Diuteronomi 11:4 - Edo Bible (E Baibol Ẹdo) Version 1996

⁴ Wa miẹn vbene Nọyaẹnmwa wa rẹnkhẹn ivbi iyokuo Igipt ruan fẹẹrẹ hẹ, ke ẹe kevbe ẹsin kevbe ikẹkẹ okuo iran, ne ọna ruẹn ehia amẹ vbe Okun Iranmwiran vbe iran khu uwa khian.

Diuteronomi 11:4 ပူးပေါင်းရင်းမြစ်များ

Psalm 106:11

Sokpan ẹzẹ gbele avbe eghian iran, ọkpa ne ọ miẹn uhunmwu vbọ i rrọọ.

Ẹksọdọs 15:19

Avbe ivbi Izrẹl keghi fian okun rra vbe otọe ne ọ kae, sokpan, ugbẹn vbe ikẹkẹ okuo ivbi Igipt ghi la uwu okun, e Nọyaẹnmwa keghi hihiẹ amẹ werriegbe rre, ọ na gue iran ginna otọ.

Ẹksọdọs 15:4

Ọ filo ikẹkẹ okuo Igipt, kevbe ivbiyokuo ẹre ku uwu okun; ekhaẹmwẹ ọnrẹn nii maa sẹ, wulo ye uwu Okun Nọbaa.

Diuteronomi 1:40

Sokpan wa na, wa fi egbe werriegbe ne uwa dọlegbe gha rrie uwu ato vbe odẹ Okun iranmwiran.’

Diuteronomi 11:5

Wa rẹn emwi ne Nọyaẹnmwa ru ne uwa vbe uwu ato, wa te do sẹ emwa na.

Diuteronomi 2:1

“Vbe okiekie ehia, ma ke ghi werriegbe gha rrie uwu ato ne ọ rre odẹ Okun Iranmwiran zẹ vbene Nọyaẹnmwa kha re, ma ke wa gbe ẹghẹ ne ọ taẹn ya gha zozo khian vbe avbe ẹvbo oke Idọm.

Hibru 11:29

Iyayi ọre ivbi Izrẹl ya fian Okun Ne ọ baa rraa, vbene a miẹn wẹ otọ, ne ọ kae ọre nọ. Ivbi Igipt ghi te ra vbe ru vberriọ, amẹ keghi minọ iran re.