailo, ehe ne I ka gha zẹ wẹ evba ọ re a gha na gha ga mwẹ ne u wa ya ghe emwi ne I ya ẹe khian rhunmwuda orukhọ ivbi Izrẹl ne emwa mwẹ.

Diuteronomi 12:13

Wa ghẹ gha zọ ese uwa vbe ehe ne ọ rhirhi khọn uwa,

Diuteronomi 12:14

sokpan wa ya zọ ẹre vbe ehe ne Nọyaẹnmwa gha zẹ vbe otọe ọkpa vbe avbe ẹwae uwa. Evba nii i ọkpa wa gha na gha zọ ese uwa ne a giẹn uan kevbe ne uwa vbe gha ru avbe emwi ọvbehe hia ne I tama uwa.

Diuteronomi 12:18

Wa kevbe avbe ivbi uwa kevbe eguọmwadia uwa, kevbe avbe e Livai nii rre ẹvbo uwa, odaro Nọyaẹnmwa Osanobua uwa ọkpa ọ re uwa gha na gha rri ọe, vbe ihọkpa kẹkan ne a na ga nii, ne Nọyaẹnmwa ne Osanobua uwa zẹe re vbe evba ne u gie ẹko ruẹ vbe gha rhiẹnrhiẹn rhunmwuda emwi ọma ne Nọyaẹnmwa hẹ ne uwa.

Diuteronomi 12:21

A deghẹ ihọkpa ne a na ga nii rrei gbe; wa sẹtin gbe ẹmila uwa vbe uwu enii ne Nọyaẹnmwa hẹ ne uwa, zẹ vbene I ka khama uwa ne uwa gha rri emiowo vbe owa vbe ẹghẹikẹghẹ ne uwa a rhirhi ya gha ho.

Diuteronomi 12:26

Wa ghi viọ emwi ihaoko uwa kevbe izẹọhẹ ne uwa ve Nọyaẹnmwa ẹre gha rrie ihe ọkpa ne a na ga.

Diuteronomi 12:5

E Nọyaẹnmwa gha zẹ ihe ọkpa ne emwa gha na ga irẹn vbe otọe ọkpa vbe uwu avbe ẹwae uwa.

Diuteronomi 14:23

U ghi gha rrie ihe ọkpa nii ne Nọyaẹnmwa zẹe wẹ a gha na gha ga irẹn ne u ya sirra ẹre rrie ọkpa vbe uwu igbe ọghe ọka ruẹ ni kevbe ayọn kevbe ofigbọn ọliv kevbe emọ ọdiọn ọghe ẹmila kevbe ohuan ruẹn. U ghi ru ọna ne u miẹn ehe na ruẹ vbene a mu ohan e Nọyaẹnmwa Osanobua ruẹ hẹ ẹghẹ hia.

Diuteronomi 15:19

“U ghi viọ emọ ọdiọn ọghe avbe ẹmila kevbe ohuan ruẹ ye efẹn ọkpa ne Nọyaẹnmwa Osanobua ruẹ. Ghẹ ye avbe ẹmila ni rrọọ winna, ghẹ gbe eto avbe ohuan ni rrọọ.

Diuteronomi 15:20

Wẹ kevbe ẹgbẹe ruẹ ghi ya gha rri ọe ukpukpo vbe odaro e Nọyaẹnmwa vbe ehe ọkpa kẹkan nii ne a na ga ẹe.

Diuteronomi 17:8

“U gha ghe a ghi miẹn ẹzọ eso ne ọ wegbe sẹ ọmwa ne ọ bu ohiẹn ọghe ẹvbo nii ẹi mwẹ emwi ne ọ re ọghe ọmwa, ra ẹmwẹ ikuan egbe ye, ẹmwẹ nii laghe vbene izigha ra izigha ọyẹvbu ye. Ọ gha ye vberriọ, wa ghi gha rrie ihe ọkpa ni ne a na ga ni ne Nọyaẹnmwa ne Osanobua uwa zẹe.

Diuteronomi 18:6

“E Livai ne ọ rhirhi gha ho, sẹtin ke ẹvbo ne ọ rhirhi gha khin vbe Izrẹl gha die ihe ọkpa ne a na ga ni.

Diuteronomi 23:16

Ọ sẹtin ya yin ẹvbo ne ọ yẹ ọ re vbe otọe ruẹ, a ghẹ vbe gha ru ẹe khọ.

Diuteronomi 26:2

Dọmwadẹ ọghe ọe vbe uwu uwa ghi viọ emwiokọ ne ọ ka gha rhọ ye okhuae, ọ ghi mu gha die ihe ọkpa nii ne a na ga.

Diuteronomi 31:11

U ghi tie ẹre ma ivbi Izrẹl vbe iran a rre do ga e Nọyaẹnmwa Osanobua uwa, vbe ehe ọkpa ne a na ga nii.

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Jọsua 22:11

Ivbi Izrẹl nekpa keghi họn, a keghi tama iran wẹẹ, “Wa danmwẹ ehọ, emwa ni rre ẹwae Riubẹn, e Gad kevbe odẹ ahọ vbe ẹwae Manasẹ bọ aka ye Gelilot vbe ọkpẹn uwu vbe obọ ne ọ re ọghe ima vbe Jọdan.”

Jọsua 22:16

Ẹmwẹ ne emwa e Nọyaẹnmwa hia khare ọ re ọna khin, “Vbọzẹ ne uwa na ru emwi dan na ghe Osanobua Izrẹl yi? Te uwa ra sọtẹ ghe e Nọyaẹnmwa vbe ne uwa na bọ aka na ne egbe uwa! Wa i ghi lele irẹn ọvbehe!

Jọsua 22:23

A deghẹ ma yin uyimwẹ iyienhọ ghe Nọyaẹnmwa, ma na vbe bọ aka ọghe obọ mwa ne ima gha zọ ese vbọ, ra ne a ya ẹe gha ru imuohan ọka ra imuohan isara, gie e Nọyaẹnmwa tobọ ẹre rria ima ikhi.

Jọsua 22:27

Sokpan ne ọ gha re ama ne otu ima eveva ke orre ne ọ gha rre vbe iyeke mwa wẹ te ima ga e Nọyaẹnmwa vbe ekpa ne a na giẹn ese mwa, kevbe ese ne a zọọ, kevbe isara. Te ima wẹ ne a ye ọna ru ẹe ne ivbi uwa ghẹ ya tama ima ẹdẹ ne ọ dee wẹẹ, ‘Ẹmwẹ e Nọyaẹnmwa ma kan uwa.’

Jọsua 22:29

Ma i ghẹ mwẹ odẹ ne a ya sọtẹ ghe e Nọyaẹnmwa ra ne ima fi iyeke gbe ẹe nian. Vbe ekpa ne a gha na bọ aka ne a na giẹn emwi imuohan ra emwi imuohan ọka ra izọese. Ma i ra bọ aka ọvbehe gberra aka ọghe Nọyaẹnmwa Osanobua mwa ne ọ rre odaro Owa Ukpọn ne a dia ọghọe.”

Jọsua 9:27

Sokpan, vbe uwu ẹre nii, ọ keghi ya iran ru ni rhọ erhan kevbe ni sa amẹ ne ivbi Izrẹl kevbe aka ọghe Nọyaẹnmwa. Erriọ iran ye ru ẹe do sẹ ẹdẹ nẹrẹ na. Iran ghi gha winna vbe ehe ne e Nọyaẹnmwa a rhirhi wẹ ne a na gha ga irẹn.

I Samuẹl 1:21

Ẹlkana kevbe ẹgbẹe ọre kegha rrie Siailo ne ọ ya zọ ese ukpukpo kevbe ese ne irẹn yan rẹn kpataki, ghe e Nọyaẹnmwa.