Diuteronomi 11:7 - Edo Bible (E Baibol Ẹdo) Version 1996

⁷ Ẹn, wa na ọ re aro ẹre sẹ iwinna nekhua ne Nọyaẹnmwa winnaẹn.

Diuteronomi 11:7 ပူးပေါင်းရင်းမြစ်များ

Psalm 106:2

Gha ọ gha sẹtin na iyẹn, iwinna ọyunnuan hia ne ọ he winna ẹn? De ọmwa ne ọ gha sẹtin rho ẹre zẹ vbe ne ọ ke yi?

Psalm 145:12

Ne emwa hia sẹtin rẹn iwinna nekhua ne u winna ẹn, kevbe uyi ẹtin ọba ọghe otọe arriọba ruẹ.

Psalm 150:2

Wa rho ẹrẹ ye iwinna nekhua ne ọ winna ẹn; wa rho ukpọlọmwẹ ọnrẹn ne ọ sẹ ehia.

Diuteronomi 11:6

Wa ye emwi ne ọ ru e Datan kevbe Abiram ne ovbi Eliab ne ẹwae Riubẹn rre. Otọ rhan unu, ọ keghi minọ iran re ke iran kevbe ẹgbẹe iran, owa ukpọn iran, kevbe eguọmwadia iran, kevbe emwirri iran.

Diuteronomi 11:8

“Wa gha ya uhi hia ne I gbe ne uwa ẹrẹna ru emwi. Erriọ wa gha na sẹtin gberra ne uwa ya yin otọe nii ne uwa ghi ra lao na.

Diuteronomi 27:10

rhunmwuda ọnii, wa gha họn ẹmwẹ ne ẹẹn, ne uwa vbe gha rhie avbe uhi hia ne I viọ ne uwa ẹrẹna mwẹ.”

Diuteronomi 29:2

E Mosis keghi tie ivbi Izrẹl hia si koko, ọ na tama iran wẹẹ, “Aro uwa tobọ uwa sẹ emwi ne Nọyaẹnmwa ru ọba Igipt re, avbe ekhaẹmwẹ ẹvbo ẹre, kevbe ẹvbo ẹre hia.

Diuteronomi 4:3

Wa tobọ uwa miẹn emwi ne Nọyaẹnmwa ru vbe Oke Peọ. Ọ keghi fuẹn emwa hia ni gho e Bal rua vbe evba nii.

Diuteronomi 5:3

Ẹ i re avbe erha mwa odede ọkpa ọ re ọ gu ta ile na, sokpan kevbe ima nọ, ma hia fẹẹrẹ ni rre agbọn ẹdẹnẹrẹ na.

Diuteronomi 7:19

Wa ye avbe egboghogbogho ne uwa ye aro uwa miẹn hia rre, avbe iwinna ama kevbe ọyunnuan kevbe ẹtin vbe iwegbe ne Nọyaẹnmwa Osanobua uwa ya fannọ uwa vbe irri. Ọ gha fuẹn avbe emwa na hia ne uwa mu ohan rẹn na, zẹ vbene ọ vbe fuẹn emwa Igipt.

Jọsua 24:31

Ivbi Izrẹl keghi wa gha ga e Nọyaẹnmwa vbe ukpo hia ne Jọsua yae vbe agbọn, kevbe iyeke ọ vbe wu nẹ vbe iran ne avbe ọkaolotu ni rẹn emwi hia ne e Nọyaẹnmwa ru ne Izrẹl he ye rrọọ.