Diuteronomi 11:30 - Edo Bible (E Baibol Ẹdo) Version 1996

³⁰ (Oke eva na odẹ orrie ọghe Jọdan ọ re iran ye vbe otọe Kenan vbe Ugboghodo e Jọdan, odẹ orrie ọ re iran ye vbọ, iran ma rrei gbe vbe erhan iruẹbọ e Morẹ vbe ọkpẹn ẹvbo Gilgal.)

Diuteronomi 11:30 ပူးပေါင်းရင်းမြစ်များ

Gẹnẹsis 12:6

Ebram kegha lele otọe nii khian rhinrin ọ te do sẹ erhan iruemwi ọghe Morẹ vbe ẹvbo nọhuanrẹn ọghe Siẹkẹm (vbe ẹghẹ ne a kha na, te ivbi e Kenan he ye rre otọe nii).

Nehimaia 12:29

kevbe Betgigal, e Geba kevbe Azmavẹt.

Jọsua 4:19

Ikpẹdẹ ne ogigbe vbe uki ne ogienẹ, ne ọ re uki ne okaro, ọre emwa ni na fian Jọdan rra, iran keghi gbe agọ ye Gilgal vbe olarre owẹn Jẹriko.

Jọsua 5:9

Ẹre Nọyaẹnmwa na tama Jọsua wẹẹ, “Vbe ẹdẹnẹrẹ na. ukpọn efaa ọghe ne uwa na gha re eviẹn vbe Igipt, I ban ẹn uwa ẹre mu fua nẹ.” Ọnii ọ si ẹe ne a na gha tie evba nii Gilgal zẹ vbene a ye tie ẹre ẹdẹnẹrẹ na.

Giọgis 7:1

Ẹdẹ ikẹtin e Gidiọn keghi gua kpao vbe owiẹ vbirrivbirri ke irẹn kevbe emwa rẹn, iran na ya bu agọ ye ọkpẹn Ovbi Ẹzẹ Harọd. Agọ ọghe emwa Midian kegha rre iya vbe odẹ okuọ ọghe iran, vbe ọkpẹn oke Morẹ.

Giọgis 9:7

Ugbẹn vbe Jotam ghi họn ẹmwẹ na, ọ na gha rrie Oke Gerizim, ọna mudia yan uhunmwu ẹnrẹn, ọ na datu gu iran guan wẹẹ, “Wa danmwẹ ehọ mwẹ ivbi e Siẹkẹm, Osanobua gha vbe danmwẹ ehọ uwa!